IMAMAT 4:25 - KITAB NU TUMPU ALLA LELE MA'IMAI'

²⁵ Imam tionyo ahi' molobongakon kangkam nu limanyo i baso' nu binatang aijo' lantas monsapuakon i tanduk haha aijo' anu pinaha pokona i pasu'nyo nu mezbah ka' odudu'akon na labinyo i paningkokoan nu mezbah.

IMAMAT 4:25 ပူးပေါင်းရင်းမြစ်များ

NOSABATMO 29:12

Ala sambagian na baso' nu sapi' aijo' ka' sapuakon nu kangkam nu beleyum i tanduk haha aijo' i mezbah. Tuha'nyo nu baso' aijo' bubusakonmo akaong i aluk nu mezbah.

YESAYA 40:21

Madi' minsoop i, akan na beleyum madi' monsumbu-sumbu' ka' mule' ma'isa nohongo, ka' madi' pinoto'i hi beleyum salatan pe'e nai puan mae? Madi' minsoop i, akan na beleyum madi' mompangalati'i salatan pe'e momonanyo mae, mosia na momonanyo mae na dunia aiya?

IMAMAT 16:18

i Harun tionyo ahi' mosabatmo ka' mambamo i mezbah pompotunuan koloban momposusi' mo mezbah aijo'. Ia tionyo ahi' mongala sangkiding na baso' nu sapi' ka' baso' nu mee', ka' monsapuakon i tanduk haha aijo' opa-opat i pasu'nyo nu mezbah.

IMAMAT 17:11

Nyawa nu anu pinotimbalimo nu Tumpu kiijo' i baso'nyo, kalana aijo' Tumpu nompalentahkon da iwi-iwi' na baso' odudu'akon i mezbah da to dosa-dosa' nu mian opobelesi'mo. Baso' aijo'mo nyawa, mompobelesi' dosa'.

IMAMAT 4:18

Sambahagian mule' tionyo ahi' osapuakon i tanduk haha aijo' anu pinaha pokona i pasu'nyo nu mezbah anu bau pompauan kamangian i uno nu Kemah ka' labinyo tionyo ahi' odudu'akon i paningkokoan nu mezbah tampat pompotunuan koloban anu kiijo' i ahop nu sabatan nu Kemah.

IMAMAT 4:24

Ia tionyo ahi' mompotiik limanyo i ubak nu binatang aijo' lantas o kolot i sasu utara nu mezbah, tampat pongkolotan binatang koloban anu opotunu.

IMAMAT 4:30

Imam tionyo ahi' molobongakon kangkam nu limanyo i baso' nu binatang aijo', lantas monsapuakon i tanduk haha aijo' anu pinaha pokona i pasu'nyo nu mezbah ka' odudu'akon na labinyo i paningkokoan nu mezbah.

IMAMAT 4:34

Imam tionyo ahi' molobongakon kangkam nu limanyo i baso' nu binatang aijo', lantas monsapuakon i tanduk haha aijo' anu pinaha pokona i pasu'nyo nu mezbah ka' mondudu'akon labinyo i paningkokoan nu mezbah.

IMAMAT 4:7

Sambagian na baso' aijo' tionyo ahi' o sapuakon i tanduk haha aijo' anu pinaha pokona i pasu'nyo nu mezbah bau pompapuan kamangian anu manohong i uno nu Kemah, ka' labinyo tionyo ahi' odudu'akon i paningkokoan nu mezbah anu bau pompotunuan koloban anu aijo' i sabatan nu Kemah.

IMAMAT 5:9

Baso' nu tomonsi' aijo' tionyo ahi' opipi'akon i sulapa'nyo opa-opat nu mezbah ka' labinyo opinjitakon i paningkokoan nu mezbah salaku koloban bau pongampuni dosa'.

IMAMAT 8:10

Lantas i Musa nongalamo lanya' anu opake mombalakati ka' monsapuakonmo i Kemah nu Tumpu ka' iwi-iwi' na posadiaonnyo. Tiba jalan anu sumo aijo' saba' iwi-iwi' aijo' samata-matamo anumo nu Tumpu.

IMAMAT 8:15

Lantas kinolotmo i Musa ka' nongala sambahagian na baso'nyo. Baso'nyo aijo' sinapuakonnyo nu kangkam nu limanyo i tanduk haha aijo' anu pinokona i pasu'nyo nu mezbah, da mezbah aijo' baumo samata-mata anumo nu Tumpu Allah. Labinyo nu baso' dinudu'akonnyomo i paningkokoan nu mezbah. Sumo aijo' na mombau mezbah aijo' da oposusi' ka' samata-matamo anumo nu Tumpu.

IMAMAT 9:9

To ana-anak i Harun nomboamo mae baso' nu binatang aijo' hi Harun ka' ia nolobongmo kangkam nu limanyo i baso' aijo' ka' nonsapuakonmo i tanduk opa-opat i pasu'nyo haha aijo' i mezbah. Lapas aijo' labinyo nu baso' aijo' dinudu'akonnyomo i paningkokoan nu mezbah.

ROMA 10:4

Atulan nu agama pinoko baumo i Kristus. Jadi batu-batu mian anu pinalesayamo hi Kristus, pompahasumbu'annyo tiba Tumpu mompo'ule'mo na'ima.

IBRANI 2:10

Memang konanyomo na Tumpu – anu nompotimbalimo iwi-iwi na apaa bau kapentingan-Nyo – ka' nompotimbalimo i Yesus anu momposalamat totu-totu'u, Ia nongoa'imo kasansala'an. Tiba jalan anu sumo aijo' na Tumpu nolagamo mian iwi-iwi' da suele opopodaka' tiba i Yesus. Kalana Iamo na pombuka' jalan hi aha da timbali oposalamat.

IBRANI 9:22

Memang atulan nu agama Yahudi, gagalan iwi-iwi na apaa oposusi' nu baso': ka' dosa' ola timbali o ampuni de daagi' ko baso' ojujuhakon.