IMAMAT 26:3 - KITAB NU TUMPU ALLA LELE MA'IMAI'

³ De belemiu tumuu' ka' montuluti atulan-Ku haha aiya ka' mule' montuluti palentang-Ku haha aiya.

IMAMAT 26:3 ပူးပေါင်းရင်းမြစ်များ

NEHEMIA 1:9

Panyo de kami po'ule'mo mohongo-hongo belento ka' montulutimo palentah nu Belento iwi-iwi', saba' kami anu nobagi-bagimo aijo' po'ule'je oposihuk nu Belento, maumo kami kiijo'mo mae i puusnyo nu dunia. Lantas sinuleakontomo mae nu Belento na kami i tampat anu pinile'anmo nu Belento da bau tampat ponsomban belento.

NOSABATMO 23:25

De belemiu monsombahmo Aku, Tumpu Allah nu belemiu, belemiu Ku balakatimo nu anu okaan ka' anu o inum ka' iwi-iwi' na panyakit Ku pojo'onmo hi belemiu.

YESAYA 1:19

De belemiu kahanda' ahi' tulu-tulutan hi beleng-Ku, belemiu timbali mongoa'i iwi-iwi' anu ma'ima' anu nu hasinakon nu lipu' nu belemiu.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YEREMIA 11:4

Palajanjian-Ku aijo' binaung-Kumo tiba mompolee' nu aha salatan pe'e aha binoang-Kumo nosabat lengkat i Mesir lipu' anu susumo nalaka hi aha. Pinalentah-ngKumo na aha da montuluti Aku ka' mombau sinin na anu pinalentahkon-Kumo. Uuka aiya suele pinoto'ing-Kumo hi aha mian nu Yehuda tiba hi aha mian anu jojoong i Yerusalem taalu' de aha montuluti Aku aha timbalimo mian anu palesayamo hi belengku ka' Akumo ahi' na Tumpu Allah nu aha.

IMAMAT 19:25

I taun ko olima'nyoje atinaje' ka' bua'nyo timbalimo okaan. De atulan aijo' obau nu belemiu iwi-iwi', kau' anu okaan na bua'nyo aijo' mompaka pahampemo. Akumo na Tumpu Allah nu belemiu.

ZAKHARIA 8:12

Aha monsa'u bine' madi'mo ko anu mompoposia. Sagala anggur nu aha mimbua'mo ka' mule' tano' ko hasinnyomo ka' mule' ujan tudunmo mae manjo-manjoo'. Iwi-iwi' na balakat haha aijo' Ku bee'mo hi to mia-mian anu daagi' tutuu' i bansa aiya.

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

PO'ULE' INGULIT 7:12

“De o intomakon nu belemiu na palentah haha aijo' ka' obau ma'i-ma'ima' saba' Tumpu Allah nu belemiu suele sabole-bole momponyata' palajanjian-Nyo anu binau-Nyomo tiba belemiu. Nu potoaje na kalibosan-Nyo anu saja' Nu bau hi belemiu susumo anu jinanji'Nyomo hi mompolee' nu belemiu.

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.