IMAMAT 3:2 - KITAB NU TUMPU ALLA LELE MA'IMAI'

² Mian anu monsombahkon aijo' tionyo ahi' mompotiik limanyo i ubak nu binatang aijo' lantas o kolot i ahop nu sabatan nu Kemah nu Tumpu. To ima-imam lee' i Harun tionyo ahi' mondudu'akon baso' nu sapi' aijo' i sulapa'nyo opa-opat nu mezbah aijo'.

IMAMAT 3:2 ပူးပေါင်းရင်းမြစ်များ

NOSABATMO 29:10

Lapas aijo' sapi' lakinyo aijo' tionyo ahi' nuboamo i ahop nu Kemah-Ku. I Harun ka' to ana-anaknyo tionyo ahi' mompotik lima nu aha i ubak nu binatang aijo'.

NOSABATMO 29:11

Kolot na sapi' lakinyo aijo' i ahop-Ku, i sabatan nu Kemah.

NOSABATMO 29:15

Lapas aijo' ala sala'sa'angu' na domba lakinyo aijo'. I Harun ka' to ana-anaknyo tionyo ahi' mompotik lima nu aha i ubak nu binatang aijo'.

NOSABATMO 29:16

Lantas kolotmo na binatang aijo' ka' ala na baso'nyo ka' dudu'akon i sulapa'nyo opa-opat aijo' i mezbah.

NOSABATMO 29:19

Ala mule' na domba lakinyo sa'angu' aijo'mo domba anu opake mombalakati. Pokau na i Harun ka' to ana-anaknyo mompotiik lima nu aha i ubak nu binatang aijo'.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

IMAMAT 1:11

Mian aijo' tionyo ahi' mongkolot binatang aijo' i sasu Utara mezbah, lantas to ima-imam tionyo ahi' mondudu'akon baso'nyo i sulapa'nyo opa-opat nu mezbah aijo'.

IMAMAT 17:3

De ko samian na aha bansa Israel monsombahkon sapi', domba kabai mee' hi Tumpu, binatang aijo' tionyo ahi nu kolot i ahop nu sabatan nu Kemah nu Tumpu. De nu kolotmo i tampat sangga'at, ia molanggaimo atulan kalana mombubusakonmo baso'. Ia madi'mo daagi' minsoop mian anu pinalesayamo hi Tumpu.

IMAMAT 3:3

Koloban bau pompodame anu osombahkon hi Tumpu, imam tionyo ahi' monsombahkon baha-bahagiannyo nu binatang aijo'; tohitisnyo anu nonsalaputi isi nu kompongnyo,

IMAMAT 3:8

Ikiijo' ia tionyo ahi' mompotiik limanyo i ubak nu domba aijo' lantas o kolot i ahop nu Kemah. Lantas imam tionyo ahi' mondudu'akon baso' nu domba aijo' i opa-opat na sulapa'nyo nu mezbah.

IMAMAT 8:22

Lantas i Musa po'ule' mule' nongala domba lakinyo sa'angu' bau koloban mombalakati imam. I Harun tiba to ana-anaknyo nompotiikmo lima nu aha i ubak nu domba aijo',

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

NOMBILANGMO 18:17

Panyo sapi', domba ka' mee' anu momona pino anak madi' timbali otobus. Potuu'on aijo' samata-mata Aku na tumpunyo ka' tionyo ahi' okolobanakon. Dudu'akon na baso'nyo i mezbah ka' potunu na lompo'nyo salaku bau koloban. Hongihisnyo momposanangmo kinyonyoang-Ku.

SISIKON NU TO RASUL-RASUL 3:15

To utu-utus mompateimo Ia, padahan Iamo na pinolengkatan nu kantumuu'an bau kapentingan nu iwi-iwi' mian. Ka' Tumpu po'ule'mo nompotumuu' ia lengkat i kapateannyo. Kami nonsakisimo han aijo'.

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.