IMAMAT 26:4 - KITAB NU TUMPU ALLA LELE MA'IMAI'

⁴ Ku tudunakonje mae na ujan toka i tempo'nyo, sahingga ale' ko hasinnyomo ka' kau' mimbua'mo.

IMAMAT 26:4 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

AYUB 5:10

Ia nontudunakonmo mae ujan i dunia aiya, sahingga ale' ka' padang i humpismo na dinudu'an-Nyo.

MAZMUR 104:13

Lengkat mae i langit tinuduna konmo mae nu Belento na ujan nokaiyong i bungkutnyo, dunia kahomo apa-apaa na anu pinodaagi'mo nu Belento.

MAZMUR 67:6

O'amalakon da iwi-iwi' na bansa mompuji' Belento, o, Tumpu, o'amalakon da iwi-iwi' na bansa monsumbu' montalima kase hi Belento.

MAZMUR 67:7

Tano' kino hasinnyomo, Tumpu, Tumpunto nombalakatimo mae kita.

MAZMUR 68:9

dunia ginayu'anmo, ujan tinombulokmo i ahop nu Belento, kalana Tumpu anu kiita' i Sinai, Tumpu Israel tinokamo mae.

MAZMUR 85:12

Tulu-tulutan nu manusia molengkatmo mae i dunia aiya, ka' ka'adilan nu Tumpu montoamo mae lengkat i langit.

MAZMUR 85:13

Tumpu mombee'imo mae anu ma'ima', sahingga tano' to mombee'imo hasinnyo.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEHEZKIEL 36:30

Kutuangimo na kalumba'an nu kau' anu bua'nyo nu kaan nu belemiu ka' hasin nu ale' nu belemiu iwi-iwi' sahingga belemiu madi'mo mongoa'i kasusa'an i anu okaan anu mombusikimo sanggo nu belemiu hi aha bansa-bansa.

YOËL 2:22

O to bina-binatang boli gago' na kinyonyoa. To pada-padang hemput uuka aiya nolumba'mo. Talalomo hondo nahampe na bua'nyo nu to kau-kau' bua'nyo nu anggur tiba ara nolabi-labimo.

IMAMAT 25:19

Tano' nu lipu' aijo' ko hasinnyoje sahingga belemiu ko kaanonmo anu sukup ka' jojoongmo kiijo' mae sanangmo.

IMAMAT 25:21

I taun ko anomnyo Tumpu mombalakatije tano' sahingga hasinnyo nu sukupi totolu' na taun.

ZAKHARIA 8:12

Aha monsa'u bine' madi'mo ko anu mompoposia. Sagala anggur nu aha mimbua'mo ka' mule' tano' ko hasinnyomo ka' mule' ujan tudunmo mae manjo-manjoo'. Iwi-iwi' na balakat haha aijo' Ku bee'mo hi to mia-mian anu daagi' tutuu' i bansa aiya.

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

PO'ULE' INGULIT 11:13

Jadi otuluti na palentah haha aiya anu ku poto'i hi belemiu sinaa aiya: Okanonongi, na Tumpu Allah nu belemiu, ka' sombah na Ia nu kinyonyoa anu totu-totu'u.

PO'ULE' INGULIT 11:14

De belemiu mombaumo sumo aijo', saba' Tumpu mompotokamo mae ujan i tano' nu belemiu de tokamo na tempo'nyo salatan belemiu moko padakmo, ka' salatan tempo'nyomo na belemiu montampu'unimo motugan. Sahingga sukupmo na gandum nu belemiu, anggur ka' lanya' nu zaitun,

PO'ULE' INGULIT 28:12

Tumpu montudunakonje ujan de tokamo na lonunyo lengkat mae itampat pinompo'una'an-Nyo anu mabohos hondo aita'mae i langit. Ia mombalakatije iwi-iwi' apaa na anu obau nu belemiu, sahingga belemiu momposabonakonmo hi to bansa-bansa, panyo belemiu madi'mo palalu monsabon.

YAKOBUS 5:7

Kalana aitu, osabalakon to Utu-utus, sangkutnyo Tumpu toka. Toa mosia na kosabaannyo na samian anu topo ale' montanda'i sampe tano'nyo mohasinakon anu ko olinyo hi ia. Ia sabaan na montanda'i ujan loonu nu mohudu' na hon nu kau' ka' ujan loonu nu mimbunga na kau'.

ANU PINOTO'I HI YOHANES 11:6

Aha daagi' ko kuasa mongkulubi langit da boli tudun mae na ujan hau-haunyo aha daagi' mombebakon lele lengkat mae hi Tumpu Allah. Aha daagi' suele ko kuasa mongkuasai iwi-iwi' mata nu uee, da mombali'i uee timbali baso'. Ka' aha daagi' mule' ko kuasa mondoke dunia nu iwi-iwi' na ngahan nu balaa', de aha kahanda'mo mombau.