IMAMAT 3:16 - KITAB NU TUMPU ALLA LELE MA'IMAI'

¹⁶ Imam anu mokalaja tionyo ahi' mompotunu iwi-iwi' aijo' i mezbah. Hongohisnyo nu koloban anu okaan aijo' momposanangmo kinyonyoa nu Tumpu. Iwi-iwi' na lompo'nyo nu binatang aijo' osombahkon hi Tumpu.

IMAMAT 3:16 ပူးပေါင်းရင်းမြစ်များ

KAJADIAN 4:4

Lantas i Habel nongalamo anak nu domba tumpenyo i sala'sa'angu' na dombanyo, kinolotnyomo, lantas sinombahkonnyomo na bagian anu talalo ma'ima' hi Tumpu. Tumpu sinanangmo hi Habel ka' suele anu sinombahkonmo aijo' kina'ima'an-Nyomo.

2 TAWARIKH 29:35

Misa' ola koloban anu opotunu na osombahkon, panyo mule' suele to ima-imam nonsombahkonmo, lompo'nyo nu koloban anu binau pinontalima kase, anu kinaanmo nu mian da'isan. Aha mule' suele nonsombahkonmo anggur anu dinudu'akonmo i koloban anu pinotunumo aijo'. Sumo aijo' na po'ule' nombau mosia na monsombah Tumpu i Laigan nu Tumpu.

2 TAWARIKH 7:7

Lantas popasan bahagian totonga'nyo anu sasu ahop nu laigan ponsomban Tumpu aijo' binee'mo i Salomo hi Tumpu. Lapas aijo' ia nonsombahkonmo kiijo' koloban anu opotunu, koloban gandum ka' lompo' nu binatang anu bau koloban pompodame. Iwi-iwi' aijo' sinombahkonnyomo kiijo' kalana mezbah tambaga anu binaunyomo talalo ise' de iwi-iwi' aijo' osain sombah-sombahkonmo kiijo'.

NOSABATMO 29:13

Lapas aijo' ala na tohitisnyo iwi-iwi', anu ma'ima' hondo ka' atenyo anu ma'ima' hondo, ka' ohu-ohua' na dampilannyo tiba lompo'nyo ka' potimpas iwi-iwi' aijo' i mezbah ka' tunuimo ka' osombahkonmo mae hi beleng-Ku.

NOSABATMO 29:22

Ala na lompo'nyo nu domba lakinyo aijo', ikunyo anu ko lompo'nyo, tohitisnyo anu nolapisi kompongnyo, atenyo anu ma'ima' hondo, ohu-ohua' na dampilannyo tiba lompo'nyo, ka' pa'anyo koanan.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

YEHEZKIEL 44:15

Tumpu Anu Matangkas na Kuasanyo notatae, “Tempo'nyo bansang Israel nohikumo mae Aku, aha to ima-imam Lewi anu lee' mae i Zadok na tinataap ahi' nontuluti apaa na anu pinalentahkon-Ku okalaja i Laigan-Ku. Kalana aijo' aha ahi' na tionyo mombau anu Ku palentahkon ka' toka mae i ahop-Ku monsombahkon lompo'nyo tiba baso' nu sinin na koloban.

IMAMAT 17:6

Imam tionyo ahi' momdudu'akon baso' nu binatang aijo' i sulapa'nyo opa-opat nu mezbah i ahop nu sabatan nu Kemah nu Tumpu lantas opotunu na lompo'nyo da hongohisnyo momposanangmo kinyonyoa nu Tumpu.

IMAMAT 4:26

Lapas aijo' iwi-iwi' na lompo'nyo nu binatang aijo' tionyo ahi' opotunu i mezbah, susumo koloban anu bau pompodame. Sumo aijo' na Imam monsombahkon koloban pontobus dosa' nu samian anu montoongi kakuasa'an, sahingga mian aijo' nu ampunimo nu Tumpu.

IMAMAT 4:31

Iwi-iwi' na lompo'nyo nu binatang aijo' tionyo ahi' o ala susumo anu kinolobanakonmo bau pompodame. Lompo'nyo aijo' tionyo ahi' nupotunu nu imam i mezbah, da hongohisnyo momposanang kinyonyoa nu Tumpu. Sumo aijo' na Imam monsombahkon koloban pontobus dosa' nu samian na layat sahingga mian aijo' nu ampunimo nu Tumpu.

IMAMAT 8:25

I Musa nongalamo lompo'nyo nu domba aijo', ikunyo anu ko lompo'nyo, iwi-iwi' na tohitisnyo anu monsalaputi isi nu kompongnyo, bahagian nu atenyo anu talalo hondo ma'ima', dampilannyo tiba lompo'nyo ka' tengkenyo koanan.

IMAMAT 9:24

Monti-montik Tumpu montau'akonmo mae apu anu montoyo'i sampe mingkot na koloban anu opotunu ka' baha-bahagiannyo anu ko lompo'nyo i mezbah. Salatan aha mian Israel nontoamo, aha lewa'mo nontaligalai lantas tinolodadupumo nonsombahmo.

MATIUS 22:37

Tinaaman i Yesus, “Kalibosi na Tumpuum nu kinyonyoaum totu-totu'u, ka' iwi-iwi' na pikilannum.