IMAMAT 5:15 - KITAB NU TUMPU ALLA LELE MA'IMAI'

¹⁵ De daagi' ko mian madi' nontotonggolakon nombaumo dosa' ola kalana tinongkolilimo na nombee' anu tionyo ahi' osombahkon hi Tumpu, saba' mian aijo' tionyo ahi' momboa koloban bau polugi'i. Koloban aijo' tionyo ahi' sa'angu' na domba kabai mee' lakinyo anu madi' ko panyakitnyo ka' olinyo o angga'i susumo angga'nyo anu biasa obau i Kemah nu Tumpu.

IMAMAT 5:15 ပူးပေါင်းရင်းမြစ်များ

2 TOMU-TOMUNDO' 12:16

Doi nu koloban anu bau pombolosi kalugi'an ka' koloban pongampuni dosa', madi' oposoop i peti' ise-ise' aijo'. Doi aijo' obee' hi to ima-imam.

EZRA 10:19

Aha nojanji'mo mongga'atakonmo bengkele' nu aha, lantas aha nonsombahkonmo domba lakinyo anu okolobanakon bau pongampuni dosa' nu aha.

NOSABATMO 30:13

Toto samian na anu obilangmo de pombilanganmo aijo' tionyo ahi' momboa mae doi bau pombayan konjoo'nyo susumo anu tinantukanmo na olinyo anu bau pombayan Kemah-Ku salaku kasanangan anu obee' samata-mata hi beleng-Ku.

YEHEZKIEL 40:39

Idasanyo aijo' daagi' ko meja' opat, toto ohua sambiha' ka' sambiha'. Aita' imeja' haha aijo' na pongkolotan binatang anu okolobanakon opotunu kabai koloban bau pohapusi dosa' kabai koloban pombolosi kalugi'an.

IMAMAT 1:10

De anu osombahkon sa'angu' na domba kabai mee', binatang aijo' tionyo ahi' lakinyo ka' madi' ko panyakitnyo.

IMAMAT 1:3

De anu osombahkon sa'angu' na sapi', binatang aijo' tionyo ahi' lakinyo ka' madi' ko panyakitnyo. Sapi' aijo' tionyo ahi' nu boa i sabatan nu Kemah nu Tumpu, da nutalima nu Tumpu na mian aijo'.

IMAMAT 14:12

Imam tionyo ahi' mongalamo sa'angu' na anak nu domba lakinyo tiba lanya' nu zaitun saliter obagi totolu', sambahagian na bau koloban polugi'i, ka' osombahkon salaku palasombahan anu obee' hi Tumpu.

IMAMAT 27:3

angga'nyo sumo anu biasa opake i Kemah nu Tumpu: – anu molabimo 60 na taun: mo'ane 15 na doi salaka boune 10 na doi salaka – 20-60 na taun: mo'ane 50 na doi salaka boune 30 na doi salaka – 5-20 na taun: mo'ane 20 na doi salaka boune 10 na doi salaka – i aluknyo nu 5 na taun: mo'ane 5 na doi salaka boune 3 na doi salaka

IMAMAT 4:2

da mombebakon hi bansa Israel tukoonyo mau mule' ihe na anu madi' nontotonggolakon mombau dosa', panyo nolanggaimo sala'sa'angu' na palentah haha aijo' nu Tumpu, tionyo ahi' montuluti atulan aiya.

IMAMAT 5:14

Tumpu nombee'mo hi Musa atulan haha aiya.

IMAMAT 5:16

Mian aijo' tionyo ahi' mombayan apaa na anu u'utu mae kinolilimannyomo, ka' montuangi mule' uampulu' na palasen. Lapas aijo' ia tionyo ahi' mombee'mo binatang aijo' hi imam, ka' imam mongkolobanakonmo bau pontobus dosa' nu mian aijo' sahingga nu ampunimo nu Tumpu.

IMAMAT 5:18

Jadi koloban bau polugi'i ia tionyo ahi' momboa sa'angu' na domba kabai mee' lakinyo anu madi' ko panyakitnyo, ka' olinyo o angga'i susumo angga'nyo anu biasa obau i Kemah nu Tumpu. Imam mongkolobanakon bau pontobus dosa' nu mian aijo', sahingga ia nu ampunimo nu Tumpu.

IMAMAT 6:6

Koloban bau polugi'i, mian aijo' tionyo ahi' monsombahkon sa'angu' na domba kabai mee' lakinyo anu madi' ko panyakitnyo ka' o'una'i olinyo susumo angga'nyo anu biasa obau i Kemah nu Tumpu.

IMAMAT 7:1

Aiyamo na to atu-atulannyo mongkona koloban bau polugi'i. Koloban aijo' talalo hondo susi'.

IMAMAT 7:6

Batu-batu mo'ane anu i uno nu auwan nu to ima-imam timbali mongkaan antoknyo nu koloban aijo' panyo aha tionyo ahi' mongkaan i tampat anu samata-mata bau pongkaanan, kalana koloban aijo' susi' hondo.

NOMBILANGMO 5:5

Tumpu nombee'mo hi Musa

NOMBILANGMO 5:8

Panyo de mian anu pinolugi'nyomo aijo' sinilakamo ka' madi' ko to utu-utusnyo kabai anu daagi' hondo julunyo mae, saba' anu bau polugi'i aijo' tionyo ahi' obee'mo hi Tumpu ka' timbalimo bau bagi nu imam. Bau polugi'i aijo' madi' minsoop na domba lakinyo anu opake pontobus dosa' hi mian anu sinala'mo aijo'.

PO'ULE' INGULIT 12:26

Iwi-iwi' na koloban ka' palasombahan anu jinanji'mo nu belemiu hi Tumpu, tionyo ahi' oboa nu belemiu i tampat anu pinile'anmo nu Tumpu.

1 SAMUEL 6:3

Lantas tinaamanmo nu aha, “Peti' Palajanjian nu Tumpu Allah Israel aijo' ola da asan osule'akonmo, panyo tionyo ahi' otoukai na tambonyo bau pontokong dosa' nu belemiu. Da tiba jalan anu sumo aijo' ma alinmo na panyakit nu belemiu, da osumbu' nu belemiu kadaka' Tumpu Allah nu aha Israel aijo' saja'mo nohukum belemiu.”