IMAMAT 3:1 - KITAB NU TUMPU ALLA LELE MA'IMAI'

¹ De ko mian monsombahkon sa'angu' na sapi' anu okolobanakon bau pompodame, sapi' aijo' lakinyo timbali, kabai behenyo timbali, panyo anu madi' ko panyakitnyo.

IMAMAT 3:1 ပူးပေါင်းရင်းမြစ်များ

1 TAWARIKH 21:26

Lapas atu i Tomundo' Daud nompotinjomo saangu na mezbah hi Tumpu, ka nom-palasombahkan koloban anu opotunu ka koloban pompodame lapas aijo binala do'amu na i Tomundo' Daud, do'anyo aijo tinaman nu Tumpu tiba adu anu tinudun lengkat i langit nompapui koloban-koloban ata i mezbah aijo.

NOSABATMO 20:24

Baui na Aku sa'angu' na mezbah te tano' na obau lantas sombahkonmo ikiijo' domba ka' sapi' nu belemiu bau koloban anu otunui ka' koloban bau pompodame. Maumo pa'ia mae na tampat anu Ku tantukan hi belemiu salaku tampat ponsomban Aku, Aku tionyo mae toka ka' mombalakati belemiu.

NOSABATMO 24:5

Lantas i Musa nonsaimo to pia-piangkuka na olitau ka' aha nonsombahkonmo koloban anu otunui bau bagi nu Tumpu, ka' mule' nongkolotmo to pia-piangkuka na sapi' da bau koloban paladamean.

NOSABATMO 29:28

Aiyamo na anu tinantukan-Kumo anu madi' timbali obabali'i; De tokamo na mian anu pinalesayamo hi beleng-Ku monsombahkonmo koloban bau pompodame, saha'an ka' pa'a nu potuu'on aijo' bau bahagian nu to ima-imam. Aijo'mo na anu osombahkon nu mian anu pinalesayamo hi beleng-Ku da bau baging-Ku.

AMSAL 7:14

“Sinaa aiya aku tionyo ahi mombayanmo apaa na anu iniatkumo ka' kalana tanga'an aijo' aku monsombahkonmo kuluban.

YEHEZKIEL 43:27

Salatan lapasmo pitunsinaa na nosadia to ima-imam tionyomo ahi' montampu'unimo monsombahkon koloban aijo' i mezbah, koloban anu opotunu tiba koloban anu bau pompodame kona hi aha mian. Sahingga Aku sanangmo hi belemiu iwi-iwi'. Aku, Tumpu Anu Matangkas na Kuasanyo notataemo.”

IMAMAT 1:10

De anu osombahkon sa'angu' na domba kabai mee', binatang aijo' tionyo ahi' lakinyo ka' madi' ko panyakitnyo.

IMAMAT 1:3

De anu osombahkon sa'angu' na sapi', binatang aijo' tionyo ahi' lakinyo ka' madi' ko panyakitnyo. Sapi' aijo' tionyo ahi' nu boa i sabatan nu Kemah nu Tumpu, da nutalima nu Tumpu na mian aijo'.

IMAMAT 17:5

Kahanda' nu palentah aijo' da bansa Israel momboa mokiijo' i Kemah nu Tumpu iwi-iwi' na binatang anu osombahkon, kalana biasa nu kolotmo nu aha i pongale'an. Aha tionyo ahi' momboa anu osombahkon aijo' hi imam i ahop nu sabatan nu Kemah nu Tumpu ka' o kolot ikiijo' bau koloban pompodame.

IMAMAT 3:6

De anu osombahkon bau koloban pompodame aijo' sa'angu' na domba kabai mee', binatang aijo' lakinyo timbali, kabai behenyo timbali, panyo madi' ko panyakitnyo.

IMAMAT 9:18

Lantas kinolotnyomo mule' na sapi' sa'angu' lakinyo ka' sa'angu' na domba lakinyo bau koloban pompodame aha mian. To ana-anak i Harun nomboamo mae baso' nu binatang aijo' hi ia, lantas dinudu'akonnyomo i sulapa'nyo opa-opat nu mezbah.

IMAMAT 9:4

Pokau na aha monsombahkon mule' sa'angu' na sapi' lakinyo ka' sa'angu' na mee' lakinyo bau koloban pompodame. Iwi-iwi' aijo' tionyo ahi' nusombahkon nu aha hi Tumpu hingga-hinggat tiba koloban kaanon anu osombahkon anu ginalo'an nu lanya' kalana sinaa aiya Tumpu tokamo mae hi aha.”

AMOS 5:22

De belemiu momboa koloban anu otunui ka' koloban gandum, Aku madi' montalima. Aku madi' montalima to bina-binatang anu toto lompo-lompo' aijo' anu osombahkon nu belemiu hi belengku. Susumo koloban mompodame.

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

MALEAKHI 1:8

De belemiu monsombahkonmo hi beleng-Ku, binatang anu mapisok, anu masakit kabai anu pengko madi'mo moko ala lumajang, temisa' aijo' palabuatan ahi' anu madi' mingkona? Soba mombee' binatang anu susumo aijo' hi gubernur! Pa' ia sanang ahi' ka' mule' madi' nu poposia na belemiu?”

NOMBILANGMO 15:8

De anu okolobanakon aijo' sa'angu' na sapi' lakinyo bau koloban anu opotunu kabai koloban bau pombayan anu i niatakonmo kabai koloban bau pompodame,

NOMBILANGMO 6:14

ka' momboa hi Tumpu totolu' na potuu'on anu madi' ko panyakitnyo; sa'angu' na anak nu domba lakinyo umunnyo sataunmo anu bau koloban opotunu, sa'angu' na anak nu domba behenyo anu umunnyo sataunmo bau koloban pongampuni dosa', ka' sa'angu' na domba lakinyo bau koloban pompodame.

PO'ULE' INGULIT 12:27

Koloban anu opotunu ka' koloban anu okaan na antoknyo tionyo ahi' osombahkon i mezbah nu Tumpu Allah nu belemiu ka' baso'nyo obubusakon i mezbah aijo'.

KOLOSE 1:20

Ka' montului jalan hi Anak-Nyo aijo' mule' Tumpu nomputusimo da mompotimbali iwi-iwi na apaa mompo'ule' ma'ima' tiba Ia – mau iwi-iwi na apaa anu i dunia, mau mule' anu i suluga'. Tumpu nombau aijo' montului jalan Anak-Nyo sinilaka i kau' salib.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

1 YOHANES 1:3

Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.

TO MIA-MIAN KOPIAN 20:26

Jadi, po'ule' mule' namba na aha mian nu Israel i Betel ka' i humang hi Tumpu. Ikiijo' mae aha binapuasa'mo sampe i nalom ka' nonsombahkon koloban pompodame ka' koloban anu opotunu bau bagi nu Tumpu.

TO MIA-MIAN KOPIAN 21:4

Dodododopnyo subu-subu hondo mian nu Israel nompotinjomo sa'angu' na mezbah i kiijo' lantas nonsombakkonmo hi Tumpu koloban anu opotunu tiba koloban bau pompodame.