IMAMAT 26:33 - KITAB NU TUMPU ALLA LELE MA'IMAI'

³³ Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

IMAMAT 26:33 ပူးပေါင်းရင်းမြစ်များ

1 TOMU-TOMUNDO' 8:46

De mian anu pinalesayamo hi Belento binaladosa'mo hi Belento – memang totu-totu'unyo madi'mo daagi' ko samian anu madi' baladosa' – lantas kalana Belento montambuha'mo opojohokmo nu Belento na aha nu patundu'mo nu sampo bali' ka' mian anu i hakopmo oboamo i lipu' sangga'at anu majo'on kabai anu ohani

2 TOMU-TOMUNDO' 25:9

I Nebuzaradan nompapumo Laigan nu Tumpu, laigan nu tomundo' ka' laigan iwi-iwi' nu to mia-mian anu talasanggo i Yerusalem.

2 TAWARIKH 7:19

Panyo de beleyum ka' mian nu beleyum molanggaimo to atu-atulan ka' anu Ku palentahkon iwi-iwi', ka' mule' monsombahmo to pilo-pilogot sangga'at,

NEHEMIA 1:3

Aha nonsisikmo tukoonyo nu aha mian haha aijo' anu toho'mo binoa i Babel panyo ninsusule'mo mae i tano' kinahampean nu aha aijo', tempo' uuka aiya tumuu' sansala ka' saja'mo nu popoambang nu bansa sangga'at anu i salipu'an, anu kiijo' mompaha ohani tiba aha. Pakalaus mule' pagan mesen nu kota' Yerusalem daagi' hondo ma'idek ka' nosungke-sungkehetmo ka' iwi-iwi na tumbannyo anu toto daka-daka' ma'isa ahi' pinokopianan salatanmo pe'e pinapuan tempo'nyo naipuan mae.

NEHEMIA 1:8

O Tumpu, o'inau' na potatae nu Belento anu tinaeakonmo i Musa apaa na anu pinalentahkonmo nu Belento, tukoonto, de kami mian nu Israel madi' tulu-tulutan hi belento, kami obagi-bagimo nu Belento mamba i bansa-bansa sangga'at.

ESTER 3:8

Lantas notataemo na i Haman hi tomundo, “O tuumangku Tomundo, daagi' ko sa'angu' na bansa anu sangalasan na adatnyo sinongkomo i propinsi i kalaja'an aiya. Atulan nu adatnyo madi' hondo pokakana tiba to bansa-bansa sangga'at. Aha madi' montuluti iwi-iwi' na Atulan nu Kalaja'an. Jadi lebe ma'ima' belento Tomundo boli ola mompojohok aha yayamo na anu nuka'ima'i nu aha.

MAZMUR 106:27

Lee' nu aha oboamo i lipu' nu to bansa-bansa sangga'at, ka' oga'a-ga'atakonmo mamba oboa i lipu' nu mian anu i salipu'an.

MAZMUR 44:11

Pinojohokmo nu Belento na kami mopalaimo mompala'i sampobali' mami ka' ingagoanmo nu aha na halata' mami.

MAZMUR 44:12

Pinojohokmo nu Belento na kami da okolotmo susumo domba ka' gina'a-ga'atmo nu Belento na kami namba hi aha to bansa-bansa.

YESAYA 1:7

Lipu' nu belemiu ingideanmo; kota-kota' nu belemiu pinapuanmo iwi-iwi'. Mian anu i salipu'an nongalamo tano' nu belemiu ka' ingideannyomo na isinyo.

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YEREMIA 13:24

Ku ga'a-ga'atakonmo na belemiu susumo ota' nu tilabakonmo nu mombun anu lengkat mae ipadang tampat anu mateges.

YEREMIA 15:4

Ku pojadimo na bansa iwi-iwi' idunia aiya meatmo na montoa aha. Iwi-iwi' aijo' Ku pojadimo kalana palabuatan i Manasye anak mo'ane i Hizkia kiijo' i Yerusalem salatan ia jinadimo tomundo' nu aha Yehuda.”

YEREMIA 31:10

Tumpu notatae, “Potombihing mae o to bansa-bansa! Poto'iakon na potuunon-Ku toka-toka isantoa nu ambai: Mian anu palesayamo hi beleng-Ku anu gina'a-ga'atakon-Kumo po ule'mo Ku posihuk ka' Ku potuu'mo susumo polaya' domba monjagai dombanyo.

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEREMIA 7:34

Lipu' aiya saidi' mae timbalimo padang tampat anu kunmo. Lewo'nu mian anu lame' tiba lewo' nu mian anu nombaumo bau-bauon nonika' Ku pobelentimo i kota-kota' Yehuda tiba i to jala-jalan nu Yerusalem.

YEREMIA 8:3

Saba' aha to mia-mian anu daagi' tumuu' na bansa anu saja' balabuat ma'idek aiya anu gina'a-ga'at-Kumo namba iyaya mae lebemo mongka'ima'i silaka ka' madi'mo mongka'ima'i tumuu'. Aku, Tumpu Anu Mahakuasa hondo notataemo.”

YEREMIA 9:16

Aha Ku bee'mo hi to bansa-bansa anu madi' nu sumbu' nu aha kabai mompolee' nu aha. Saja'mo Ku sai na suludadu anu montumbuhi aha sampe Ku pateimo na aha ingko-ingkot.”

MOHAANGI 1:1

Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

MOHAANGI 1:3

Mian anu jojoong i Yehuda nompala'imo lipu'nyo kalana binotuananmo ka' talalomo sinansala. Uuka aiya aha jijojoongmo i to bansa-bansa madi'mo ko tampat anu pohumpakan kadamean ka' kasanangan. Sampobali' nontumbuhimo aha tempo'nyo aha sinansalamo.

MOHAANGI 4:15

Mian notatae, “Lako'mo lengkat i aiya! Belemiu aiya nahumimi'mo, boli mae montiik kami!” Sahingga nambamo na aha ka' naha lajanganmo lengkat i bansa sa'angu' mokiijo' i bansa sangga'at, panyo maumo pa' ihe madi' mompobee' jojoong tataap.

MOHAANGI 4:16

Tumpu madi'mo daagi' mompalahatikan mian-Nyo anu palesayamo; posi ia mo na nongga'a-ga'atakon aha ka' nombau to ima-imam madi'mo daagi' o'angga'i; to pola-polaya' madi'mo ko anu mongkalibosi.

YEHEZKIEL 12:20

Kota-kota' anu tempo uuka aiya kaho ko miannyo anu monjojoongi saidi' mae ohansunimo ka' mule' ale' nu aha iwi-iwi' mategesmo. Sahingga nu sumbu'je nu aha taalu' Akumo ahi' na Tumpu.”

YEHEZKIEL 20:23

I padang tampat anu kaho bone'nyo aijo', suele Aku nompohosonmo nu sumpa' tukoong-Ku, Ku ga'a-ga'atakonmo na aha mamba isongko-songko na dunia,

YEHEZKIEL 22:15

Ku ga'a-ga'atakonmo na mian anu atina' jojoong hi beleyum mamba hi iwi-iwi' na lipu' ka' bansa ka Ku pobelentimo na palabuatan nu beleyum ma'i-ma'idek atina'.

YEHEZKIEL 5:2

Sambagian tionyo ahi' nu papui itotonga' nu kota' aijo' de lapasmo na otumbuhi. Ka' sambagian mule' tionyo ahi' nu posusuk i bajak nu beleyum lantas nu lajangakonmo titikup ikota' aijo'. Ka' mule' sambagian anu imihi-mihinyo tionyo ahi' nu sambuangakon mokiita' ilanga, lantas Ku loloi'mo nu bajak-Ku.

HOSEA 9:6

De balaa' tokamo mae hi belemiu ka' mule' oboamo ilipu' sangga'at saba' anu daagi jinojoong nu posihukmo nu aha mian Mesir da opateimo ka' olamunmo kiijo' i Memfis! Hemput tiba hii' tumuu'mo mae ka' mongkukubimo iwi-iwi' na tampat anu pinombauan nu belemiu laigan tiba bala-balang salaka anu mahan na olinyo.

AMOS 9:4

De aha nu boamo nu sampobali', Ku palentahje da aha opatei. Kahanda'-Ku da ohopu'imo na aha, ka' madi'mo montulungi aha.”

ZAKHARIA 7:14

Sumomo ahi' tambusisi' na Aku nonsapui aha, sahingga aha talapakisa jinojoongmo ahi' i lipu' nu aha anu i salipu'an mae. Tano' anu maomuk iliingmo hondo ka' madi'mo ko anu monjojoongi ka' mule' kinuunmo.”

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

PO'ULE' INGULIT 4:27

Nubagi-bagimo nu Tumpu na belemiu mamba i to bansa-bansa sangga'at ka' me sangkiding na belemiu anu daagi' tumuu'.

YAKOBUS 1:1

To utu-utus mian anu palesayamo hi Tumpu iwi-iwi', anu nobagi-bagimo i songko-songko na dunia! Salam do'a lengkat hi belengku, i Yakobus, posaihon nu Tumpu ka' posaihon i Tumpu Yesus Kristus.