IMAMAT 3:9 - KITAB NU TUMPU ALLA LELE MA'IMAI'

⁹ Koloban bau pompodame anu osombahkon hi Tumpu, imam tionyo ahi' monsombahkon baha-bahagiannyo nu domba aijo'; lompo'nyo, sa'a-sa'angu' na ikunyo anu ko lompo'nyo ka' mongkolongakon okeket i kekentutnyo, tohitisnyo anu monsalaputi isi nu kompongnyo,

IMAMAT 3:9 ပူးပေါင်းရင်းမြစ်များ

2 SAMUEL 6:17

Peti' Palajanjian aijo' pino una'mo i tampatnyo anu pinotokamo i Daud i uno nu kemah. Lapas aijo' i Daud nonsombahkonmo hi Tumpu koloban anu opotunu ka' koloban paladamean.

1 TOMU-TOMUNDO' 3:15

Salatan nobulamo, sininsumbu'mo na i Salomo taalu' Tumpu Allah binasisikmo hi ia i uno nu ipion. Sahingga ia ninsusule'mo i Yerusalem ka' tinuminjomo i ahop nu peti' palajanjian nu Tumpu ka' nonsombahkon koloban anu opotunu tiba koloban paladamean lapas aijo' ia nombaumo baubauon ka' ilaganyo na to mia-mian anu ko pangkatnyo.

1 TOMU-TOMUNDO' 8:63

Kakona koloban anu bau pompodame, i Salomo nonsombahkonmo 22.000 na sapi' ka' 120.000 na domba. Sumo aijo' na i tomundo' ka' iwi-iwi' na mian da'isan nombau lamean nomposawe'i Laigan nu Tumpu.

1 TOMU-TOMUNDO' 8:64

Ka' i sinaamo aijo' suele na i Salomo nolame'akon natannyo sasu unonyo anu i ahop nu Laigan nu Tumpu aijo'. Ka' i natannyo aijo' sinombahkonnyomo na koloban anu opotunu, koloban gandum ka' lompo'nyo nu binatang bau koloban pompodame. Iwi-iwi' aijo' sinombahkonnyomo i kiijo', kalana mezba tambaga' ise' hondo madi' moko ala mongisi iwi-iwi' apaa na anu osombahkon i kiijo'.

1 TAWARIKH 16:1

Peti' Palajanjian aijo' pino'una'mo i uno nu kemah anu pinosadiamo i Daud na tampat nu Peti' aijo'. Lantas aha nonsombahkonmo hi Tumpu Allah koloban anu opotunu ka' koloban pompodame.

NOSABATMO 29:22

Ala na lompo'nyo nu domba lakinyo aijo', ikunyo anu ko lompo'nyo, tohitisnyo anu nolapisi kompongnyo, atenyo anu ma'ima' hondo, ohu-ohua' na dampilannyo tiba lompo'nyo, ka' pa'anyo koanan.

AMSAL 23:26

Palahatikan ima-ima', ka' bau sonto'na kantumuu'anku, o'anaku!

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

IMAMAT 17:5

Kahanda' nu palentah aijo' da bansa Israel momboa mokiijo' i Kemah nu Tumpu iwi-iwi' na binatang anu osombahkon, kalana biasa nu kolotmo nu aha i pongale'an. Aha tionyo ahi' momboa anu osombahkon aijo' hi imam i ahop nu sabatan nu Kemah nu Tumpu ka' o kolot ikiijo' bau koloban pompodame.

IMAMAT 7:3

Imam tionyo ahi' monsombahkon i mezbah iwi-iwi' na lompo'nyo nu binatang aijo', aijo'mo: Ikunyo anu ko lompo'nyo, tohitisnyo anu monsalaputi isi nu kompongnyo, dampilannyo tiba lompo'nyo ka' bahagian anu talalo hondo ma'ima' i atenyo.

IMAMAT 8:25

I Musa nongalamo lompo'nyo nu domba aijo', ikunyo anu ko lompo'nyo, iwi-iwi' na tohitisnyo anu monsalaputi isi nu kompongnyo, bahagian nu atenyo anu talalo hondo ma'ima', dampilannyo tiba lompo'nyo ka' tengkenyo koanan.

IMAMAT 9:19

Bahagian anu ko lompo'nyo i sapi' ka' mee' aijo' nupotimpas nu aha,

1 SAMUEL 10:8

Lapas aijo' beleyum tionyo ahai' mambamo i Gilgal ka' otanda'i kiijo' mae pitunsinaa. Tokaje na aku monsombahkon koloban bau pompodame ka' mompoto'i hi beleyum apaa na anu tionyo ahi' nu bau nu beleyum.”