IMAMAT 26:42 - KITAB NU TUMPU ALLA LELE MA'IMAI'

⁴² Ku inau'mo na palajanjian-Ku hi Yakub, hi Ishak ka' hi Abraham. Aku po'ule'mo mongkobu'oui palajanjian-Ku, aijo'mo mombee'i tano' aijo' hi bansang-Ku.

IMAMAT 26:42 ပူးပေါင်းရင်းမြစ်များ

KAJADIAN 15:18

Tempo'nyo aijo' na Tumpu binalajanji'mo hi Abram. Notataemo na Tumpu, “Aku balajanji'mo mombee'mo hi lee' nu beleyum songko-songko na tano' aiya, lengkat pe'e mae i potempasan nu lipu' Mesir toka-toka mokiijo' mae i Kaunyo nu Efrat,

KAJADIAN 26:2

Han aijo' binaunyo kalana Tumpu nanintoamo hi ia ka' notatae, “Boli mamba mokiijo' i Mesir; jojoongmo i lipu' aiya susumo anu pinalentahkon-Kumo hi beleyum.

KAJADIAN 26:24

Pihi-pihi aijo' Tumpu nanintoamo hi ia ka' notatae, “Akumo na Tumpu Allah nu tuuma nu beleyum i Abraham. Boli mabuhuk; Ku jagaije na beleyum. Ku balakatije na beleyum ka' mombee'i beleyum lee' manjoo' kalana anu jinanji'-Kumo hi posaihon-Ku i Abraham.”

KAJADIAN 26:5

Ku balakatije na komiu, kalana i Abraham nontulutimo Aku ka' nompo'imboamo iwi-iwi' na atulan ka' palentah-ngKu.”

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

KAJADIAN 28:15

O inau' Ku tulungi ka' Ku jagai na beleyum, mau mule' pa' moya na beleyum ka' po'ule' Ku boa mae na beleyum i lipu' aiya. Madi' Ku pala'i na beleyum, sampe toka i tempo'nyo de apaa na anu jinanji'-Kumo hi beleyum, Ku baumo iwi-iwi'.”

KAJADIAN 35:11

Lantas po'ule' notatae na Tumpu Allah, “Akumo na Tumpu Allah Anu Daka' hondo na kuasanyo. Pinganakmo na beleyum ka' milee' manjoo'. Beleyum molee'akonmo to bansa-bansa ka' timbalimo tuuma nu mompolee' nu to tomu-tomundo'.

KAJADIAN 35:12

Lipu' anu binee'-Kumo hi Abraham ka' hi Ishak, Ku bee'mo hi beleyum ka' hi lee' nu beleyum.”

KAJADIAN 9:15

Aku monginau'mo palajanjian-Ku hi beleyum, ka' hi iwi-iwi' anu ko nyawanyo, aijo'mo iyaba' madi'mo daagi' monsilakai iwi-iwi' anu tumuu'.

KAJADIAN 9:16

De tandalo' otoamo aita' i kundom, Aku suele montoamo ka' tolo inau'mo i palajanjian anu sampe toka sidu-sidutu' aijo', Aku tiba iwi-iwi' anu ko nyawanyo i dunia.

ESTER 4:14

Mian nu Yahudi tionyo ahi ko anu montulungi maumo pa' oposia sahingga madi' osilakai. Panyo de beleyum ola momohokot i han anu susumo aiya, beleyum saidi' mae silaka ka' mule' utus mae nu tuuma nu beleyum madi'mo daagi' ko tuusanannyo. Ihe na monsumbu' i hahan susumo aiya sahingga beleyum pinile'anmo binau bengkele' nu tomundo!”

MAZMUR 106:45

Kalana nonginau' aha, ia tinonginau'mo i palajanjian-Nyo ka' nongkalibosimo aha kalana daka' hondo na kalibosan-Nyo.

MAZMUR 136:23

Ia madi' mongkolilimi kita, tempo'nyo kita pinatundu'mo; kalibosan-Nyo sampe toka sidu-sidutu'.

NOSABATMO 2:24

Tumpu Allah nohongomo aha, Ia nonginau'mo palajanjian-Nyo hi Abraham, hi Ishak ka' hi Yakub.

NOSABATMO 6:5

Jadi poto'imo hi bansa Israel taalu' Aku notataemo hi aha: Akumo na Tumpu; belemiu atina' obotuani nu bansa Mesir Ku pobebasmo. Ku potoamo na kakuasa'an-Ku anu opalias, da momposalamat belemiu, ka' mompokonaimo hukuman anu maboat hondo hi bansa Mesir.

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

YEHEZKIEL 16:60

Panyo Aku na monginau' ahi' palajanjian anu binaung-Kumo tiba beleyum daagi' pe'e beleyum langkoyang ka' nombaumo palajajian tiba beleyum anu opake sampe toka sidu-sidutu'.

YOËL 2:18

Lantas Tumpu nompalahatikanmo tano'-Nyo ka' nongkalibosimo mian-Nyo anu palesayamo.

LUKAS 1:72

Da mompotoa ka'ima'an nu kinyonyoa-Nyo hi mompolee'to, janji'-Nyo anu belesi' tionyo Nupodaagi'.

PO'ULE' INGULIT 4:31

Tumpu Allah nu belemiu atina'mo na Tumpu Allah anu talalo hondo mongkalibosi. Ia madi' mompala'i kabai mompatei belemiu, kabai mongkolilimi palajanjian-Nyo hi mompolee' nu belemiu.

PO'ULE' INGULIT 9:27

Inau'akon pe'e na to posa-posaihon nu Belento i Abraham, i Ishak ka' i Yakub, ka' boli mompalahatikan aha talalo hondo panggaga, ka'idekan ka' dosa' nu bansa aiya.

TO MIA-MIAN KOPIAN 2:1

Malaekat nu Tumpu namba lengkat mae i Gilgal nokiijo' i Bokhim ka' notatae hi aha mian nu Israel, “Aku nonsabatakonmo belemiu lengkat mae i Mesir, ka' nomboamo mae belemiu i lipu' anu jinanji'-Kumo hi mompolee' nu belemiu. Ka' pinoto'ing-Kumo, 'Anu jinanji'-Kumo hi belemiu madi'mo Ku lapasakon.