IMAMAT 26:9 - KITAB NU TUMPU ALLA LELE MA'IMAI'

⁹ Ku balakatimo na belemiu, ka' momponjoo'je makumpu nu belemiu. Apaa na anu jinanji'-Kumo hi belemiu tionyo ahi' Ku ganapi.

IMAMAT 26:9 ပူးပေါင်းရင်းမြစ်များ

KAJADIAN 1:28

Lapas aijo' binalakatan-Nyomo na aha, Ia notatae, “Minganak ka' milee' manjoo', da lee' miu monjojoongi songko-songko na dunia ka' mongkuasai. Komiu Ku bee'i palentah mongulus to ika-ikan, to tomo-tomonsi' ka' iwi-iwi' na binatang sangga'at anu ma'ela'.

KAJADIAN 17:20

Panyo Ku bee'je suele apaa na anu pinoitamo nu beleyum mongkona i Ismael. Kalana aijo' ia Ku balakatije ka' Ku bee'ije lee' manjoo'. Ia timbali mompolee' nu aha anu sampulu' ka' ohua' na kapala nu tulunan nu bansa, ka' lee'nyo Ku potimbalije sa'angu' na bansa anu daka'.

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

KAJADIAN 26:4

Ku bee'ije na beleyum lee' sumo mandala' i langit na konjoo'nyo, ka' songko-songko na da'erah aiya Ku bee'mo hi aha. Iwi-iwi' na bansa i dunia aiya mompoitaje hi beleng-Ku da Ku balakati na aha susumo Aku mombalakatimo lee' nu beleyum.

KAJADIAN 28:14

Lee' nu beleyum timbalimo susumo abu' i tano' na konjoo'nyo. Aha mompaka pobolamo da'erah nu aha toka-toka iyaya mae, ka' lengkat mae hi beleyum ka' lee' nu beleyum Ku balakatimo na bansa iwi-iwi' i dunia aiya.

KAJADIAN 28:3

O amalakon da Tumpu Allah Anu Daka' hondo na kuasanyo mombalakati po'osoan nu beleyum ka' mombee'i beleyum makumpu manjoo', sahingga beleyum timbalimo mompolee' nu bansa anu manjoo'mo.

KAJADIAN 48:4

Ia notatae hi belengku, “Ku bee'ije na beleyum makumpu manjoo', da lee' nu beleyum timbali bansa anu manjoo'; Ku bee'mo na lipu' aiya hi lee' nu beleyum da ahamo na tumpunyo sampe toka sidu-sidutu'.”

KAJADIAN 6:18

Panyo Aku balajanji'mo hi beleyum. Pinsoopmo i uno nu kapan aijo' tiba bengkele' nu beleyum, ka' to anak-anak nu beleyum tiba to bengke-bengkele' nu aha.

1 TOMU-TOMUNDO' 3:8

Aku jinojoongmo hinggat-hinggat tiba bansa anu pinile'antomo nu Belento timbal mian anu palesayamo. Aha sa'angu' na bansa anu daka' anu madi' opoko lekeng na konjoo'nyo.

2 TOMU-TOMUNDO' 13:23

Panyo Tumpu nolibosmo hi mian anu pinalesayamo hi Ia ka' nongampunimo aha. Ia madi' mompojohok aha opatei, panyo montulungi aha kalana monginau' palajanjiannyo hi Abraham, anak i Ishak ka' hi Yakup. Sampe tempo' uuka aiya, Ia madi' mongkolilimi mian anu pinalesayamo hi Ia.

NEHEMIA 2:20

Tinaamanku, “Tumpu Allah anu daka' na kuasanyo kiita' i Suluga' na montulungi kalaja mami da tionyo ahi' timbali. Kami aiya to posa-posaihon-Nyo ka' kami montampu'unimo mombau kota'. Panyo belemiu madi'mo ko hak kabai daagi' ko halata' miu maumo pa'apaa aiya i Yerusalem. Pakalaus mule' de ko mian monsisik mongkona Yerusalem, sanggo nu belemiu madi'mo lewa' osanggo.”

NEHEMIA 9:23

Pinotimbalimo nu Belento na lee' nu aha, susumo mandala' haha aita' i langa na konjoo'nyo. Binee'anmo nu Belento na aha tano' da bau kajojoongan nu aha, tano' anu jinanji'mo nu Belento hi mompolee' nu aha.

MAZMUR 107:38

Tumpu nombalakatimo aha da nanjoo' na anak nu aha, ka' binatang potuu'on nu aha nompaka panjoo'mo.

MAZMUR 89:3

Kalana ku sumbu' na kalibosan nu Belento sampe toka sidu-sidutu', kanonongan nu Belento mahoson hondo susumo langit.

NOSABATMO 1:7

Panyo lee' nu aha, aijo'mo to mia-mian Israel, nomolee'mo manjoo' hondo, ka' konjoo'nyo nu aha nompaka pintuangmo manjoo' hondo, sahingga nanjoo'mo hondo na aha i lipu' nu Mesir.

NOSABATMO 2:25

Tinoa-Nyomo na to mia-mian nu Israel binotuanan, lantas Ia nontantukanmo da montulungi aha.

NOSABATMO 6:4

I hongong-Kumo na aha mian nu Israel talalomo sinansala kalana obotuani nu bansa Mesir, lantas tinonginau'mo na Aku i palajanjian-Ku aijo'.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

YEREMIA 23:3

Panyo tuha' nu mian anu palesayamo hi beleng-Ku po ule'mo Ku posihuk lengkat mae ilipu-lipu' anu pinomboan-Ku aha. Aha po ule'mo Ku sule'akon itano' kinahampean nu aha ka' lee' nu aha mompaka panjoo'mo.

YEREMIA 23:4

Aku mohangkatmo polaya' da monjagai aha. Mian anu palesayamo hi beleng-Ku madi'mo daagi' mabuhuk ka' madi'mo daagi' saja' nu lakat; madi'mo daagi' maga'a na mian anu aijo' hi aha. Aku, Tumpu notataemo.”

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

YEHEZKIEL 16:62

Aku mombaumo palajanjian anu salaje' obau tiba beleyum. Sahingga nu sumbu'je nu beleyum taalu' Akumo ahi' na Tumpu.

YEHEZKIEL 36:9

Aku na montinjohi belemiu Israel, ka' Ku tantukanmo saba' tano' nu belemiu po ule'mo opason ka' osauimo bine'.

IMAMAT 26:15

de belemiu molanggaimo anu jinanji'-Kumo ka' anu binaung-Kumo hi belemiu ka' madi' mongka'oho' montuluti katantuan ka' to atu-atulan-Ku,

LUKAS 1:72

Da mompotoa ka'ima'an nu kinyonyoa-Nyo hi mompolee'to, janji'-Nyo anu belesi' tionyo Nupodaagi'.

PO'ULE' INGULIT 28:11

Belemiu obalakatije da mohumpak anak manjoo'. Potuu'on nu belemiu timbalimo manjoo' ka' isi nu ale'miu molabi-labimo i lipu' anu jinanji'mo nu Tumpu hi mompolee' nu belemiu anu binee'mo hi belemiu.

PO'ULE' INGULIT 28:4

Obalakatimo na belemiu sahingga to ana-anak nu belemiu manjoo', isi nu ale 'miu molabi-labimo, ka' sapi' tiba mee', ka' domba nu belemiu mompaka pintuangmo.

PO'ULE' INGULIT 7:13

Nu kalibosije ka' Nu balakatije na belemiu, sahingga anak nu belemiu manjoo'mo ka' konjoo'nyo mompaka pintuangmo. Nu balakatije na ale' nu belemiu iwi-iwi' sahingga mohasinakonmo gandum, anggur ka' lanya' nu zaitun. Nu balakatije na belemiu sahingga manjoo'mo na sapi' ka' mee' ka' domba nu belemiu. Iwi-iwi' na balakat aijo' ohumpakje nu belemiu i lipu' anu nubee'mo nu Tumpu hi belemiu, susumo anu jinanji'-Nyomo hi mompolee' nu belemiu.

IBRANI 8:9

Misa' sumo palajanjian anu binaung-Kumo tiba mompolee' nu aha tempo'nyo Aku nolaya' nosabat mae lengkat i lipu' Mesir. Aha madi' tinulu-tulutan anu binaung-Kumo tiba aha; aijo' na sababnyo Aku madi'mo mompajuli aha.