IMAMAT 26:7 - KITAB NU TUMPU ALLA LELE MA'IMAI'

⁷ Belemiu moko alamo mompatundu' anu monsampobali' belemiu;

IMAMAT 26:7 ပူးပေါင်းရင်းမြစ်များ

1 TAWARIKH 19:15

Salatan aha mian nu Amon nontoamo suludadu nu Siria nopalaimo aha suele nopalaimo pinalaianmo nu aha na i Abisai ka' ninsusule'mo i kota'. Salatan noko pahampatemo tiba mian nu Amon, i Yoab ninsusule'mo i Yerusalem.

ESTER 9:16

To mia-mian nu Yahudi anu jojoong i propinsi-propinsi suele sinihukmo ka' nosa'angu'mo da mahampatemo na aha. Aha nompatundu'mo sampobali' nu aha ka' nompateimo 75.000 na mian anu mongka'ideki aha. Panyo aha madi' montololangi anu nu mian.

MAZMUR 81:15

saba' aku sampamo lia-lia' mompatundu' sampobali' nu aha, ka' mompokalahmo iwi-iwi' na anu mongewa aha.

IMAMAT 26:36

Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

IMAMAT 26:6

Aku monjagaije kaamanan nu lipu'miu sahingga belemiu hoyotmo bobogon ka madi'mo ko anu o kabuhuk manmo pa'hihe. To binatang-binatang anu mahangas, Ku hopu'imo ilipu'aijo ka' madi'mo ko anu mahampahe ilipu' nu belemiu.

IMAMAT 26:8

aha olima' na belemiu moko alamo mompatundu' sa'atu na mian, ka' aha sa'atu na mian, belemiu moko mompatundu' sa'atu na madala na mian.

PO'ULE' INGULIT 28:7

De belemiu otumbuhimo, Tumpuje na mohungku'i sampobali' nu belemiu. Mau tangatunmo ka' mahosonmo na aha montumbuhi mae, panyo aha malai ka' mosubali.

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.

YOSUA 23:10

Toto samian atina' hi belemiu moko ala mompatundu' momada-madala na mian, kalana Tumpu Allah nu belemiu na mahampate monsangaja'i belemiu susumo anu jinanji'-Nyomo.

TO MIA-MIAN KOPIAN 15:15

Lapas aijo' ia nohumpakmo sa'angu' na aje nu keledai anu daagi' bu'ou. Tinoluknyo na bukunyo aijo', ka' bau pinompahantutukakonnyo 1.000 na mian sahingga i nate.

TO MIA-MIAN KOPIAN 4:16

I Barak nololoi'mo to kare-kareta anu bau pahampate tiba suludadu nu sampobali'nyo haha aijo' tinoka-toka i Haroset-Hogayim lantas iwi-iwi' na suludadu i Sisera aijo' pinateannyomo; maupe'e ola samian madi' ko anu pinotumuu'.

TO MIA-MIAN KOPIAN 7:23

Sahingga aha tulunan nu bansa Naftali, Asyer, tiba tulunan nu bansa Manasye anu i sasu kabete'an kabai anu i sasu kinsoban Kaunyo nu Yordan suele i lagamo. Lantas aha nololoi'mo suludadu nu Midian.

1 SAMUEL 14:13

Tiba olitau anu nombatuki aijo' i Yonatan dinumadangkangmo nokiijo'. Salatan i Yonatan tinokamo i kiijo' noduale'mo na to mia-mian nu Filistin pinahan tabasakonnyo, ka' aitu mae suele ihikunyo olitau aijo' nompateimo aha.