IMAMAT 26:5 - KITAB NU TUMPU ALLA LELE MA'IMAI'

⁵ Hasin nu ale' nu belemiu saidi' mae molabi-labimo, sahingga mau tempo'nyomo pontipuan bua' nu anggur, belemiu daagi' mompadak gandum. Ka' de tokamo na tempo'nyo motuganmo gandum, belemiu daagi' montipu bua'nyo nu anggur. Belemiu ko kaanonmo anu sukup ka' kantumuu'an nu belemiu sanangmo i lipu' nu belemiu.

IMAMAT 26:5 ပူးပေါင်းရင်းမြစ်များ

MAZMUR 144:13

O'amalakon da alangto iwi-iwi' mobuke'mo nu isinyo, mongangahan na isinyo nu ale'. O'amalakon da dombanto iwi-iwi' anu kiijo' mae i tampat padang, minganakmo sampe mopulu-pulu'mo na madala na konjo'nyo.

MAZMUR 90:1

Doi i Musa, posaihon nu Tumpu. O, Tumpu, Belentomo na bau pihohungan mami molundu-lundu na tulunan mami.

NOSABATMO 16:8

Tumpu nombee'imo belemiu ponoha' de mamalomo ka' roti daagi' subu sampe belemiu mobosu, kalana Tumpu nohongomo belemiu saja'mo motambuha' hi Ia. Sabenannyo de belemiu saja'mo motambuha' hi kami, belemiu sumomo saja'mo motambuha' hi Tumpu.”

AMSAL 1:33

Panyo mian anu mompotombihing mae aku tumuu' ma'ima'. Ia tumuu' madi' ko anu mompoposia ka' madi' palalu mabuhuk.”

AMSAL 18:10

Tumpu aijo' sumo laigan tangka-tangkas anu mahoson hondo; mokiijo'mo na kalambanan nu mian anu madi' tageo' na kinyonyoanyo da mohumpak tampat anu madi'ko anu mompoposia.

YESAYA 1:19

De belemiu kahanda' ahi' tulu-tulutan hi beleng-Ku, belemiu timbali mongoa'i iwi-iwi' anu ma'ima' anu nu hasinakon nu lipu' nu belemiu.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

HOSEA 2:18

Tempo'nyo aijo' Aku mombaumo palajanjian tiba iwi-iwi' na ngahannyo nu binatang da aha boli mompoposia mian-Ku anu palesayamo. Madi'mo Ku pobee' na mahampate ka' mongalinimo to paka-pakakas anu bau pahampate aijo' i lipu' nu mian-Ku anu palesayamo aijo', ka' mombau aha da tumuu' sanang ka' amanmo.

HOSEA 2:20

Susumo anu jinanji'-Kumo beleyum Ku nika'ije. Nu akuije nu beleyum na Aku salaku Tumpu nu beleyum.

YOËL 2:19

Ia nontaami aha sumo uuka, “Uuka aiya belemiu iwi-iwi' Ku bee'imo gandum, anggur tiba lanya' nu zaitun da okaan da belemiu iwi-iwi' mobosu. Aku madi' mompojohok belemiu opopo ambang kabai nukokojoi nu to bansa-bansa.

YOËL 2:22

O to bina-binatang boli gago' na kinyonyoa. To pada-padang hemput uuka aiya nolumba'mo. Talalomo hondo nahampe na bua'nyo nu to kau-kau' bua'nyo nu anggur tiba ara nolabi-labimo.

YOËL 2:26

Anu okaan nu belemiu sukupmo ka' mongoa'imo mobosu. Tumpu nu belemiu opopodaka'mo nu belemiu, kalana hi belemiu binau-Nyomo manjoo' na anu okabangangi. Mian-Ku anu palesayamo madi'mo daagi' lewa' nu alu nu mian!

AMOS 9:13

Tumpu notatae, “De tokamo na tempo'nyo, tumuu'na gandum talalo hondo malia' sahingga tempo'nyonu mompadak madi' ko kamingkotannyo. Anggur malia'mo natumuu' sahingga mian saja'mo mombau uee nu anggur. Uee nu anggur jumujumo mae i to bungku-bungkutnyo ka' mo ili mae i to puge-puge'nyo.

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

PO'ULE' INGULIT 11:15

tiba mule' hemput bau kaanon nu binatang nu belemiu. Iwi-iwi' na kaanon anu opalalui nu belemiu tinonsadiamo hi komiu.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.