IMAMAT 26:22 - KITAB NU TUMPU ALLA LELE MA'IMAI'

²² Ku potokamo mae na to bina-binatang anu mahangas atina' hi belemiu. Binatang haha aijo' monsa'umo to ana-anak nu belemiu, mompateimo potuu'on nu belemiu, ka' mohopu'imo belemiu, sahingga konjoo'nyo nu belemiu memo sangkiding hondo ka' to jala-jalan i lipu' nu belemiu liingmo.

IMAMAT 26:22 ပူးပေါင်းရင်းမြစ်များ

2 TOMU-TOMUNDO' 17:25

Tempo'nyo aha momona jinojoong i kiijo' aha madi'mo nongadati Tumpu; aijo' na sababnyo Tumpu nompodaagi'mo to singa-singa anu lewa' monsa'u sambahagian na aha.

2 TOMU-TOMUNDO' 2:24

I Elisa nosiloi ka' nontoa aha lantas sinumpa'akonnyomo na aha i uno nu sanggo nu Tumpu. Madi' pinin ohua' na beruang behenyo nosabatmo mae i kuhat ka' nombente-bentek aha patompulu' ka' ohua' na to ana-anak anu sinihuk aijo'.

2 TAWARIKH 15:5

Tempo'nyo aijo' mian madi'mo sanang na mamba moyaya kalana i sinin na lipu' saja'mo sida na pahampatean.

YESAYA 24:6

Kalana aijo' Tumpu mongkutukimo tano' ka' mohukumo mian anu monjojoongi kalana palabuatan nu aha. Aha opapuimo ka' madi' manjoo' na aha anu oposalamat.

YESAYA 33:8

Iwi-iwi' na jalan anu toto daka-daka' monsilakaimo sahingga timbalimo liing; madi'mo adagi' ko anu motulu ikiijo'. Palajanjian madi'mo oganapi ka' palasitujuan madi'mo otalima. Madi'mo daagi' ko anu opajuli.

YEREMIA 15:3

Aku, Tumpu, nontantukanmo taalu' tampat nu hukuman anu okabuhuk hondo saidi' mae nu ta upmo nu aha; aha silakamo i uno nu pahampatean, bangke' nu aha nu hela'mo nu dedeng, nu tolukmo nu tomonsi', ka' nu ingkotimo nu binatang anu mahangas.

YEREMIA 42:2

hi belengku ka' nompoto'i, “Kita tuuma, susumo anu pinosi toamo nu kita Tuuma, kami aiya naipuan mae manjoo', panyo uuka aiya me sangkiding. Opoita mami kita Tuuma da mondo'akon mae kami hi Tumpu Allah anu nu sombah nu kita Tuuma. Do'akon mae na kami anu daagi' tinontuha' aiya,

MOHAANGI 1:4

I tempo'nu sinaa anu polameananmo madi'mo ko samian pe'e na anu toka i Laigan nu Tumpu Allah. To lalangkoyang anu manyanyi kiijo' mae sinansalamo ka' to ima-imam notusa'mo ka' nompele-pele'mo. Madi'mo ko mian isabatan anu toto daka-daka' Kota' Sion sinongkahanmo nu susa'.

YEHEZKIEL 14:15

Sahingga Ku potokamo mae na binatang anu toto maha-mahangas da monsa'u mian anu jojoong ilipu' aijo' sahingga daerah aijo' okabuhukmo hondo ka' madi' ko mian anu baani motulu ikiijo'.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 33:28

Lipu' aijo' Ku pojadimo padang tampat anu mateges ka' liingmo, ka' kakuasa'an nu kabubunakon nu aha aijo' mingkotmo. To bungku-bungkutnyo nu Israel timbalimo liing hondo, sahingga madi' ko mian anu baani motulu ikiijo'.

YEHEZKIEL 5:17

Misa' ola kasusa'an i anu okaan panyo panyakit suele anu molele Ku potokamo mae, ka' mule' buhingison ka' pahampatean anu mompateimo mian anu jojoong atina' hi beleyum, tiba binatang anu toto maha-mahangas mompateimo to ana-anak nu aha. Akumo na Tumpu, anu notataemo.”

IMAMAT 26:6

Aku monjagaije kaamanan nu lipu'miu sahingga belemiu hoyotmo bobogon ka madi'mo ko anu o kabuhuk manmo pa'hihe. To binatang-binatang anu mahangas, Ku hopu'imo ilipu'aijo ka' madi'mo ko anu mahampahe ilipu' nu belemiu.

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

ZAKHARIA 7:14

Sumomo ahi' tambusisi' na Aku nonsapui aha, sahingga aha talapakisa jinojoongmo ahi' i lipu' nu aha anu i salipu'an mae. Tano' anu maomuk iliingmo hondo ka' madi'mo ko anu monjojoongi ka' mule' kinuunmo.”

PO'ULE' INGULIT 32:24

Aha matemo kalana nusihabimo nu sakit ka' mo'ohopmo, ka' kalana panyakit anu okabuhuk. Ku pojohokmo na aha da nusa'umo nu binatang anu mahangas, ka' nubahe' nu ulo anu ko bisa'nyo.

TO MIA-MIAN KOPIAN 5:6

Tempo'nyo i Samgar, anak i Anat, ka' tempo'nyo suele i Yael, i lipu' madi'mo ko anu lumambanan sumake' i unta, madi'mo ko anu lumambanan lumajang i jalan daka'.