IMAMAT 27:3 - KITAB NU TUMPU ALLA LELE MA'IMAI'

^3-7 angga'nyo sumo anu biasa opake i Kemah nu Tumpu: – anu molabimo 60 na taun: mo'ane 15 na doi salaka boune 10 na doi salaka – 20-60 na taun: mo'ane 50 na doi salaka boune 30 na doi salaka – 5-20 na taun: mo'ane 20 na doi salaka boune 10 na doi salaka – i aluknyo nu 5 na taun: mo'ane 5 na doi salaka boune 3 na doi salaka

IMAMAT 27:3 ပူးပေါင်းရင်းမြစ်များ

2 TOMU-TOMUNDO' 12:4

Daagi' kino sansinaan i Yoas nolagamo to ima-imam ka' pinoto'inyomo na aha monguna' doi anu o humpak hi aha anu toka mae monsombahkon i Laigan nu Tumpu, mau doi pombayan anu pongulus koloban, kabai doi anu halala' na nu bee' mae nu aha.

NOSABATMO 30:13

Toto samian na anu obilangmo de pombilanganmo aijo' tionyo ahi' momboa mae doi bau pombayan konjoo'nyo susumo anu tinantukanmo na olinyo anu bau pombayan Kemah-Ku salaku kasanangan anu obee' samata-mata hi beleng-Ku.

NOSABATMO 38:24

Mosoni' anu osombahkon hi Tumpu anu opake i Kemah Susi' iwi-iwi'mo konjoo'nyo samadala na kilogram, anu tinimbang i timbangan anu opake i Kemah nu Tumpu.

IMAMAT 27:14

De ko mian monsombahkon laigannyo hi Tumpu, imam na montantukan olinyo otoa i ka'ada'an nu laigan aijo'. Olinyo anu tinantukanmo aijo', olinyo anu madi'mo timbali obabali'i.

IMAMAT 27:25

Iwi-iwi' na olinyo tionyo ahi' otantukan sumo angga'nyo anu biasa opake i Kemah nu Tumpu.

IMAMAT 5:15

De daagi' ko mian madi' nontotonggolakon nombaumo dosa' ola kalana tinongkolilimo na nombee' anu tionyo ahi' osombahkon hi Tumpu, saba' mian aijo' tionyo ahi' momboa koloban bau polugi'i. Koloban aijo' tionyo ahi' sa'angu' na domba kabai mee' lakinyo anu madi' ko panyakitnyo ka' olinyo o angga'i susumo angga'nyo anu biasa obau i Kemah nu Tumpu.

IMAMAT 6:6

Koloban bau polugi'i, mian aijo' tionyo ahi' monsombahkon sa'angu' na domba kabai mee' lakinyo anu madi' ko panyakitnyo ka' o'una'i olinyo susumo angga'nyo anu biasa obau i Kemah nu Tumpu.

NOMBILANGMO 18:16

To ana-anak tionyo ahi' otobus salatan umun nu aha sambitu'onmo. Olinyo anu tinantukanmo aijo' olima' na doi salaka, susumo olinyo anu biasa opake i Kemah-Ku.

NOMBILANGMO 3:47

Kona hi samian na anak belemiu tionyo ahi' mombayan olima' na doi salaka susumo angga'nyo anu biasa opake i Kemah-Ku,