IMAMAT 4:4 - KITAB NU TUMPU ALLA LELE MA'IMAI'

⁴ Sapi' aijo' tionyo ahi' nuboa i sabatan nu Kemah nu Tumpu. Imam Daka' tionyo ahi' mompotiik limanyo i ubak nu binatang aijo', lantas o kolot i ahop nu Kemah.

IMAMAT 4:4 ပူးပေါင်းရင်းမြစ်များ

2 TAWARIKH 29:23

Lantas ingalaje nu aha na mee' haha aijo' ka' binoa nu aha hi tomundo ka' hi mian da'isan anu hau-haunyo monsombah Tumpu i kiijo', lantas aha iwi-iwi' nompotiikmo lima nu aha i mee' haha aijo'.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

IMAMAT 16:21

Ia tionyo ahi' mompotiik limanyo ohu-ohua' i ubak nu mee' aijo' ka' mongakui iwi-iwi' na kasala'an, dosa' ka' anu i langgaanmo nu bansa Israel. Tiba jalan anu sumo aijo' iwi-iwi' na kasala'an nu bansa Israel i lalinmo nokiijo' i ubak nu mee' aijo'. Lantas samian na anu pinalentahmo da molaa'mo mee' aijo' da mambamo i padang bola.

IMAMAT 4:15

To pola-polaya' nu bansa tionyo ahi' mompotiik lima nu aha i ubak nu binatang aijo' lantas o kolotmo i tampat aijo'.

IMAMAT 4:29

Ia tionyo ahi' mompotiik limanyo i ubak nu binatang aijo', lantas o kolot i sasu utara nu mezbah tampat pongkolotan binatang koloban anu opotunu.

IMAMAT 8:14

Lapas aijo' i Musa nongalamo sa'angu' na sapi' lakinyo anu daagi' bata'nyo bau koloban pongampuni dosa'. I Harun tiba to ana-anaknyo nompotiikmo lima nu aha i ubak nu binatang aijo'.

NOMBILANGMO 8:12

Lantas aha mian nu Lewi tionyo ahi' mompotiik lima nu aha i ubak nu sapi' lakinyo ohua-ohua' aijo'; sa'angu' tionyo ahi' osombahkon bau koloban pongampuni dosa', ka' sa'angu' mule' bau koloban anu opotunu. Tiba atulannyo anu sumo aijo' aha mian nu Lewi pinosusi'mo.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.