IMAMAT 4:12 - KITAB NU TUMPU ALLA LELE MA'IMAI'

¹² jadi iwi-iwi', ola bahagian anu pinosi potademo na tionyo ahi' oboa i sambiha' nu kemah. Ikiijo' mae sapi' aijo' tionyo ahi' opotunu i kau' anu pinosunmo i tampat pongalinan abu' aijo'mo tampat anu pinosadiamo samata-mata mongkona han aijo'.

IMAMAT 4:12 ပူးပေါင်းရင်းမြစ်များ

NOSABATMO 29:14

Antoknyo, kilitnyo, kompong ninisnyo nu sapi' lakinyo aijo' tionyo ahi' opapui i sambiha'nyo nu Kemah. Aijo'mo na anu sosombahkon bau pongampuni dosa' nu to ima-imam.

YEHEZKIEL 43:21

Lapas aijo' alamo na sapi' lakinyo da bau pohapusi dosa', potunumo itampat anu tinantukanmo, anu isambiha'nyo nu Laigan nu Tumpu anu susi'.

IMAMAT 13:46

De daagi' ia ko panyakit aijo' ia mahumimi' ka' tionyo ahi' jojoong i sambiha' nu kemah matikojo'on hi mian sangga'at.

IMAMAT 16:27

Sapi' lakinyo ka' mee' bau koloban pongampuni dosa' anu baso'nyo oboa i uno nu Salipi' anu Susi' hondo bau pongampuni dosa', tionyo ahi' oboa i sambiha'nyo nu Kemah ka' opotunu. Kilit, antoknyo ka' isi nu kompongnyo ohu-ohua' na binatang aijo' tionyo ahi' opotunu iwi-iwi'.

IMAMAT 4:21

Lapas aitu sapi' lakinyo aijo' tionyo ahi' oboamo i sambiha'nyo ka' opotunumo i sambiha'nyo nu kemah susumo monsombahkon sapi' lakinyo anu bau koloban pongampuni dosa' nu Imam Daka' aijo'. Sumo aijo' na monsombahkon koloban pongampuni dosa' nu mian.

IMAMAT 6:23

Batu-batu koloban anu osombahkon nu mian tionyo ahi' opotunu iwi-iwi', sangkunyit pe'e madi' timbali okaan.

IMAMAT 6:30

Binatang anu opotunu pongampuni dosa' anu o ala sambagian na baso'nyo oboa i Salipi' Susi', tionyo ahi' opotunu iwi-iwi' ka' madi' timbali okaan.

IMAMAT 6:4

Mian anu ko sala'nyo aijo' tionyo ahi' mombayan iwi-iwi' apaa na anu i humpaknyo aijo' kalana geguan. Salatan ia i humpakmo nombaumo sala', ia tionyo ahi' mombayan iwi-iwi' hi tumpunyo, ka' mombayan mule' uampulu' na palasen.

IMAMAT 8:17

Panyo antoknyo nu sapi' aijo', kilitnyo, isi nu kompongnyo iwi-iwi' tibamo kompong ninisnyo, jadi iwi-iwi' na sapi' aijo' sangadinyo bahagian anu pinosi po'iwi'mo pinotununyomo i sambiha' na Kemah susumo anu pinalentahkonmo nu Tumpu.

IMAMAT 9:11

Panyo antoknyo ka' kilitnyo nu binatang aijo' pinotununyomo i sambiha'nyo nu kemah.

NOMBILANGMO 15:35

Tumpu notataemo hi Musa, “Mian aijo' tionyo ahi' o hukum mate. Ia tionyo ahi' oboamo i sambiha'nyo nu kemah, ka' toka ikijo' mae iwi-iwi' na mian tionyo ahi' mompahambunu'akonmo ia nu batu, sampe silaka.”

NOMBILANGMO 19:3

Bee' na sapi' aijo' hi Imam Eleazar. Binatang aijo' tionyo ahi' oboa i sambiha'nyo nu kemah lantas okolotmo i ahop nu imam.

NOMBILANGMO 19:5

Iwi-iwi' na binatang aijo', sagalamo kilitnyo, antoknyo, baso'nyo ka' isi nu kompongnyo, tionyo ahi' opotunu i ahop nu imam.

NOMBILANGMO 5:3

Aha tionyo ahi' osai da mambamo, da madi' mohumimi'i kemah, anu kajojoongan-Ku hingga-hinggat tiba mian anu pinalesayamo hi beleng-Ku.”

IBRANI 13:11

Baso' nu binatang anu sinombahkonmo salaku koloban bau pongampuni dosa', imam daka' na momboa i Salipi' anu Susi' hondo, panyo bangke'nyo nu binatang aijo' opapui i sambiha'nyo nu kemah aijo'.