IMAMAT 26:36 - KITAB NU TUMPU ALLA LELE MA'IMAI'

³⁶ Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

IMAMAT 26:36 ပူးပေါင်းရင်းမြစ်များ

KAJADIAN 35:5

Salatan i Yakub ka' aha iwi-iwi' sa'anakan nambamo, Tumpu Allah nompobuhukmo anu jojoong i kota haha aijo' iwi-iwi', sahingga aha nabuhukmo, jadi aha madi'mo nololoi' i Yakub ka' sangalunyo iwi-iwi'.

KAJADIAN 4:12

De beleyum mosu'an sosu'anon, tano' madi' mombee'i hasinnyo apa-apaa; beleyum timbalimo anu mahalajangan madi'mo ko tampat kajojoongan i dunia.”

AYUB 13:25

Aku ola sumo hon mohontang de motulumo na baleba, madi' minsoop i akan na Belento mompopobuhukmo aku! Aku ola sumo hat anu nanggasmo ka' nangkalualemo, te toho' mule' na Belento lewa'mo mololoi' aku!

MAZMUR 53:5

Tumpu notatae, “Madi'mo daagi' sininsumbu' na to mia-mian anu ma'idek haha aijo'? Aha tumuu' ola sola' mongagoi balang nu mian anu palesayamo hi Beleng-Ku, ka' madi' toho' balado'a mae hi Beleng-Ku.”

MAZMUR 53:6

Mian anu ma'idek na kinyonyoanyo talalo ahi' mabuhuk, padahan madi' ko anu mompopobuhuk, kalana Tumpu mompotanatamo buku nu mian anu montumbuhimo belemiu; aha madi'mo tinalima nu Tumpu, jadi' opatundu'mo nu belemiu na aha.

MAZMUR 89:43

Belento nompo'untungmo nahampate aha anu monsampobali' mae ia, ka' iwi-iwi' na mian anu nongewa mae ia i lame'mo.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

YESAYA 30:17

Samadala na mian saidi' mae ola mopalai de montoamo samian na sampobali' montumbuhimo mae belemiu, ka' de ahamo olima' na montumbuhi mae belemiu iwi-iwi' mopalaimo. Anu sanggombu na suludadu nu belemiu me totahan sangkau na tiang nu bandela' aita' ipuge'nyo.

YESAYA 7:2

Salatan tomundo' nu aha Yehuda nohongomo taalu' suludadu nu aha Siria ninsoopmo i daerah nu aha Israel anu monsangaja'i ia, ia ka' bansanyo nabuhukmo hondo, sahinga aha ilakatnyomo sumomo kau' anu ginayu'mo nu mombun.

YESAYA 7:4

Poto'i hi tomundo' da ia tataap mogogau panyo boli ahi' bata-bata. Boli ia mabuhuk kabai bingung. Tambuha' i Tomundo' Pekah tiba i Tomundo' Rezin tiba suludadu nu aha mian Siria haha aijo' ola susumo ohua' na lo'uton nu apu anu kotibuknyo, jadi madi' ahi' moko ala mompoposia.

YEREMIA 37:10

De maluanyo belemiu moko ala ahi' mompatundu' iwi-iwi' na suludadu nu Babel sahingga anu tontuha' me anu singkap tinadokmo na belenyo ibangka'nyo nu aha iwi-iwi', panyo aha saidi' mae na totinjo mompapui sampe motanggot na kota' aiya.’ ”

YEREMIA 46:16

Manjoo' na suludadu nu belemiu tinosumpunmo ka' tinombahangkangmo. Aha binasisikmo samian ka' samian, ‘Imbo' kita minsusule'mo hi bansanto da kita timbali daagi' tumuu' madi' nu silakai nu bajak nu sampobali'to.’

MOHAANGI 1:3

Mian anu jojoong i Yehuda nompala'imo lipu'nyo kalana binotuananmo ka' talalomo sinansala. Uuka aiya aha jijojoongmo i to bansa-bansa madi'mo ko tampat anu pohumpakan kadamean ka' kasanangan. Sampobali' nontumbuhimo aha tempo'nyo aha sinansalamo.

MOHAANGI 1:6

Kakaya'an nu kota' Yerusalem memo ahi' sisiknyo tempo'nyo naipuan mae. To pola-polaya'nyo i hentemo susumo jonga anu talalomo no'ohop. Aha madi'mo noko ala nombau apa-apaa hi aha sampobali' anu mololoi' mae.

MOHAANGI 4:19

Anu mololoi' kami talalo hondo malia' majo'on na pompala'inyo na ko lia'nyo nu bonyia'. Aha mololoi' kami i bungkutnyo ka' nontumbuhimo kami i padang anu mateges.

YEHEZKIEL 21:12

O, manusia anu madi' tumuu' batu, haangmo ka' polotando'mo! Kalana bajak aijo' mongewamo mian anu palesayamo hi beleng-Ku. To pola-polaya' nu aha Israel tiba songko-songko na bansa otabasmo nubajak aijo' sampe aha silakamo. Jadi hapa' na saha'an nu beleyum kalana nolibosmo,

YEHEZKIEL 21:15

Ia nompojadimo bansang-Ku da madi'mo binaani ka' nohumpakmo kasusa'an. Pinopobuhuk-Kumo na kota' nu aha nu bajak anu jijinongkilabanmo aijo' susumo kilat ka' me kogia'nyo mompatei.

YEHEZKIEL 21:7

De aha mompokilawa kadaka' beleyum nososonmo saba' poto'i taalu' beleyum sinusa'mo na kinyonyoa kalana lele nu balaa' anu saidi' mae toka. Lele aijo' mompolangkakatanmo kinyonyoa nu aha, lima nu aha lundengmo, ka' ike-ike' nu aha suele langkakatanmo ahi', aha madi'mo daagi' bilak. Memang sinaanyo aijo' tokamo mae, ka' iwi-iwi' aijo' tionyo ahi' jadimo. Aku, Tumpu Anu Matangkas na Kuasanyo notataemo.”

HOSEA 8:3

panyo aha madi' mongka'oho' montalima apaa na anu ma'ima'. Mokonyo aijo' aha nu loloi'mo nu sampobali' nu aha.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

PO'ULE' INGULIT 1:44

Lantas mian nu Amori anu monjongi da'erah nu bungkutnyo aijo no sahabatmo mongewa komiu. Konjo'nyo nu aha daisan hondo, susumo posaanguan nu uani'. Aha nololoi komiu konjoonnyo Horma, lantas nompatunduimo komiu i da'erah bungkut nu Edom.

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

YOSUA 7:5

Mian nu Ai haha aijo' mololoi' mae aha lengkat pe'e i sabatan daka' nu kota Ai tinoka-toka i da'erah tampat pongkekean balang anu i uno nu tano', lantas nompateimo aha tolumpulu' ka' anom na mian i tengke nu bungkutnyo. Sahingga aha mian nu Israel tinolosok'mo na kinyonyoa ka' nabuhukmo.

1 SAMUEL 17:24

Salatan tinoamo nu aha na i Goliat aha nabuhukmo ka' nopalaimo.