IMAMAT 4:13 - KITAB NU TUMPU ALLA LELE MA'IMAI'

¹³ De anu baladosa' aha iwi-iwi' mian nu Israel, panyo sinaduakon nu anu madi' tinotonggolakon panyo nolanggaimo sala'sa'angu' na palentah nu Tumpu,

IMAMAT 4:13 ပူးပေါင်းရင်းမြစ်များ

EZRA 10:19

Aha nojanji'mo mongga'atakonmo bengkele' nu aha, lantas aha nonsombahkonmo domba lakinyo anu okolobanakon bau pongampuni dosa' nu aha.

MAZMUR 19:13

Madi' ko anu monsumbu' kasala'annyo; O, Tumpu, pobebasakon mae na aku i kasala'an anu sulu-suluk.

YEHEZKIEL 45:22

Kakona isinaa anu momonanyo, anu balakuasa mompalentah tionyo ahi' monsombahkon sa'angu' na sapi' lakinyo bau koloban pohapusi dosa' nu butongnyo ka' mule' dosa' nu iwi-iwi' na mian da'isan.

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

IMAMAT 16:5

Lantas mian nu Israel tionyo ahi' mombee' hi Harun ohua' na mee' lakinyo bau koloban pongampuni dosa' ka' sa'angu' na domba lakinyo bau koloban anu opotunu.

IMAMAT 4:21

Lapas aitu sapi' lakinyo aijo' tionyo ahi' oboamo i sambiha'nyo ka' opotunumo i sambiha'nyo nu kemah susumo monsombahkon sapi' lakinyo anu bau koloban pongampuni dosa' nu Imam Daka' aijo'. Sumo aijo' na monsombahkon koloban pongampuni dosa' nu mian.

IMAMAT 5:17

De daagi' ko mian madi' nontonggolakon nombaumo dosa', panyo nolanggaimo sala'sa'angu' na palentah nu Tumpu, mian aijo' sinala'mo ka' tionyo ahi' montanggungmo kasala'annyo.

IMAMAT 6:4

Mian anu ko sala'nyo aijo' tionyo ahi' mombayan iwi-iwi' apaa na anu i humpaknyo aijo' kalana geguan. Salatan ia i humpakmo nombaumo sala', ia tionyo ahi' mombayan iwi-iwi' hi tumpunyo, ka' mombayan mule' uampulu' na palasen.

NOMBILANGMO 15:22

De saintolo-tolo madi' ototonggolakon belemiu tongkolilimo na mombau sala'sa'angu' na atulan anu binee'mo nu Tumpu hi Musa, otampu'uni lengkat i sinaa nu Tumpu nombee'mo atulan aijo' ka' sampe toka aiya mae i ahop molundu-lundu na tulunan, ka' kasala'an aijo' binau kalana mian madi' monsumbu' atulan, saba' iwi-iwi' na mian tionyo ahi' monsombahkon sa'angu' na sapi' lakinyo bau koloban anu opotunu. Hingga-hinggat tiba aijo' tionyo ahi' osombahkon na koloban kaanon ka' anggur susumo anu tinantukanmo. Hongohisnyo nu koloban aijo' momposanangmo kinyonyoa nu Tumpu. Ka' mule' tionyo ahi' okolobanakon sa'angu' na domba lakinyo bau koloban pongampuni dosa'.

1 KORINTUS 11:27

Mokonyo aitu, mian anu mongkaan roti nu Tumpu kabai monginum anggur nu Tumpu tiba jalan anu madi' patut, mian aijo' baladosa' hi Tumpu anu nongkolobanakonmo butong-Nyo tiba baso'-Nyo.

1 TIMOTIUS 1:13

mau mule' u'utu mae aku bapitana' ka' mongkabisa'i, ka' mule' mongalu Ia. Panyo Tumpu nongkalibosimo aku, kalana tempo'nyo aitu aku ma'isa pinalesaya, jadi madi' kusumbu' apaa na anu binaungkumo.

YOSUA 7:11

Mian nu Israel nombaumo dosa'. Pinalentang-Kumo na aha da montuluti totu-totu'u Palajanjian-Ku hi aha, panyo aha madi' nompajuli! To bala-balang anu tionyo ahi' ohopu'i ingalamo nu aha. Tinomangmo nu aha ka' pinosulukmo nu aha i uno nu to bala-balang nu aha da madi' osumbu-sumbu'.