IMAMAT 4:21 - KITAB NU TUMPU ALLA LELE MA'IMAI'

²¹ Lapas aitu sapi' lakinyo aijo' tionyo ahi' oboamo i sambiha'nyo ka' opotunumo i sambiha'nyo nu kemah susumo monsombahkon sapi' lakinyo anu bau koloban pongampuni dosa' nu Imam Daka' aijo'. Sumo aijo' na monsombahkon koloban pongampuni dosa' nu mian.

IMAMAT 4:21 ပူးပေါင်းရင်းမြစ်များ

EZRA 8:35

I sinaamo aijo' suele na mian iwi-iwi' anu ninsusule'mo mae i pinomboan aha, nonsombahkonmo koloban hi Tumpu Allah Israel aijo' mokoloban anu opotunu. Aha iwi-iwi' na mian Israel nonsombahkonmo 12 na sapi' lakinyo, 96 na domba lakinyo ka' 77 na anak nu domba; ka' mule' suele 12 na mee' bau koloban pongampuni dosa' nu aha. Iwi-iwi' na binatang haha aijo' tinunuanmo salaku koloban anu osombahkon hi Tumpu.

NOSABATMO 29:14

Antoknyo, kilitnyo, kompong ninisnyo nu sapi' lakinyo aijo' tionyo ahi' opapui i sambiha'nyo nu Kemah. Aijo'mo na anu sosombahkon bau pongampuni dosa' nu to ima-imam.

YEHEZKIEL 45:22

Kakona isinaa anu momonanyo, anu balakuasa mompalentah tionyo ahi' monsombahkon sa'angu' na sapi' lakinyo bau koloban pohapusi dosa' nu butongnyo ka' mule' dosa' nu iwi-iwi' na mian da'isan.

IMAMAT 16:15

Lapas aijo' i Harun tionyo ahi' mongkolotmo mee' bau koloban pongampuni dosa' nu aha mian Israel. Baso' nu mee' aijo' tionyo ahi' nu boa i Salipi' anu Susi' hondo, lantas opipi'akonmo i sasu ahop nu kolop nu Peti' Palajanjian aijo', ka' i ahop nu Peti', susumo anu binaunyomo i baso' nu sapi' lakinyo.

IMAMAT 16:21

Ia tionyo ahi' mompotiik limanyo ohu-ohua' i ubak nu mee' aijo' ka' mongakui iwi-iwi' na kasala'an, dosa' ka' anu i langgaanmo nu bansa Israel. Tiba jalan anu sumo aijo' iwi-iwi' na kasala'an nu bansa Israel i lalinmo nokiijo' i ubak nu mee' aijo'. Lantas samian na anu pinalentahmo da molaa'mo mee' aijo' da mambamo i padang bola.

IMAMAT 16:27

Sapi' lakinyo ka' mee' bau koloban pongampuni dosa' anu baso'nyo oboa i uno nu Salipi' anu Susi' hondo bau pongampuni dosa', tionyo ahi' oboa i sambiha'nyo nu Kemah ka' opotunu. Kilit, antoknyo ka' isi nu kompongnyo ohu-ohua' na binatang aijo' tionyo ahi' opotunu iwi-iwi'.

IMAMAT 4:13

De anu baladosa' aha iwi-iwi' mian nu Israel, panyo sinaduakon nu anu madi' tinotonggolakon panyo nolanggaimo sala'sa'angu' na palentah nu Tumpu,

IMAMAT 4:20

Mombau anu susumo aijo', sumomo mombau anu osombahkon na sapi' lakinyo bau koloban pongampuni dosa'. Sumo aijo' na Imam Daka' monsombahkon koloban anu bau pontobus to dosa-dosa' nu mian hi Tumpu, sahingga dosa' haha aijo' nu ampunimo nu Tumpu.

IMAMAT 6:11

Lapas aijo' ia tionyo ahi' mombolosimo baju' ka' momboamo abu' aijo' i sambiha'nyo nu pinombauan Kemah i tampat anu pinosadiamo samata-mata pompo'una'an aijo'.

IMAMAT 6:23

Batu-batu koloban anu osombahkon nu mian tionyo ahi' opotunu iwi-iwi', sangkunyit pe'e madi' timbali okaan.

IMAMAT 8:17

Panyo antoknyo nu sapi' aijo', kilitnyo, isi nu kompongnyo iwi-iwi' tibamo kompong ninisnyo, jadi iwi-iwi' na sapi' aijo' sangadinyo bahagian anu pinosi po'iwi'mo pinotununyomo i sambiha' na Kemah susumo anu pinalentahkonmo nu Tumpu.

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

IBRANI 13:11

Baso' nu binatang anu sinombahkonmo salaku koloban bau pongampuni dosa', imam daka' na momboa i Salipi' anu Susi' hondo, panyo bangke'nyo nu binatang aijo' opapui i sambiha'nyo nu kemah aijo'.