IMAMAT 4:6 - KITAB NU TUMPU ALLA LELE MA'IMAI'

⁶ Lantas ia tionyo ahi' molobongakon kangkam nu limanyo i baso' aijo' ka' mompipi'akon pimpitun i ahop nu lalanse' anu mongoloti Salipi' Susi'.

IMAMAT 4:6 ပူးပေါင်းရင်းမြစ်များ

NOSABATMO 40:21

Lantas pino'una'nyomo na Peti' aijo' i uno nu Kemah ka' nompokona hude pongkukumbungi i ahopnyo, susumo anu pinalentahkonmo nu Tumpu hi ia.

NOSABATMO 40:26

Mezbah mosoni' pinokokonyomo i uno nu Kemah, i ahop nu hude,

IMAMAT 14:16

Lapas aijo' nu lobongakonmo na kangkam nu limanyo koanan i lanya' ka' mompipi'akonmo pimpitun i uno nu Kemah nu Tumpu.

IMAMAT 14:18

Labinyo nu lanya' tionyo ahi' odudu'akonmo i ubak nu mian aijo'. Sumo aijo'mo na imam mombau anu bau pomposusi' hi mian aijo' i ahop nu Tumpu.

IMAMAT 14:27

ka' kangkam nu limanyo koanan mompipi'akon lanya' aijo' pimpitun i uno nu Kemah nu Tumpu.

IMAMAT 14:7

Imam mompipi'akon baso' nu tomonsi' aijo' pimpitun hi mian anu na'alinmo, ka' mompoto'i ia aijo' binelesi'mo. Lantas tomonsi' anu daagi' tumuu' tionyo ahi' opolapas i padang.

IMAMAT 16:14

Lantas i Harun tionyo ahi' mongalamo sangkiding na baso' nu sapi', ka' kangkam nu limanyo mompipi'akonmo baso' aijo' i sasu ahop nu kolopnyo nu Peti' Palajanjian aijo', ka' pimpitun i ahop nu Peti' aijo'.

IMAMAT 16:19

Tiba kangkamnyo aijo' ia tionyo ahi' mompipi'akon sangkiding na baso' aijo' pimpitun mokiijo' i mezbah. Tiba jalan sumo aijo' ia momposusi'mo mezbah kalana kapahumimi'an nu aha bansa Israel, da timbali susi'.

IMAMAT 25:8

Obilang pimpitun lipat na taun konjoo'nyo patompulu' ka' osio' na taun.

IMAMAT 26:18

De lapasmo na mongoa'i hukuman aijo' iwi-iwi', belemiu ma'isa ahi' montuluti Aku, hukuman nu belemiu Ku paka tuangimo lipat pimpitun.

IMAMAT 26:24

saba' Ku dokemo na belemiu ka' mohukumo belemiu pimpitun lipat lebemo maboat molingkudui anu uuka mae momona.

IMAMAT 26:28

saba' pusamo na Aku, Ku dokemo na belemiu ka' Ku hukumo na belemiu pimpitun lipat lebemo maboat molingkudui hukuman anu uuka mae momona.

IMAMAT 4:17

Ikiijo' ia tionyo ahi' molobongakon kangkam nu limanyo i baso' aijo' lantas nu pipi'akonmo pimpitun i ahop nu lalanse' anu mongoloti Salipi' Susi'.

IMAMAT 4:25

Imam tionyo ahi' molobongakon kangkam nu limanyo i baso' nu binatang aijo' lantas monsapuakon i tanduk haha aijo' anu pinaha pokona i pasu'nyo nu mezbah ka' odudu'akon na labinyo i paningkokoan nu mezbah.

IMAMAT 4:30

Imam tionyo ahi' molobongakon kangkam nu limanyo i baso' nu binatang aijo', lantas monsapuakon i tanduk haha aijo' anu pinaha pokona i pasu'nyo nu mezbah ka' odudu'akon na labinyo i paningkokoan nu mezbah.

IMAMAT 4:34

Imam tionyo ahi' molobongakon kangkam nu limanyo i baso' nu binatang aijo', lantas monsapuakon i tanduk haha aijo' anu pinaha pokona i pasu'nyo nu mezbah ka' mondudu'akon labinyo i paningkokoan nu mezbah.

IMAMAT 8:11

Lanya' aijo' ingalanyo sangkiding ka' pinipi'akonnyo pinimpitun i mezbah ka' iwi-iwi' na posadiaonnyo, ka' suele i tampat pongisian uee ka' paningkokoannyo. Tiba jalan anu sumo aijo' saba' iwi-iwi' aijo' samata-matamo anumo nu Tumpu.

IMAMAT 8:15

Lantas kinolotmo i Musa ka' nongala sambahagian na baso'nyo. Baso'nyo aijo' sinapuakonnyo nu kangkam nu limanyo i tanduk haha aijo' anu pinokona i pasu'nyo nu mezbah, da mezbah aijo' baumo samata-mata anumo nu Tumpu Allah. Labinyo nu baso' dinudu'akonnyomo i paningkokoan nu mezbah. Sumo aijo' na mombau mezbah aijo' da oposusi' ka' samata-matamo anumo nu Tumpu.

IMAMAT 9:9

To ana-anak i Harun nomboamo mae baso' nu binatang aijo' hi Harun ka' ia nolobongmo kangkam nu limanyo i baso' aijo' ka' nonsapuakonmo i tanduk opa-opat i pasu'nyo haha aijo' i mezbah. Lapas aijo' labinyo nu baso' aijo' dinudu'akonnyomo i paningkokoan nu mezbah.

NOMBILANGMO 19:4

Lantas tionyo ahi' nu ala i Imam Eleazar na baso'nyo sangkiding nu binatang aijo' ka' opipi'akon pimpitun mokiijo' i sasu Kemah nu Tumpu.

YOSUA 6:4

Aha popitu' na mian, toto samian momboa tolompet, tionyo ahi' lumajang mamba momona lapas nutuntunije nu Peti' Palajanjian. I sinaa anu ko ipitunnyo beleyum ka' suludadu nu beleyum tionyo ahi' montikubimo kota aijo' pimpitun na sunsum ka' to ima-imam mompuhimo tolompetnyo.

YOSUA 6:8

Susumo anu pinalentahkonmo i Yosua nambamo momona na anu ko toongon bau mahampate, lapas aijo' to ima-imamje anu mompuhi tolompet, lapas aijo' mule' to ima-imamje anu molemban Peti' Palajanjian, ka' lapas aijo' atina'je na anu ko toongon bau pahampate montuntuni aitu mae i mihi. Hau-hauinyo aha lumajang, saja'mo o puhi na tolompet.