IMAMAT 3:17 - KITAB NU TUMPU ALLA LELE MA'IMAI'

¹⁷ Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

IMAMAT 3:17 ပူးပေါင်းရင်းမြစ်များ

KAJADIAN 9:4

Anu madi' timbali okaan nu beleyum aijo'mo ponoha' anu daagi' ko baso'nyo, kalana santuu'nyo kiijo' i uno nu baso'.

2 TAWARIKH 29:35

Misa' ola koloban anu opotunu na osombahkon, panyo mule' suele to ima-imam nonsombahkonmo, lompo'nyo nu koloban anu binau pinontalima kase, anu kinaanmo nu mian da'isan. Aha mule' suele nonsombahkonmo anggur anu dinudu'akonmo i koloban anu pinotunumo aijo'. Sumo aijo' na po'ule' nombau mosia na monsombah Tumpu i Laigan nu Tumpu.

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

NOSABATMO 28:43

Saluan aijo' tionyo ahi' saja' opusok nu aha de aha minsoopmo i Kemah-Ku kabai mongohanimo mezbah monsombahmo mae salaku imam i Salipi' Susi', da aha madi' silaka kalana kantoanmo na butong nu aha anu madi' pantas otoa. Atulan aijo' saja' nupake i Harun ka' hi to lelee'nyo.”

YEHEZKIEL 33:25

Kalana aijo' Tumpu Anu Matangkas na Kuasanyo nompalentahmo mae aku da mompotokakon potuunon-Nyo aiya hi aha, “Belemiu mongkaan antok nu binatang anu daagi' ko baso'nyo; belemiu monsombah pilogot ka' mompatei. Baani hondo na belemiu mongakui tano' aiya belemiumo na tumpunyo.

YEHEZKIEL 44:15

Tumpu Anu Matangkas na Kuasanyo notatae, “Tempo'nyo bansang Israel nohikumo mae Aku, aha to ima-imam Lewi anu lee' mae i Zadok na tinataap ahi' nontuluti apaa na anu pinalentahkon-Ku okalaja i Laigan-Ku. Kalana aijo' aha ahi' na tionyo mombau anu Ku palentahkon ka' toka mae i ahop-Ku monsombahkon lompo'nyo tiba baso' nu sinin na koloban.

YEHEZKIEL 44:7

Aha nohumimi'imo Laigan-Ku, kalana hau-haunyo lompo'nyo tiba baso'nyo nu koloban osombahkonmo hi beleng-Ku aha mompobee'mo to mia-mian anu isalipu'an mae minsoopmo i unonyo padahan madi' sinunat ka' anu madi' montuluti Aku. Kalana palabuatan-palabuatan nu aha anu okahenyui aijo', aha nolanggaimo palajanjian-Ku tiba aha.

IMAMAT 10:15

Pa'a palasombahan anu samata-mata baumo bagi nu Tumpu, ka' saha'annyo nu palasombahan anu oboa aijo' tionyo ahi' oboa hingga-hinggat tiba lompo'nyo da bau koloban anu opotunu salaku palasombahan anu samata-mata baumo bagi nu Tumpu. Bahagian haha aijo' beleyumo na tumpunyo tiba to ana-anak nu beleyum sampe toka sidu-sidutu', susumo anu pinalentahkonmo nu Tumpu.”

IMAMAT 10:9

“Moko inum anggur kabai inumon anu moko palangu beleyum ka' to ana-anak nu beleyum madi'mo timbali minsoop i Kemah-Ku. De belemiu molanggaimo atulan aijo' belemiu silakamo. Palentah aijo' tionyo ahi' otuluti totu-totu'u nu iwi-iwi' na lee' nu belemiu.

IMAMAT 16:29

Atulan haha aiya tionyo ahi' otuluti sampe toka sidu-sidutu'. Toka i tanggal sampulu' bitu'on ko popitu'nyo aha mian nu Israel ka' aha mian anu lengkat mae i salipu'an anu jinojoongmo aijo' hi aha tionyo ahi' bapuasa' ka' madi'mo timbali mokalaja, kalana sinaa aiya, sinaa anu susi' hondo. I sinaa aijo' tionyo ahi' mombau anu bau pomposusi' bansa Israel i dosa nu aha da aha belesi'mo.

IMAMAT 16:34

Han anu obau aijo' tionyo ahi' obau sataun minsan bau pomposusi' aha bansa Israel i dosa' nu aha iwi-iwi'. Aijo'mo na atulannyo iwi-iwi' anu tionyo ahi' otuluti sampe toka sidu-sidutu'. I Musa nombaumo susumo anu pinalentahkonmo nu Tumpu hi ia.

IMAMAT 17:7

Bansa Israel tionyo ahi' saja' tulu-tulutan hi Tumpu ka' madi' timbali mongkolot binatang iyaya mae na pongale'an anu osombahkon hi to tomi-tominuat anu ma'idek. Atulan aijo' tionyo ahi' otuluti sampe toka sidu-sidutu'.

IMAMAT 19:26

Boli mongkaan baso'. Boli mompake pangatahuan.

IMAMAT 23:14

Ma'isa pe'e momboa anu osombahkon aijo' hi Tumpu, belemiu madi' timbali mongkaan mau ola sangkiding na gandum anu bu'ou aijo', mau daagi' mata, pinanggang kabai tinunu binau roti. Atulan aijo' tionyo ahi' otuluti nu lee' nu belemiu iwi-iwi' sampe toka sidu-sidutu'.

IMAMAT 23:21

Toka i sinaa aijo' belemiu tionyo ahi' sihukmo da monsombahmo Tumpu ka' madi'mo timbali mombau kalaja anu maboat. Atulan aijo' tionyo ahi' otuluti nu lee' nu belemiu sampe toka sidu-sidutu', maumo pa' iya mae na kajojoongan nu aha.

IMAMAT 24:3

I Harun tionyo ahi' mongkalesang lampu haha aijo' lengkat pe'e mamalom sangkutnyo toka subu i tampat katokaan nu Tumpu i sambiha' nu lalanse' anu mongkukubi Peti' Palajanjian i Salipi' anu Susi' hondo. Palentah aijo' tionyo ahi' obau sampe toka sidu-sidutu'.

IMAMAT 24:9

Roti aijo' bau bagi i Harun ka' lee'nyo. Tionyo ahi' nukaan nu aha i tampat anu susi', kalana roti aijo' sumo-sumomo bahagian anu talalo hondo susi', anu o ala i koloban kaanon anu osombahkon hi Tumpu bau bagi nu to ima-imam.

IMAMAT 3:16

Imam anu mokalaja tionyo ahi' mompotunu iwi-iwi' aijo' i mezbah. Hongohisnyo nu koloban anu okaan aijo' momposanangmo kinyonyoa nu Tumpu. Iwi-iwi' na lompo'nyo nu binatang aijo' osombahkon hi Tumpu.

IMAMAT 4:1

Tumpu nompokau i Musa

IMAMAT 6:15

Ia tionyo ahi' mongala sangkakup na labu anu ma'ima' hondo tiba lanya' ka' iwi-iwi' na kamangian anu opalalui lantas opotunumo i mezbah salaku bau pontandai saba' iwi-iwi' na koloban aijo' sinombahkonmo hi Tumpu. Nohongnyo nu koloban aijo' momposanangmo kinyonyoa nu Tumpu.

IMAMAT 6:18

Sampe toka sidu-sidutu' batu-batu mo'ane lee' i Harun timbali mongkaan roti aijo', aijo'mo na bagi nu aha anu saja' o ala i kaanon anu osombahkon hi Tumpu. Mian sangga'at anu sala' mongkanyang kaanon anu kinolobanakonmo aijo' mohumpak balaa' kalana mahoson hondo na kasusi'annyo.

IMAMAT 6:22

Sampe toka sidu-sidutu' batu-batu lee' i Harun anu obalakatimo timbali Imam Daka' tionyo ahi' monsombahkon koloban sumo aijo'. Iwi-iwi' tionyo ahi' opotunu ka' osombahkonmo hi Tumpu.

IMAMAT 7:23

kona hi bansa Israel. Lompo'nyo nu sapi', domba kabai mee' madi' timbali okaan.

IMAMAT 7:34

Saha'an ka' pa'anyo koanan anu binoa sinombahkonmo nu bansa Israel ingalamo nu Tumpu ka' binee'nyomo samata-mata hi to ima-imam. Aijo'mo na pontulungi nu bansa Israel hi to ima-imam sampetoka sidu-sidutu'.

IMAMAT 7:36

I sinaa aijo' Tumpu nompalentahmo bansa Israel da anu nusombahkonmo nu aha obee'mo hi to ima-imam. Atulan aijo' tionyo ahi' otuluti nu bansa Israel sampe toka sidu-sidutu'.

NOMBILANGMO 19:21

Atulan aijo' opake sampe toka sidu-sidutu'. Mian anu mompipi'akon uee anu opake i atulan aijo' tionyo ahi' mombaso'i baju'nyo, ka' to mia-mian anu nukonamo nu uee aijo' mahumimi'mo suele sangkutnyo sinaa makakinsapmo.

MATIUS 16:24

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

MATIUS 26:28

Kalana aiyamo na baso'-Ku anu mompokododo apaa na anu jinanji'mo nu Tumpu – baso' anu binubusakon bau kapentingan nu mian da'isan da bau pongampuni dosa' nu aha.

SISIKON NU TO RASUL-RASUL 15:29

Boli mongkaan kaanon anu pinosombahkonmo hi pilogot; boli mongkaan baso', boli mongkaan ponoha' anu tinekok, ka' patikojo'oni na to pala-palabuatan anu masala'. De komiu mompojo'on butong lengkat i hahan aijo', komiu nombaumo anu ma'ima'. Olamo pe'e sumo uuka, higahi mae!”

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

EFESUS 5:26

I Kristus nombau sumo aijo' da Ia timbali mompobelesi' jama'at aijo', nu pangajalan-Nyo, ka' aijo' tinanda'anmo nu uee palamandian, da lapas aijo' timbalimo Nu potalima hi Tumpu.

PO'ULE' INGULIT 12:16

Ola baso'nyo na madi' timbali okaan, panyo tionyo ahi' obubusakon i tano' susumo uee.

PO'ULE' INGULIT 12:23

Panyo antoknyo anu daagi' ko baso'nyo madi' timbali okaan, kalana nyawanyo kiijo' i uno nu baso'nyo ka' belemiu madi' timbali mongkaan nyawanyo tiba antoknyo.

PO'ULE' INGULIT 12:24

Baso'nyo madi' timbali okaan, panyo tionyo ahi' obubusakon i tano' susumo uee.

PO'ULE' INGULIT 15:23

Baso'nyo madi' timbali okaan, panyo tionyo ahi' obubusakon i tano' susumo uee.”

PO'ULE' INGULIT 32:14

Sapi' ka' mee' ka' domba nu aha pohumpakanmo susu manjoo'; potuu'on nu aha to ima-ima' hondo, gandum ka' anggur nu aha ma'ima' hondo.

1 TIMOTIUS 4:4

Iwi-iwi na anu pinotimbalimo nu Tumpu, aijo' ma'ima' ka' madi' ko sa'angu' pe'e na anu tionyo osangka anu madi' toho' okaan de tinalimamo ka' nontalima kasemo hi Tumpu.