IMAMAT 26:39 - KITAB NU TUMPU ALLA LELE MA'IMAI'

³⁹ Sambagian na belemiu anu madi'mo manjoo' ka' anu daagi tumuu' i lipu' nu anu monsampobali' belemiu saja' susa' na kantumuu'an kalana dosa' nu belemiu ka' dosa' nu mompolee' nu belemiu.

IMAMAT 26:39 ပူးပေါင်းရင်းမြစ်များ

2 TAWARIKH 34:24

‘Aku mohukumo Yerusalem, ka' iwi-iwi' na mian anu jojoong i kiijo' nu pongkutuki anu tuli-tulis i kitab aijo', anu binasa'mo i tomundo.

EZRA 9:7

Daagi' pe'e tempo'nyo mae nu mompolee' mami sampe tempo' uuka aiya, kami mian anu pinalesayamo hi belento binaladosa'mo hi belento. Mokonyo aijo' kami, to tomu-tomundo, ka' to ima-imam mami, pinatundu'mo nu to tomu-tomundo anu i salipu'an. Kami pinateanmo pinahuhuanmo, ka' binoamo salaku mian anu i hakop. Kami talalomo hondo ingambangan, sumomo balu-balu'nyo nu sinaa aiya.

NEHEMIA 1:9

Panyo de kami po'ule'mo mohongo-hongo belento ka' montulutimo palentah nu Belento iwi-iwi', saba' kami anu nobagi-bagimo aijo' po'ule'je oposihuk nu Belento, maumo kami kiijo'mo mae i puusnyo nu dunia. Lantas sinuleakontomo mae nu Belento na kami i tampat anu pinile'anmo nu Belento da bau tampat ponsomban belento.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

YESAYA 14:21

Pongkolotan sampamo lia-lia' otampu'uni! Anak nu beleyum anu toto momo'ane silakamo kalana do'a nu mompolee' nu aha. Madi' kosamiannyo na anu aijo' hi aha timbali mompalentah idunia aiya kabai lewa' mombau kota'.”

YESAYA 24:16

Lengkat mae i puusnyo nu dunia na onyi' nu nyanyian mompuji' Israel, bansa anu tulu-tulutan hi Tumpu. Panyo silakamo na aku! Aku mongoa'imo kasusa'an. Mian anu saja' mombau palabuatan anu ma'idek daagi' ahi' saja' mombau palabuatan ma'idek ka' aha ola mule' ahi' mompaka bau palabuatan anu ma'idek.

YEREMIA 29:12

Sahingga belemiu momoitamo mae tulung hi beleng-Ku. Belemiu tokamo mae balado'a hi beleng-Ku ka' Ku taamimo na do'a nu belemiu.

YEREMIA 3:25

Jadi bakasmo da otanggungmo mami na ambang ka' bakasmo na kami da madi'mo kino angga'nyo. Kalana, kami tiba mompolee' mami binaladosa'mo hi Tumpu Allah mami, ka' madi'mo toho' tinulu-tulutan hi iwi-iwi' na palentah-Nyo.”

YEREMIA 31:29

Toka itempo'nyo aijo' mian madi'mo daagi' motatae, ‘Tu'anyo mongkaan bua' nu kau' anu malosing, bese' nu anaknyo na mongoa'i mangilu'.’

MOHAANGI 1:3

Mian anu jojoong i Yehuda nompala'imo lipu'nyo kalana binotuananmo ka' talalomo sinansala. Uuka aiya aha jijojoongmo i to bansa-bansa madi'mo ko tampat anu pohumpakan kadamean ka' kasanangan. Sampobali' nontumbuhimo aha tempo'nyo aha sinansalamo.

MOHAANGI 4:9

Aha sinansala'mo ka' sinilaka kinomayu-mayu'annyoje kalana madi' hondo-hondo ko anu okaan; anu sinilaka i pahampatean, lebe ko untungnyo tiba anu sinilaka nu ohop.

YEHEZKIEL 18:19

Panyo ugaat ahi' daagi' ko mian anu mompokilawa, kadaka' anak aijo' madi' suele ahi' montanggung hukuman nu dosa' iwi-iwi' anu binaumo nu tuumanyo. Bau pontaami aijo'mo, kalana anak aijo' manonong ka' madi' tageo' na kinyonyoanyo. Ia tulu-tulutan hi atulan-Ku iwi-iwi' ka' nu bau na aijo' ijalannyo anu sahondo-hondonyo, sahingga ia tataap ahi' tumuu'.

YEHEZKIEL 20:43

Ikiijo' mae belemiu tonginau'je iwi-iwi' na palabuatan anu okahegati anu nohumimi'imo butong nu belemiu. Sahingga bubunje na belemiu de tonginau'mo ipalabuatan aijo' iwi-iwi'.

YEHEZKIEL 24:23

Belemiu madi' lumajang de madi' mingkukumbung kabai madi' minsolop kabai madi' tumando' kabai madi' humang. Belemiu ko susa-susa'nyomo kalana dosa-dosa' nu belemiu atina'; belemiu mompaha soso-sosolimo samian ka' samian.

YEHEZKIEL 33:10

Tumpu notataemo mae hi belengku, “O manusia anu madi' tumuu' batu, po ule' pe'e taloakon hi aha Israel na potatae nu aha sumo uuka, ‘Kami sinusa'mo kalana nontanggungmo dosa' tiba palabuatan mami anu ma'idek. Mosia na kami timbali tumuu'?’

YEHEZKIEL 36:31

Belemiu tonginau'mo anu u'utu mae i kalakuan nu belemiu anu ma'i-ma'idek ka' palabuatan nu belemiu anu madi' pantas aijo', lantas oposi kahegatimo nu belemiu na butong nu belemiu kalana nu saduakon nu dosa-dosa' ka' palabuatan anu ma'idek nu belemiu aijo'.

YEHEZKIEL 4:17

Aha madi'mo ko halapan kalana madi'mo ko anu okaan na roti tiba uee anu o'inum, ka' ahennyo aha silakamo nu saduakon nu dosa' nu aha iwi-iwi'.”

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

ZAKHARIA 10:9

Maumo ahi' gina'a-ga'at-Kumo na aha namba hi bansa-bansa, aha tataap ahi' monginau' mae Aku kiijo' mae. Aha oposalamatmo sumo aitu mule' na to ana-anak nu aha ka' minsusule'mo hingga-hinggat mamba ilipu'nyo.

NOMBILANGMO 14:18

‘Aku, Tumpu, madi' malia' pusa. Ku potoamo na kalibosan-Ku ka' kanonongan-Ku molabi-labi. Aku mongampuni mian anu baladosa' ka' anu panggaga hi beleng-Ku. Mau mule' sumo aijo', kasala'an nu tu'anyo saidi' mae Ku balosakonje hi to ana-anaknyo ka' hi to maku-makumpunyo, sampe toka i lee'nyo anu ko totolu'nyo ka' ko opatnyo.’

PO'ULE' INGULIT 28:65

Kiijo' mae hi bansa haha aijo' madi' mohumpak kasanangan nu kantumuu'an, ka' madi' ko tampat anu timbali osanggo anumo nu belemiu; Tumpu mompotimbalimo belemiu da hentemo hondo-hondo madi'mo ko anu otaha'imani.

PO'ULE' INGULIT 30:1

“Uuka aiya belemiu mompile'imo pa' balakat kabai kutuk susumo anu tinutuhakonmo hi belemiu. De belemiu nongoa'imo kasansala'an aijo' iwi-iwi' ka' tinumuu'mo hi bansa-bansa anu i salipu'an i tampat nu belemiu pinongga'a-ga'atakonan nu Tumpu Allah nu belemiu, belemiu tonginau'mo i apaa na anu pinoki pile'ankumo hi belemiu.

PO'ULE' INGULIT 5:9

Boli monsombah patong anu sumo aijo' kalana Akumo na Tumpu Allah nu belemiu ka' madi' mongka'oho' opokakanakon tiba maumo pa' apaa. To mia-mian anu mongka'ideki Aku Ku hukum toka-toka i lee' anu ko totolu'nyo ka' ko opatnyo.

PO'ULE' INGULIT 8:20

De belemiu madi' tulu-tulutan hi Tumpu Allah nu belemiu suele Nu silakaimo susumo bansa-bansa anu i hopu'an-Nyomo i ahop nu mata miu.”