IMAMAT 26:6 - KITAB NU TUMPU ALLA LELE MA'IMAI'

⁶ Aku monjagaije kaamanan nu lipu'miu sahingga belemiu hoyotmo bobogon ka madi'mo ko anu o kabuhuk manmo pa'hihe. To binatang-binatang anu mahangas, Ku hopu'imo ilipu'aijo ka' madi'mo ko anu mahampahe ilipu' nu belemiu.

IMAMAT 26:6 ပူးပေါင်းရင်းမြစ်များ

2 TOMU-TOMUNDO' 2:24

I Elisa nosiloi ka' nontoa aha lantas sinumpa'akonnyomo na aha i uno nu sanggo nu Tumpu. Madi' pinin ohua' na beruang behenyo nosabatmo mae i kuhat ka' nombente-bentek aha patompulu' ka' ohua' na to ana-anak anu sinihuk aijo'.

1 TAWARIKH 22:9

Maumo sumo aijo', ia binalajanji'mo hi belengku sumo uuka: Beleyum saidi' mae mohumpakmo samian na anak mo'ane anu mompalentahje ka' madi'mo ko anu lewa' mae monsampo bali', kalana Ku tulungimo na ia, sahingga madi'mo ko anu mamba mae mompahampateakon ia. Ia osanggohi i Salomo kalana de daagi' ia na mompalentah, Aku saja' mombee'i ia ka'ima'an nu lipu' ka' ka'amanan i songko-songko na Israel.

2 TAWARIKH 20:30

Mokonyo aijo' madi'mo nabuhuk na i Yosafat nompalentah, ka' binalakatanmo nu Tumpu nu kadamean na ia i songko-songko na lipu'.

AYUB 11:19

Beleyum madi'mo mabuhuk hi mian anu mongka'ideki; manjoo' na mian momoitaje tulung hi beleyum.

AYUB 5:23

Ale' anu nu pajekomo madi'mo ko batunyo; binatang anu ma'ela' madi' toka mae mompoposia beleyum.

MAZMUR 144:14

O'amalakon da sapi'to iwi-iwi' saponga-ponga'naknyomo ka' madi' ko anu molapus kabai ola manabu' na anaknyo. O'amalakon da madi' ko anu ohongo na mongoa'i kasansala'an i iwi-iwi na jalan nu kota'.

MAZMUR 147:14

Ia na monjagai da'erah nu beleyum da sabole-boleh madi' ko anu mompoposia, ka' momposanangmo beleyum nu gandum anu ma'ima' hondo.

MAZMUR 29:11

O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.

MAZMUR 3:5

Aku nomoitamo tulung hi Tumpu; aita' mae i puge'-Nyo nu Tumpu anu susi' hondo tinaaman-Nyomo mae na aku.

MAZMUR 4:8

Belento lebemo nompolame' mae kinyonyoangku nolingkuduimo mian anu nohumpakmo isi nu ale' nu aha.

MAZMUR 85:8

Potoa mae hi kami da osumbu' mami taalu' sabole-boleh ahi' na Belento mongkalibosi mae, o, Tumpu, bee'i mae na kami kasalamatan anu lengkat mae hi Belento.

NOSABATMO 23:29

Aha madi' Ku pominsan na molaa' iwi-iwi' i uno nu sataun, da tano' aijo' boli ola opobakas, ka' binatang anu mongkaan sangko binatangnyo boli mae ma'uha.

AMSAL 3:24

Belemiu mamba pa' hoyot madi' ko anu okabuhuk ka' belemiu hoyot sampahu na bobogon.

AMSAL 6:22

Pangajalan nu aha iwi-iwi' timbali molaya' beleyum de mamba moyaya, monjagai beleyum de pihimo ka' mombee'i pangajalan hi beleyum de beleyum mobulamo.

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YESAYA 35:9

Itampat aijo' madi' ahi' ko singanyo kabai binatang anu mahangas sangga'at. Aha to mia-mian anu nu posalamat nu Tumpu na lumajang montulu ikiijo'.

YESAYA 45:7

Akumo na nompotimbali jingka tiba pintung, Aku na mompotoka mae balakat tiba balaa'. Akumo na Tumpu nonombaumo iwi-iwi' aijo'.

YESAYA 9:7

Tumpu nonabu'akonmo hukuman hi aha kalaja'an Israel.

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEREMIA 31:26

Toka itempo'nyo aijo' mian motataemo, ‘Salatan binobogonmo na ihoyot ingoa'anku nahosonmo.’

YEHEZKIEL 14:15

Sahingga Ku potokamo mae na binatang anu toto maha-mahangas da monsa'u mian anu jojoong ilipu' aijo' sahingga daerah aijo' okabuhukmo hondo ka' madi' ko mian anu baani motulu ikiijo'.

YEHEZKIEL 14:17

Sahingga Ku potokamo mae na pahampatean ilipu' aijo' ka' Ku pakatumo mae na toongon anu bau pahampate toto heba-hebat da bau pompatei manusia kabai binatang.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 34:25

Aku mombaumo palajanjian tiba aha anu timbali otaha'imani monjagai aha. Ku laa'mo na binatang iwi-iwi' anu mahangas isongko-songko na lipu', sahingga to domba-dombang-Ku jojoongmo sanang i iwi-iwi na padang ka' lumukutmo i iwi-iwi na alas.

YEHEZKIEL 34:27

Iwi-iwi' na kau' mimbua'mo, iwi-iwi' na ale' ko hasinnyomo ka' iwi-iwi' na mian jojoong madi'mo ko anu mompoposia itano'nyo. De lante' anu pinompungu mian anu palesayamo hi beleng-Ku, Ku botu'akonmo ka' aha Ku pobebasmo da madi'mo nu botuani nu tomia-mian anu nombotuanimo aha, nusumbu'je nu aha taalu' Akumo ahi' na Tumpu.

YEHEZKIEL 5:17

Misa' ola kasusa'an i anu okaan panyo panyakit suele anu molele Ku potokamo mae, ka' mule' buhingison ka' pahampatean anu mompateimo mian anu jojoong atina' hi beleyum, tiba binatang anu toto maha-mahangas mompateimo to ana-anak nu aha. Akumo na Tumpu, anu notataemo.”

HOSEA 2:18

Tempo'nyo aijo' Aku mombaumo palajanjian tiba iwi-iwi' na ngahannyo nu binatang da aha boli mompoposia mian-Ku anu palesayamo. Madi'mo Ku pobee' na mahampate ka' mongalinimo to paka-pakakas anu bau pahampate aijo' i lipu' nu mian-Ku anu palesayamo aijo', ka' mombau aha da tumuu' sanang ka' amanmo.

HOSEA 2:20

Susumo anu jinanji'-Kumo beleyum Ku nika'ije. Nu akuije nu beleyum na Aku salaku Tumpu nu beleyum.

IMAMAT 25:18

Otuluti iwi-iwi' na atulan ka' palentah nu Tumpu da belemiu tumuu' madi' ko anu mompoposia i lipu' aijo'.

IMAMAT 25:19

Tano' nu lipu' aijo' ko hasinnyoje sahingga belemiu ko kaanonmo anu sukup ka' jojoongmo kiijo' mae sanangmo.

IMAMAT 26:22

Ku potokamo mae na to bina-binatang anu mahangas atina' hi belemiu. Binatang haha aijo' monsa'umo to ana-anak nu belemiu, mompateimo potuu'on nu belemiu, ka' mohopu'imo belemiu, sahingga konjoo'nyo nu belemiu memo sangkiding hondo ka' to jala-jalan i lipu' nu belemiu liingmo.

IMAMAT 26:25

Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.

IMAMAT 26:7

Belemiu moko alamo mompatundu' anu monsampobali' belemiu;

MIKHA 4:4

Iwi-iwi na mian tumuu' madi'mo ko anu mompoposia ka' mohumpakmo kantumuu'an ma'ima' itotonga' nu ale' nu anggur tiba ale' nu ara; madi'mo ko anu lewa' monggala-gala ia aijo'mo na palajanjian nu Tumpu Anu Daka' na Kuasanyo.

ZEFANYA 3:13

Aha mian nu Israel anu daagi tuha'nyo madi'mo daagi mombau anu ma'idek maumo pa' hi he; aha madi' modaagi balekos ka' madi'mo lewa' mongakali. Aha mohumpakmo kantumuu'an anu ma'ima' ka' madi'mo daagi mongoa'i mabuhuk maumo pa' hihe.”

HAGAI 2:9

Laigan-Ku anu salaje binau lebemo hondo ma'ima' molingkuduimo anu u'utu mae, ka' ia aiya Ku bee'imo ka'amanan ka' mule' kabilahian i uno nu kantumuu'an hi aha bansang-Ku.” Tumpu Anu Daka na Kuasanyo na notataemo.

ZAKHARIA 9:10

Tumpu notatae, “Kareta-kareta anu bau pahampate anu lengkat mae i Efraim, Ku alinje, iwi-iwi' na ajahan nu Yerusalem Ku hopu'ije, ka' iwi-iwi' na pana' Ku hansunije. Tomundo' nu belemiu mombebakonje paladamean hi aha to bansa-bansa. Lengkat mae i ambai mamba i ambai na ia balakuasa, lengkat mae i Kaunyo nu Efrat toka-toka i puusnyo nu dunia.”

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

SISIKON NU TO RASUL-RASUL 12:6

Pihi-pihi ma'isa pe'e i Herodes nompopangadap i Petrus hi mian da'isan, i Petrus male-male' pinungu nu ohua' na pompungu i totonga' nu ohua' na suludadu anu monjagai. I tumban nu talungku' to sulu-suludadu sangga'at suele hau-haunyo monjagai talungku'.

ROMA 5:1

Uuka aiya kita po'ule'mo na'ima' tiba Tumpu, kalana kita palesaya. Mokonyo aitu kita tumuu' i uno nu kadamean tiba Tumpu kalana Tumpunto i Yesus Kristus.