IMAMAT 26:25 - KITAB NU TUMPU ALLA LELE MA'IMAI'

²⁵ Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.

IMAMAT 26:25 ပူးပေါင်းရင်းမြစ်များ

2 SAMUEL 24:15

Sahingga Tumpu nompotokamo mae panyakit anu molele hi aha mian nu Israel lengkat pe'e daagi' subu sangkut tinoka i tempo' anu tinantukan-Nyomo. Songko-songko na Israel aha 70.000 na mian anu silaka.

1 TOMU-TOMUNDO' 8:33

De mian nu Israel anu pinalesayamo hi Belento nu patundu'mo nu sampo' bali'nyo iwi-iwi' kalana binaladosa'mo lantas aha po'ule'mo balatobat hi Belento ka' mongadatimo Belento salaku Tumpu, lapas aijo' mambamo mae i laigan ponsomban aiya ka' balado'amo momoita da o ampuni nu Belento,

1 TOMU-TOMUNDO' 8:37

De lipu' aiya nu tokai nu kasusa'an i anu o kaan kabai panyakit anu molele ka' anu o su'an iwi-iwi' ola manggas nu posinaa, koe'on kabai nu kekedi nu kihi-kihi', kabai de mian anu pinalesayamo hi Belento nu tumbuhi nu sampo bali' kabai nu tokai mae nu panyakit,

2 TOMU-TOMUNDO' 17:3

Ia pinahampateakon ka' pinatundu'mo i Salmaneser tomundo' nu Asyur sahingga sataun toka sataun ia tionyo ahi' mombayan hasin hi ia.

2 TAWARIKH 24:24

Suludadu nu Siria madi' manjoo', panyo pinojohokmo nu Tumpu na aha da mompatundu' suludadu nu Yehuda anu lebe manjoo' aijo', kalana mian nu Yehuda madi'mo nompajuli Tumpu Allah mompolee' nu aha. Tiba jalan anu sumo aijo' na Tumpu nohukum i Tomundo Yoas.

MAZMUR 94:1

O Tumpu, Belentomo na Tumpu anu mombalosi, potoamo mae na pombalasi nu Belento o, Tumpu.

NOSABATMO 5:3

I Musa ka' i Harun notatae, “Tumpu Allah mian nu Ibrani nanintoamo hi kami. Pobee'mo mae na kami mamba i padang bola kojo'onnyo tolun sinaa na lumajang da monsombahkonmo koloban hi Tumpu, Tumpu Allah mami. De madi' obau mami na aijo', kami Nu pateimo nu panyakit kabai mahampate.”

YESAYA 1:20

Panyo de belemiu madi mohongo-hongo Aku, belemiu matemo i uno nu pahampatean. Akumo na Tumpu anu notataemo.”

YESAYA 65:12

Belemiu iwi-iwi' silakamo salakumo koloban kalana panggaga. Kalana, salatan Aku nolagamo, belemiu madi' nontaami, ka' salatan Aku notatae, belemiu madi' mompotombihing. Belemiu lebe mongka'ima'i monggagakon Aku ka' mombau anu ma'idek.

YEREMIA 19:7

Itampat aiya madi'mo Ku pojadi' na tanga'an iwi-iwi' nu aha mian Yehuda tiba mian anu jojoong i Yerusalem. Aha Ku popilayamo da nu patundu'mo nu to sampo-sampobali' nu aha ka' opateimo i uno nu pahampatean. Bangke' nu aha Ku pojohokmo da nu tolukmo nu to tomo-tomonsi' tiba binatang anu mahangas.

YEREMIA 24:10

Ku potokamo hi aha na pahampatean, kasusa'an i anu okaan, ka' panyakit anu molele sahingga aha ingko-ingkot silakamo ka' madi'mo daagi ko anu tontuha' ilipu' aiya anu binee'-Kumo hi aha ka' hi mompolee' nu aha.”

YEREMIA 50:28

Aha to mia-mian anu nopalaimo namba i Yerusalem lengkat mae i Babel nonsisikmo mosia na Tumpu Allah-nto nombalosakonmo palabuatan nu aha mian Babel kona aijo' hi Laigan nu Tumpu.) p

YEREMIA 51:11

Tumpu nonsale'imo to tomu-tomundo' nu aha Media, kalana Ia kahanda'mo mohansuni Babel. Sumo aijo' na bau-baunyo Ia kahanda'mo mombalosakon palabuatan nu aha to mia-mian anu nohansunimo Laigan-Nyo. To sulu-suludadu anu toto tangka-tangkas na pangkatnyo ipasukan anu mambamahampate nompalentahkonmo, “Tajomimo na hihis nu pana'! Posadiamo na kanta!

YEREMIA 9:16

Aha Ku bee'mo hi to bansa-bansa anu madi' nu sumbu' nu aha kabai mompolee' nu aha. Saja'mo Ku sai na suludadu anu montumbuhi aha sampe Ku pateimo na aha ingko-ingkot.”

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

YEHEZKIEL 14:17

Sahingga Ku potokamo mae na pahampatean ilipu' aijo' ka' Ku pakatumo mae na toongon anu bau pahampate toto heba-hebat da bau pompatei manusia kabai binatang.

YEHEZKIEL 20:37

Belemiu Ku kensengimo na mompalentah da otulutimo nu belemiu na palajanjian-Ku.

YEHEZKIEL 29:8

Mokonyo aijo' Aku, Tumpu Anu Matangkas na Kuasanyo mompoto'i hi beleyum tukoong-Ku, Aku monsaimo suludadu da montumbuhi beleyum nu bajak ka' mompateimo miannyo tiba potuu'on nu beleyum.

YEHEZKIEL 33:2

“O manusia anu madi' tumuu' batu, poto'i hi bansang nu beleyum de Ku potokamo mae na pahampatean i sa'angu' na lipu', aiya na anu saidi' mae jadi. Mian anu jojoong ilipu' aijo' mompile'imo samian anu aijo' igampa nu aha da bau ponjagai.

YEHEZKIEL 5:17

Misa' ola kasusa'an i anu okaan panyo panyakit suele anu molele Ku potokamo mae, ka' mule' buhingison ka' pahampatean anu mompateimo mian anu jojoong atina' hi beleyum, tiba binatang anu toto maha-mahangas mompateimo to ana-anak nu aha. Akumo na Tumpu, anu notataemo.”

YEHEZKIEL 6:3

Palentah na aha da mompotombihing mae ka' mompalahatikan apaa na anu Ku poto'i, Aku Tumpu Anu Matangkas na Kuasanyo mompoto'i hi bungkutnyo haha aita' ka' hi to kele-keles ka' hi to bangka-bangka'nyo. Totu-totu'unyo Ku saimo na bajak da mohansunimo iwi-iwi na tampat ponsomban pilogot.

HOSEA 11:6

Pahampatean mompaka sidamo sampe toka-toka i uno nu kota' nu aha iwi-iwi', Tumban nu sabatan daka' o ideimo ka' mian-Ku anu palesayamo ohopu'imo. Aijo' jadimo saidi' mae kalana aha nosi baumo posi pongka oho' nu aha,

IMAMAT 26:6

Aku monjagaije kaamanan nu lipu'miu sahingga belemiu hoyotmo bobogon ka madi'mo ko anu o kabuhuk manmo pa'hihe. To binatang-binatang anu mahangas, Ku hopu'imo ilipu'aijo ka' madi'mo ko anu mahampahe ilipu' nu belemiu.

AMOS 4:10

Ku pakatuimo panyakit anu molele hi belemiu susumo anu pinakatung-Ku nokiijo' i Mesir. To oli-olitau ka' to lalangkoyang nu belemiu pinatean-Kumo i pahampatean, ka' to aja-ajahan nu belemiu ingagoanmo. Inguna'an-Ku mo na kemah nu belemiu – tiba to maya-mayat anu nabusikmo nonsongutmo suung. Maumo sumo aijo' belemiu madi' ahi' minsusule' mae hi beleng-Ku.

HABAKUK 3:5

Pinalentahmo nu Belento na panyakit mamba momona lantas nu tuntunije nu Belento, ka' kasilakan mombatuki aitu mae imihi nu Belento.

NOMBILANGMO 14:12

Ku silakaimo na aha nu panyakit anu molele! Panyo beleyum Ku potimbalimo Tuuma nu sa'angu' na bansa anu lebe daka' ka' lebe mahoson molingkudui aha!”

NOMBILANGMO 16:49

Anu sinilakamo tempo'nyo aitu 14.700 na mian, sambiha'nyo na aha anu sinilaka kalana noto idekmo tiba i Korah.

NOMBILANGMO 31:3

Jadi i Musa notataemo hi bansa Israel, “Potoukamo kalana mahampatemo; belemiu tionyo ahi' montumbuhimo aha mian nu Midian kalana Tumpu mohukumo aha.

LUKAS 21:11

Iyayamae toka na luulu' anu daka', balaa' nu kapo'ohopan tiba panyakit anu molele. Saidi' mae toka na hahan anu okabuhuk ka' opalias hondo i langit.

PO'ULE' INGULIT 28:21

Panyakit mobolo-bolosmo na mongkona belemiu, ahennyo samian pe'e madi'mo daagi' ko anu jojoong atina' i lipu' nu belemiu.

PO'ULE' INGULIT 32:25

Pahampatean monsaduakonmo kapatean i iwi-iwi' na jalan; hahan anu okabuhuk mongkonamo to mia-mian anu i laigan. To oli-olitau ka' to lalangkoyang anu tumimpasje opateimo, ka' suele bungamea' ka' mian anu langkai'mo ka' bengkele'mo.

PO'ULE' INGULIT 32:35

Tumpuje na mombalosakon ka' mohukum aha, madi'mo pin aha osilakaimo; aha osilakai madi'mo pin na tempo'nyo.

PO'ULE' INGULIT 32:41

Ku boitmo na bajak-Ku anu jongki-jongkilaban, ka' mompojalanmo hukuman. Ku balosakon na sampobali'-Ku iwi-iwi' ka' Ku hukummo iwi-iwi' na anu mongka'ideki mae Aku.

TO MIA-MIAN KOPIAN 15:11

Nohongo anu sumo aijo' nambamo na aha 3.000 na mian nu Yehuda i liang anu kiijo' i bungkutnyo nu batu kiijo' i Etam. Ikiijo' mae aha notataemo, “Simson, madi' nu sumbu' na mian nu Filistin nongkuasaimo mae kita? Apaa na anu binaumo nu beleyum aiya hi kami!”