IMAMAT 5:1 - KITAB NU TUMPU ALLA LELE MA'IMAI'

¹ Koloban bau pongampuni dosa' palalu hondo osombahkon: De daagi' ko mian anu opoita mombee'i katalangan salatan mian kopian momputusimo palakala, lantas madi' mombee'i katalangan mongkona apaa na anu tinoanyomo kabai anu i hongonyomo sahingga ia tionyo ahi' montanggungmo kasala'annyo.

IMAMAT 5:1 ပူးပေါင်းရင်းမြစ်များ

1 TOMU-TOMUNDO' 22:16

Tinaaman i Ahab, “De beleyum motatae hi belengku i uno sanggo nu Tumpu, yo poto'imo mae ahi' apaa na anu memang totu'u. Te pimpianje na aku mompokinde'i beleyum i han susumo aiya?”

1 TOMU-TOMUNDO' 8:31

De daagi' ko samian anu o tumpak nombaumo kasala'an hi mian sangga'at ka' oboamo mae i mezbah nu Belento i uno nu laigan ponsomban aiya da osumpa' au'aitu ia madi' ko sala'nyo,

2 TAWARIKH 18:15

Tinaaman i Ahab, “De beleyum nompoto'i mae sumo itina' hi belengku koonyo nu beleyum i uno nu sanggo nu Tumpu yo poto'i mae ahi' apaa sabenannyo na anu sahondo-hondonyo. Pimpianje na beleyum ku pokinde'i i han anu sumo aijo'?”

MAZMUR 38:4

Tahahumo ahi' na sakitku kalana tambuha' nu Belento; madi'mo daagi' ko anu mahoson i uno nu butongku kalana dosa'ku.

NOSABATMO 22:11

Han anu sumo aijo' ia tionyo ahi' mamba i tampat ponsomban ka' basumpa' i sanggo nu Tumpu ka' montaloakon tukoonyo ia madi' nombuling potuu'on anu pinoki potuu'mo hi aha. De memang ia madi' nombuling, tumpunyo tionyo ahi' mombayan pombolosi kalugi'an aijo' ka' mian anu nompotuu'mo madi'mo timbali mombayan pombolosi kalugi'an.

AMSAL 29:24

Mian anu mokalaja hingga-hinggat tiba topo buling, alati'nyo mongka'ideki mo posi butongnyo. De ia talang-talangan i pomputusian palakala, ia saidi mae obee'imo hukuman. Panyo de ia ola momohokot, ia nukonamo nu kutuk nu Tumpu Allah.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

YEREMIA 23:10

Lipu'to aiya nobuke'mo nu mian anu madi' tulu-tulutan hi Tumpu. Kantumuu'an nu aha saja'mo mombau anu ma'idek ka' sinala'mo na monggunakon kakuasa'an nu aha. Kalana kutuk nu Tumpu, sahingga hemput ipadang anu mateges nanggasmo ka' songko-songko na lipu' ihumangmo.

YEHEZKIEL 18:20

Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

YEHEZKIEL 18:4

Nyawa nu mian Aku na tumpunyo, mau nyawa nu anu tu'anyomo kabai nyawa nu anaknyo. Mian anu baladosa' aijo' ahi' na silaka.

IMAMAT 17:16

De ia madi' mombau sumo aijo', ia tionyo ahi' mongoa'imo hukumannyo.

IMAMAT 19:8

De ihe na mongkaan antoknyo aijo' mohumpak kasala'an kalana madi' mongadati anu samata-mata binee'mo mae hi belengku. Mian aijo' madi'mo Ku posoop mian anu pinalesayamo hi beleng-Ku.

IMAMAT 20:17

De ko samian na mo'ane moduhusmo tiba utusnyo boune kabai tiba utusnyo anu sa'a-sa'angu' na tuuma panyo madi' sa'a-sa'angu' na tina, kabai sa'a-sa'angu' na tina panyo madi' sa'a-sa'angu' na tuuma, aha madi'mo daagi' oposoop mian anu pinalesayamo hi Beleng-Ku. Aha nombaumo palabuatan anu madi' talakana', ka' tionyo ahi' mohumpak hukuman.

IMAMAT 4:2

da mombebakon hi bansa Israel tukoonyo mau mule' ihe na anu madi' nontotonggolakon mombau dosa', panyo nolanggaimo sala'sa'angu' na palentah haha aijo' nu Tumpu, tionyo ahi' montuluti atulan aiya.

IMAMAT 5:15

De daagi' ko mian madi' nontotonggolakon nombaumo dosa' ola kalana tinongkolilimo na nombee' anu tionyo ahi' osombahkon hi Tumpu, saba' mian aijo' tionyo ahi' momboa koloban bau polugi'i. Koloban aijo' tionyo ahi' sa'angu' na domba kabai mee' lakinyo anu madi' ko panyakitnyo ka' olinyo o angga'i susumo angga'nyo anu biasa obau i Kemah nu Tumpu.

IMAMAT 5:17

De daagi' ko mian madi' nontonggolakon nombaumo dosa', panyo nolanggaimo sala'sa'angu' na palentah nu Tumpu, mian aijo' sinala'mo ka' tionyo ahi' montanggungmo kasala'annyo.

IMAMAT 7:18

Panyo de toka i ko itolunnyo antoknyo aijo' sabole-bole ahi' okaan, saba' koloban aijo' madi'mo nutalima ka' madi'mo ko balakatnyo hi mian aijo', pakalaus timbalimo anu madi' pantas okaan. Mian anu mongkaan mohumpakmo kasala'an ka' montanggungmo kasala'annyo.

NOMBILANGMO 9:13

Panyo mule' anu madi' mahumimi' ka' anu madi' i uno nu lumambanan padahan madi'mo molame'akon Paskah, madi'mo Ku posoop mian anu pinalesayamo hi beleng-Ku kalana ia madi'mo nonsombahkon koloban hi beleng-Ku i tempo' anu tinantukanmo. Mian aijo' tionyo ahi' montanggungmo dosa'nyo.

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

TO MIA-MIAN KOPIAN 17:2

Daagi' kino sansinaan ia notataemo hi tinanyo, “Otinangku, tempo'nyo belento tinangku nolapus na doi salaka samadala' ka' sa'atu i hongongku belento tinangku nongkutukimo anu nontomang. Aiyamo tinangku na doi aijo'! Akumo na nontomang.” Tinanyo nontaami, “Ku amalakon da beleyum anakku nu balakati nu Tumpu!”