IMAMAT 26:32 - KITAB NU TUMPU ALLA LELE MA'IMAI'

³² Lipu' nu belemiu Ku ideimo ingko-ingkot sahingga sampobali' nu belemiu anu nonjojoongimo kiijo' tolokengkengmo na montoa anu ingideanmo hondo aijo'.

IMAMAT 26:32 ပူးပေါင်းရင်းမြစ်များ

1 TOMU-TOMUNDO' 9:8

Laigan ponsomban aiya timbalimo tambulan nu anu nopapu sahingga toto samian anu montulu i kiijo' tolokengkeng ka' mongoa'i mabuhuk. Aha motatae, 'Kadaka' Tumpu nombaumo susumo aijo' i lipu' ka' laigan aiya?'

YESAYA 24:1

Tumpu monsilakaimo tano' sahingga mategesmo ka' mule' liingmo. Nu bali-balikakonmo na aita' kilitnyo nu tano' ka' mule' mongga'a-ga'atakonmo miana nu monjojoongi.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YESAYA 5:9

Ihongongku Tumpu Anu Daka' na Kuasanyo binasumpa'mo, “Iwi-iwi na laigan anu to daka-daka' haha aiya ka' mule' anu to ima-ima' haha aiya iwi-iwi' aijo' longkangmo madi'mo ko anu monjojoongi.

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YESAYA 64:10

Iwi-iwi na kota' susi' nu Belento sumomo ahi' padang tampat anu mateges Yerusalem tinimbalimo padang tampat anu kinunmo ka' ilingmo.

YEREMIA 12:11

Ya, tinoang-Kumo na aha nompojadi lipu'-Ku tampat anu iliingmo hondo ka' nonsusa'imo kinyonyoang-Ku. Iwi-iwi' madi'mo ko anu nongkalesang, madi'mo ko anu nompalahatikan.

YEREMIA 18:16

Lipu' aiya pinotimbalimo nu aha tampat anu okabuhuk hondo ka' saja'mo timbali bau sisik anu okokojoi. Iwi-iwi' na anu motulu ikiijo' mahalilokanmo ubak kalana mabuhukmo.

YEREMIA 19:8

Ku potudunmo hi aha na balaa' anu opalias hondo ikota' aiya sahingga batu-batu mian anu motulu ikiijo' tolokengkengmo ka' mabuhukmo.

YEREMIA 25:11

Songko-songko na lipu' aiya Ku pojohokmo da hansunmo ka' liingmo. Bansa-bansa anu mompaha ohani saidi' mae tulutmo hi tomundo' Babel pitumpulu' na taun na kopinnyo.

YEREMIA 25:18

Yerusalem tiba iwi-iwi' na kota' nu Yehuda tiba to tomu-tomundo' ka' mian anu ko pangkatnyo pino inumankumo anggur aijo', sahingga aha jinadimo susumo padang tampat anu kinunmo ka' okabuhukmo. Sampe toka sinaa uuka sanggo nu aha opakemo bau pongkutuki.

YEREMIA 25:38

Susumo singa nosabatmo mae lengkat i liangnyo, sumo aijo'mo na Tumpu nosabatmo mae da mohukumo mian anu palesayamo hi Ia. Kasinggian nu pahampatean tiba tambuha' nu Tumpu nongabali'mo lipu' aiya sahingga tinimbalimo padang tampat anu mateges.

YEREMIA 33:10

Tumpu notatae, “Mian nontaloakonmo koonyo nu aha tampat aiya sumomo padang tampat anu nategesmo madi'mo daagi' ko miannyo kabai binatang anu monjojoongi aijo'. Potatae nu aha memang totu'u, kalana kota-kota' nu Yehuda tiba jalan-jalan nu Yerusalem iwi-iwi' madi'mo ko miannyo anu otoa; madi'mo daagi' ko mian kabai binatang anu jojoong ikiijo'.

YEREMIA 44:2

Sumo uuka na potuunon nu Tumpu Anu Mahakuasa, Tumpu Allah Israel hi aha, “Belemiu nonsakisimo balaa' anu pinokonang-Kumo hi Yerusalem tiba hi iwi-iwi' na kota' sangga'at nu Yehuda. Sampe uuka aiya kota' haha aijo' daagi' hau-haunyo hansun madi'mo ko anu nonjojoongi,

YEREMIA 44:22

Madi'mo nu poko intim nu Tumpu na montoa belemiu monsombahkon koloban hi to pilo-pilogot sangga'at. Palabuatan nu belemiu atina' ma'idek ka' moko ambang. Belemiu binaladosa'mo hi Tumpu ka' madi'mo tinulu-tulutan hi palentah-Nyo. Mokonyo aijo' uuka aiya lipu' nu belemiu ihansunmo sahingga madi'mo jadi ojojoongi, ka' sanggonyo opakemo lewa bau pongkutuki. Mian anu montoa mabuhukmo'.”

YEREMIA 9:11

Tumpu notatae, “Yerusalem Ku pojadimo tampat anu ihansunmo baumo tampat paninsulukan nu dedeng nu alas. Sinin na kota' nu aha Yehuda timbalimo liing, timbalimo tampat anu madi'mo ojojoongi.”

MOHAANGI 4:12

Hi aha to tomu-tomundo ka' mian da'isan i dunia aiya madi' ko samian pe'e na anu palesaya na to saba-sabatan daka' nu kota' Yerusalem nupoko ala ahi' nu pinsoopi nu sampobali'.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

DANIEL 9:18

Potombihingakon mae na kami, o, Tumpu, toa mae na kami ka' palahatikan mae na kasala'an mami tiba kota' mami anu nana idekmo tiba suele sanggo nu Belento. Kami binalado'amo hi Belento misa' kalana kami mian anu manonong panyo kalana Belento talalo ahi' hondo mongkalibosi.

HABAKUK 3:17

Maumo kau' ara madi' ko bua'nyo, ka' kau' anggur madi' nimbua' anggur; mau pe'e pontipuanmo zaitun panyo madi' ko apa-apaa na anu ihumpak ka' hasin nu gandum i ale' suele madi'ko anu ihumpak, sadangkan iwi-iwi' na domba inatemo, ka' pangkun nu potuu'on madi'mo ko isinyo,

LUKAS 21:20

“De otoa miu na Yerusalem nutumbuhimo nu suludadu, osumbu'mo miu taalu' madi'mo pin kota aijo' o ideimo.

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.