IMAMAT 26:26 - KITAB NU TUMPU ALLA LELE MA'IMAI'

²⁶ Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

IMAMAT 26:26 ပူးပေါင်းရင်းမြစ်များ

2 TOMU-TOMUNDO' 6:25

sahingga anu okaan sinusa'mo i uno nu kota', sadang ubak nu keledai sa'angu' olinyo ualumpulu'mo na doi salaka, ka' ohua' na ons na kotolan nu malapati' olinyo olima' na doi salaka.

MAZMUR 105:16

Tumpu nompotokamo mae tempo' nu kakulangan i anu okaan i lipu' aijo', ka' anu pinosadiamo na anu okaan iwi-iwi' ingalamo.

YESAYA 3:1

Memang Tumpu Anu Daka' na Kuasanyo mongalamo iwi-iwi' na palasadia'an i Yerusalem tiba i Yehuda aijo'mo au okaan ka' mule' uee. Ka' suele iwi-iwi' na mian anu nu taha'imani nu aha:

YESAYA 5:10

Isi nu ale' madi'mo ko anu ohumpak, ale' nu anggur anu ko ewanyo sampulu' na hektar hasinnyo me sampulu' na liter na ueenyo. Sa'atu na liter na bine' nu gandum hasinnyo mae ola sampulu' na liter na gandum.”

YESAYA 9:19

Isongko-songko na lipu' aijo' mian mo agomo maumo pa' apaa na anu timbali okaan panyo madi' mongoa'i mobosu. Aitu pe'e to sanga-sangalu nu aha na kaanmo nu aha!

YESAYA 9:20

Aha mian nu Manasye tiba aha mian nu Efraim mompaha tumbu-tumbuhimo lantas mosangalumo mongewa Yehuda. Panyo Tumpu daagi' ahi' tataap motambuha' ka' tataap mule' ahi monabu'akon hukuman.

YEREMIA 14:12

Maumo ahi' aha bapuasa'mo, Aku madi'mo daagi' mompalahatikan poitaon nu aha moita tulung; ka' mule' maumo ahi' aha monsombahkonmo mae hi beleng-Ku koloban anu opotunu tiba koloban gandum, Aku madi'mo sinanang hi aha. Pakalaus mule' Kusilakaimo na aha nu pahampatean, kasusa'anmo i anu okaan, ka' panyakit anu molele.”

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

YEHEZKIEL 4:10

Roti aijo' tionyo ahi' nu bagi ima-ima' sahingga toka nu sansinaa nu kaan ola 230 gram. Madi' timbali molabihi aijo'.

YEHEZKIEL 4:16

Lapas aijo' Ia po ule' mule' notatae, “O, manusia anu madi' tumuu' batu, Aku nohansunimo palasadia'an anu okaan i Yerusalem. Sahingga bata-batamo na to mia-mian ka' mombatasimo anu okaan nu aha tiba uee anu nu inum nu aha.

YEHEZKIEL 4:17

Aha madi'mo ko halapan kalana madi'mo ko anu okaan na roti tiba uee anu o'inum, ka' ahennyo aha silakamo nu saduakon nu dosa' nu aha iwi-iwi'.”

YEHEZKIEL 5:16

Ku hansunimo na palasadia'an nu anu okaan nu beleyum ka' mule' mompojohokmo mian anu jojoong hi beleyum da susa'mo i anu okaan. Aha saidi' mae mongoa'imo mosia na kosakisanyo na mo'ohop sumomo ahi' hihis nu pana' anu matajom hondo na monsusuk ka' mompateimo beleyum.

HOSEA 4:10

Belemiu mongkaan to kolo-loloban anu osombahkon, panyo belemiu tataap mo'ohop. Belemiu monsombahmo to pilo-pilogot anu moko polumba', panyo belemiu mian da'isan tataap madi' mintuang, kalana belemiu nohikumo Aku ka monsombahmo, to pilo-pilogot sangga'atan.”

IMAMAT 26:27

De lapasmo na mongoa'i hukuman aijo' iwi-iwi', belemiu madi' ahi' mohongo-hongo Aku, ka' daagi' ahi' sabole-bole panggaga hi beleng-Ku,

MIKHA 6:14

Belemiu mongkaan panyo madi' mobosu, ola mule' ahi' tataap mo'ohop. Belemiu mongato bala-balang panyo madi' opoko ala ojagai. Maumo pa' apaa na anu ojagai nu belemiu Ku hansunimo i uno nu pahampatean.

HAGAI 1:6

Belemiu notuganmo manjoo' hondo na bine' panyo anu pinadak ola sangkiding. Belemiu daagi ko anu okaan panyo madi' mobosu. Belemiu daagi ko anggur panyo madi' sukup mongosai kinyonyoa nu belemiu. Belemiu ko pakean panyo madi' sukup na momamuti butong nu belemiu.' Ka' tambo anu ohumpak nu anu mongala tambo na mian madi' sukup na montanggungi kapalaluan nu aha.