IMAMAT 4:3 - KITAB NU TUMPU ALLA LELE MA'IMAI'

³ De anu baladosa' Imam Daka', sahingga bansa Israel suele sala'mo, ia tionyo ahi' mongkolobanakon sa'angu' na sapi' lakinyo anu daagi' bata'nyo ka' anu madi' ko panyakitnyo hi Tumpu da dosa'nyo o ampuni.

IMAMAT 4:3 ပူးပေါင်းရင်းမြစ်များ

2 TAWARIKH 29:21

Da bau koloban pongampuni dosa' hi auwan i tomundo ka' hi mian da'isan nu Yehuda ka da bau pomposusi' Laigan nu Tumpu, aha nomboamo 7 na sapi' lakinyo, 7 na domba lakinyo, 7 na anak nu domba, ka' 7 na mee' lakinyo. I tomundo nompalentahmo to ima-imam lee' mae i Harun da monsombahkon binatang haha aijo' i mezbah salaku koloban anu opotunu.

EZRA 8:35

I sinaamo aijo' suele na mian iwi-iwi' anu ninsusule'mo mae i pinomboan aha, nonsombahkonmo koloban hi Tumpu Allah Israel aijo' mokoloban anu opotunu. Aha iwi-iwi' na mian Israel nonsombahkonmo 12 na sapi' lakinyo, 96 na domba lakinyo ka' 77 na anak nu domba; ka' mule' suele 12 na mee' bau koloban pongampuni dosa' nu aha. Iwi-iwi' na binatang haha aijo' tinunuanmo salaku koloban anu osombahkon hi Tumpu.

NOSABATMO 29:14

Antoknyo, kilitnyo, kompong ninisnyo nu sapi' lakinyo aijo' tionyo ahi' opapui i sambiha'nyo nu Kemah. Aijo'mo na anu sosombahkon bau pongampuni dosa' nu to ima-imam.

NOSABATMO 29:21

Ala sangkiding na baso' anu aita' i mezbah ka' sangkiding na lanya' anu opake de mombalakati, lantas pipi' na i Harun ka' to ana-anaknyo tiba baju' nu aha. Tiba jalan anu sumo aijo' i Harun tiba to ana-anaknyo tiba baju' nu aha opakemo mokalaja samata-mata hi beleng-Ku.

NOSABATMO 29:7

Lantas ala na lanya' anu opake, de mombalakatimo, dudu'akon aita' i ubaknyo ka' sapuimo nu lanya' na ia.

NOSABATMO 30:10

Sataun minsan na i Harun tionyo ahi' mombau kalaja momposusi' mezbah tiba jalan mompipi'i tanduknyo opa-opat nu baso' aijo'mo baso' nu potuu'on anu kinolobanakonmo pongampuni dosa'. Han aijo' tionyo ahi' obau sataun toka sataun sampe toka sidu-sidutu'. Mezbah aijo' tionyo ahi' susi' songko-songko samata-mata opake bau kapalaluan-Ku.”

YEHEZKIEL 40:39

Idasanyo aijo' daagi' ko meja' opat, toto ohua sambiha' ka' sambiha'. Aita' imeja' haha aijo' na pongkolotan binatang anu okolobanakon opotunu kabai koloban bau pohapusi dosa' kabai koloban pombolosi kalugi'an.

YEHEZKIEL 43:19

Ola ahi' imam lee' mae i Zadok anu lee' mae nu tulunan nu bansa Lewi na timbali toka mae i ahop-Ku mongatun palasombahan osombahkon. Aku, Tumpu Anu Matangkas na Kuasanyo na nompalentahkonmo han aijo'. Bee'i na aha sa'angu' na sapi' mo'anenyo anu daagi' bata'nyo da bau koloban pongampuni dosa'.

YEHEZKIEL 44:27

lantas mambamo ipopasan sasu unonyo nu Laigan-Ku ka' monsombahkonmo koloban bau pompobelesi' butongnyo da ia timbali mule' mokalaja i Laigan-Ku. Aku, Tumpu Anu Matangkas na Kuasanyo notataemo.

IMAMAT 1:10

De anu osombahkon sa'angu' na domba kabai mee', binatang aijo' tionyo ahi' lakinyo ka' madi' ko panyakitnyo.

IMAMAT 1:3

De anu osombahkon sa'angu' na sapi', binatang aijo' tionyo ahi' lakinyo ka' madi' ko panyakitnyo. Sapi' aijo' tionyo ahi' nu boa i sabatan nu Kemah nu Tumpu, da nutalima nu Tumpu na mian aijo'.

IMAMAT 16:11

Salatan moko lapasmo na i Harun monsombahkon ka' mongkolotmo sapi' lakinyo bau koloban pongampuni dosa' nu posi butongnyo ka' kona hi aha salaigan,

IMAMAT 16:3

Ola de monsombahkonmo sapi' lakinyo bau koloban pongampuni dosa', ka' mule' sa'angu' na domba lakinyo bau koloban anu opotunu, yo i Harun timbali minsoop i Salipi' anu Susi' hondo.”

IMAMAT 16:5

Lantas mian nu Israel tionyo ahi' mombee' hi Harun ohua' na mee' lakinyo bau koloban pongampuni dosa' ka' sa'angu' na domba lakinyo bau koloban anu opotunu.

IMAMAT 16:6

I Harun tionyo ahi' monsombahkon sa'angu' na sapi' lakinyo bau koloban pongampuni dosa' nu posi butongnyo ka' aha salaigan.

IMAMAT 4:14

saba' sampa lia-lia' de dosa' aijo' osumbu'mo, aha mian tionyo ahi' momboa sa'angu' na sapi' lakinyo anu daagi' bata'nyo i ahop nu Kemah nu Tumpu. Binatang aijo' tionyo ahi' osombahkon bau koloban pongampuni dosa'.

IMAMAT 4:23

saba' sampa malia-lia' de osumbu'mo, ia tionyo ahi' mongkolobanakon sa'angu' na mee' lakinyo anu madi' ko panyakitnyo da bau pongampuni dosa'nyo.

IMAMAT 4:28

saba' sampa lia-lia' de osumbu'mo ia tionyo ahi' mongkolobanakon sa'angu' na mee' behenyo anu madi' ko panyakitnyo.

IMAMAT 4:5

Sambagian na baso'nyo tionyo ahi' nu boa i uno nu Kemah.

IMAMAT 5:6

Ka' bau pontobus dosa'nyo, ia tionyo ahi' momboa sa'angu' na domba kabai mee' behenyo osombahkon hi Tumpu. Imam tionyo ahi' monsombahkon koloban aijo' da dosa' nu mian aijo' o ampuni.

IMAMAT 6:18

Sampe toka sidu-sidutu' batu-batu mo'ane lee' i Harun timbali mongkaan roti aijo', aijo'mo na bagi nu aha anu saja' o ala i kaanon anu osombahkon hi Tumpu. Mian sangga'at anu sala' mongkanyang kaanon anu kinolobanakonmo aijo' mohumpak balaa' kalana mahoson hondo na kasusi'annyo.

IMAMAT 8:12

Lapas aijo' i Musa nombalakatimo i Harun, ia nondudu'akonmo sangkiding na lanya' anu opake mombalakati i ubaknyo.

IMAMAT 9:2

Koonyo i Musa hi Harun, “Ala mae sa'angu' na sapi' lakinyo anu daagi' bata'nyo ka' sa'angu' na domba lakinyo, ohu-ohua' aijo' anu madi' ko panyakitnyo. Sombahkon ohu-ohua' na binatang aijo' hi Tumpu, sapi' lakinyo bau koloban pongampuni dosa' ka' domba lakinyo bau koloban anu opotunu.

IMAMAT 9:3

Lantas pokau na bansa Israel monsombahkon sa'angu' na mee' lakinyo bau koloban pongampuni dosa' ka' sa'angu' na anak nu sapi' tiba sa'angu' na anak nu domba toto sa'angu' umunnyo sataunmo ka' madi' ko panyakitnyo da bau koloban anu opotunu.

NOMBILANGMO 16:22

Panyo i Musa ka' i Harun tinolodadupu nonsombah ka' notatae, “O Tumpu Allah, Belentomo na anu nombee'i mae kantumuu'an hi iwi-iwi' na anu tumuu'. De ola samian na anu baladosa', pa' Belento montambuha'imo mian iwi-iwi'?”

NOMBILANGMO 8:8

Lantas pokau na aha mongala sa'angu' na sapi' lakinyo anu daagi' bata'nyo tiba koloban kaanon labu ginalo'an lanya' na obau. Lantas beleyum tionyo ahi' mongala sa'angu na sapi' lakinyo sangga'at bau koloban pongampuni dosa'.

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

IBRANI 5:3

Ka' kalana ia madi' moko ala mombau apa-apaa, ia tionyo ahi' monsombahkon koloban, misa' ola kalana dosa' nu mian anu palesayamo hi Tumpu, panyo suele kalana dosa'nyo.

IBRANI 9:12

I Kristus ninsoop i Salipi' anu Susi' hondo i uno nu kemah aijo', ola ninsan sampe toka sidu-sidutu'. Tempo'nyo aijo' Ia madi' nomboa baso' nu mee' mo'anenyo kabai baso' nu anak nu sapi' da osombahkon; Ia nomboamo posi baso'-Nyo ka' tiba jalan anu sumo aijo' Ia nompobebasmo kita sampe toka sidu-sidutu'.