IMAMAT 26:40 - KITAB NU TUMPU ALLA LELE MA'IMAI'

⁴⁰ Panyo lee' nu belemiu mongakuije dosa' nu aha ka' dosa' nu mompolee' nu aha anu madi'mo mohongo-hongo Aku ka' noto idekmo beleng-Ku,

IMAMAT 26:40 ပူးပေါင်းရင်းမြစ်များ

1 TOMU-TOMUNDO' 8:47

opoita daa Belento mopotombihingankon do'a nu aha. De i lipu' aijo' aha mompala'imo to dosa-dosa' nu aha ka' balado'amo hi Belento ka' mule' mongakuimo na aha binaladosa'mo ka' nombaumo anu ma'idek, potombihingakon mae na do'a nu aha o Tumpu.

1 TOMU-TOMUNDO' 8:48

De ilipu' aijo' aha sanaangmo ka' totu-totu'umo na kinyonyoa nu aha mompala'imo to dosa-dosa' nu aha ka' balado'amo hi Belento mongahopi mae lipu' aiya anu binee'mo nu Belento ka' laigan ponsomban anu binaungkumo ponsomban Belento aiya.

EZRA 10:11

Kalana aijo' akuimo na dosa' nu belemiu hi Tumpu, Tumpu Allah anu nusombah nu mompolee' to ka' obau apaa na anu momposanang kinyonyoa nu Tumpu. Opimpali na mian nu aha salipu'an anu jojoong i lipu'to, ka' laa'mo na to bengke-bengkele' nu belemiu haha atina' anu ingosoan nu belemiu hi bansa sangga'at.”

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

EZRA 9:6

Aku notataemo, “O Tumpu Allah-ngku, aku aiya ma'ambang na momposindahakon ubaku i ahop nu belento. Dosa' mami tinumambunmo aita' i ubak mami sahingga nonsulungmo langit.

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YEREMIA 14:20

O Tumpu, ola-olanyomo ahi' hi Belento na kami binaladosa'mo. Kami mongakuimo posi dosa' mami tiba dosa' nu mompolee' mami

MOHAANGI 1:20

O, Tumpu! Palahatikan mae na aku, kinyonyoangku madi' sanang ka' pinusingmo i hansunmo kalana palabuatan mai-ma'idek u'utu mae. I songko-songko na jalan daagi' ko anu monsilakai, i uno nu laigan daagi' ko anu sinilakamo.

YEHEZKIEL 14:23

Lantas belemiu mangalati'je taalu' iwi-iwi' na anu pinohukum-Kumo aijo' ko sababnyo ahi'. Aku Tumpu Anu Matangkas na Kuasanyo notataemo.”

YEHEZKIEL 36:31

Belemiu tonginau'mo anu u'utu mae i kalakuan nu belemiu anu ma'i-ma'idek ka' palabuatan nu belemiu anu madi' pantas aijo', lantas oposi kahegatimo nu belemiu na butong nu belemiu kalana nu saduakon nu dosa-dosa' ka' palabuatan anu ma'idek nu belemiu aijo'.

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

IMAMAT 26:21

De belemiu tataap panggaga hi beleng-Ku ka' madi'mo montuluti Aku, saba' hukuman nu belemiu Ku paka tuangimo mule' lipat pimpitun.

IMAMAT 26:24

saba' Ku dokemo na belemiu ka' mohukumo belemiu pimpitun lipat lebemo maboat molingkudui anu uuka mae momona.

IMAMAT 5:5

Toto sa'angu' na palakala aijo', mian anu ko sala'nyo tionyo ahi' mongakui kasala'annyo.

NOMBILANGMO 5:7

mian aijo' tionyo ahi' mongakui dosa'nyo ka' mombayan bau polugi'i sampe tabayan ka' otuangi mule' uampulu' na palasen, hi mian anu pinolugi'nyomo.

YOSUA 22:15

Sahingga tinokamo na aha kiijo' i kajojoongan nu tulunan nu bansa Ruben, Gad tiba tulunan nu bansa Manasye i da'erah Gilead.

YOSUA 7:19

I Yosua notataemo hi Akhan, “Anaku, pangakumo ka' poto'imo totu-totu'u aiya i ahop nu Tumpu, Tumpu Allah nu Israel, apaa na anu binaumo nu beleyum. Poto'imo mae hi belengku boli oposuluk.”