IMAMAT 27:31 - KITAB NU TUMPU ALLA LELE MA'IMAI'

³¹ De ko mian mongka'oho' montobus sambagian na hasinnyo aijo' ia tionyo ahi' mombayan olinyo anu tinantukanmo otuangi mule' uampulu' na palasen.

IMAMAT 27:31 ပူးပေါင်းရင်းမြစ်များ

2 TOMU-TOMUNDO' 12:4

Daagi' kino sansinaan i Yoas nolagamo to ima-imam ka' pinoto'inyomo na aha monguna' doi anu o humpak hi aha anu toka mae monsombahkon i Laigan nu Tumpu, mau doi pombayan anu pongulus koloban, kabai doi anu halala' na nu bee' mae nu aha.

IMAMAT 27:27

Panyo binatang anu madi' timbali okaan anu momona pino anak timbali otobus sumo angga'nyo anu biasa opake i Kemah nu Tumpu ka' otuangi mule' uampulu' na palasen. De madi'mo otobus, binatang aijo' timbalimo opobaluk hi mian sangga'at sumo angga'nyo anu biasa opake i Kemah nu Tumpu.

IMAMAT 27:30

Sampulu' na bagian na hasinnyo nu ale', sambagian na o ala pa' aijo' gandum kabai to bua-bua' nu kau', aijo' na obee' hi Tumpu.

IMAMAT 27:32

Toto sampulu' na potuu'on o ala sa'angu' na potuu'on aijo' na obee' hi Tumpu. De potuu'on aijo' obilang toto sa'angu', saba' potuu'on anu ko sampulu'nyomo aijo' na obee' hi Tumpu.

IMAMAT 5:16

Mian aijo' tionyo ahi' mombayan apaa na anu u'utu mae kinolilimannyomo, ka' montuangi mule' uampulu' na palasen. Lapas aijo' ia tionyo ahi' mombee'mo binatang aijo' hi imam, ka' imam mongkolobanakonmo bau pontobus dosa' nu mian aijo' sahingga nu ampunimo nu Tumpu.