IMAMAT 26:19 - KITAB NU TUMPU ALLA LELE MA'IMAI'

¹⁹ Belemiu talalo hondo kobubuun, panyo Ku patundu'mo na belemiu. Ujan madi'mo tudun, sahingga tano' nu belemiu timbalimo mapengges ka' mokutmo sumo besak.

IMAMAT 26:19 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 8:35

De mian anu pinalesayamo hi Belento ka' baladosa'mo hi Belento ka' o hukummo nu Belento na aha madi'mo montudunakon mae ujan lantas aha balatobatmo madi'mo mombau dosa' nu aha ka' mongadatimo Belento salaku Tumpu, lapas aijo' aha tokamo mae i laigan ponsomban aiya ka' balado'amo hi Belento, de timbali Belento kiita' i suluga' mompotombihingakon mae naha,

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 25:11

Mian anu jojoong i Moab montajuakonmo limanyo susumo mian anu kahanda'mo lumangu. Panyo nu pokalamo nu Tumpu na aha tala-talalo buulon sahingga aha madi'mo daagi' moko ala mombau apa-apaa.

YESAYA 26:5

Tumpu mompota'alukmo mian anu buulon; Nu hansunimo na kota'nu aha anu kobentengnyo, ka' opohatamo susumo tano'.

YESAYA 28:1

Silakamo na kota' anu nunu takabunakon nu to mia-mian anu saja' malangu aijo' hi aha Israel! Kaimaannyo luso'mo sumomo bunga anu mangkalualemo aita' i ubak nu aha. Silakamo na kota' anu matangkas hondo itotonga' nu bangka'nyo anu ma omuk, nunu takabunakon nu to mia-mian anu taha-tahahumo na malangu.

YEREMIA 13:9

“Sumo aijo' na pombaung-Ku aha mian nu Yehuda tiba mian anu jojoong i Yerusalem. Ku hansunimo na katabuulan nu aha anu taha-tahahumo aijo'.

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YEHEZKIEL 24:21

da mompoto'i potuunon aiya hi belemiu: Belemiu montakabunakonmo Kahosonan nu Laigan nu Tumpu. Belemiu mongka'ima'i montonto'i ia ka' sola' mamba hi ia, panyo nu pohumimi'mo na Laigan-Nyo. Ka' belemiu salaigan anu daagi olitau ka' daagi langkoyang daagi' jinojoong mae i Yerusalem, opateimo i uno nu pahampatean.

YEHEZKIEL 30:6

Tumpu Anu Matangkas na Kuasanyo notatae, “Lengkat mae i Migdol sasu utara sampe toka-toka i Aswan sasu salatan, iwi-iwi' na anu binasangaja'mo tiba Mesir saidi mae silakamo i uno nu pahampatean. Ka' suludadu nu aha Mesir anu talalo buulon aijo' singkapmo hansun. Aku Tumpu Anu Matangkas na Kuasanyo notataemo.

YEHEZKIEL 33:28

Lipu' aijo' Ku pojadimo padang tampat anu mateges ka' liingmo, ka' kakuasa'an nu kabubunakon nu aha aijo' mingkotmo. To bungku-bungkutnyo nu Israel timbalimo liing hondo, sahingga madi' ko mian anu baani motulu ikiijo'.

YEHEZKIEL 7:24

To bansa-bansa anu toto sisinggi hondo Ku potokamo mae da monjojoongimo laigan nu belemiu. Mian anu toto babaani hondo atina' hi belemiu langkakatanmo de maluanyo bansa-bansa haha aijo' Ku pojohokmo mohansuni tampat-tampat ponsomban mae nu belemiu Aku.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

LUKAS 4:25

Panyo hongo: Tempo'nyo i Elia, tempo'nyo aitu madi' tinudun na ujan totolu' mintonga' na taun na kopinnyo, jinadimo na kapo'ohopan anu daka' i songko-songko na lipu'. Tempo'nyo aijo' manjoo' na to balu-balu i Israel.

PO'ULE' INGULIT 11:17

De belemiu molanggaimo palentah aijo', nutambuha'imo nu Tumpu na belemiu. Ia madi'mo mompodaagi' mae ujan; tano' miu timbalimo mapeges hondo, sahingga anu osu'an madi'mo ko hasinnyo. Sahingga ola sakinihap belemiu silakamo i tano' anu ma'omuk anu binee'mo nu Tumpu hi belemiu.

PO'ULE' INGULIT 28:23

Ujan madi'mo tudun ka' tano' nu belemiu bengkengmo susumo besak.

1 SAMUEL 4:11

Peti' Palajanjian nu Tumpu Allah ingagoanmo nu sampo bali' nu aha Israel, ka' ua-ua aha na anak i Eli, i Hofni tiba i Pinehas sinilakamo.

1 SAMUEL 4:3

Salatan tuha' nu suludadu anu nahungku'mo ninsusule'mo i kemah nu aha, to pola-polaya' nu aha Israel notataemo, “Kadaka' Tumpu nompojohokmo kita da ihungku'anmo nu mian Filistin sinaa aiya? Imbo' da mamba o'alanto na Peti' Palajanjian nu Tumpu kiijo' mae i Silo, da oboantomo mae da nu tulungi nu Tumpu na kita ka' oposalamatmo na kita madi'mo nupatei nu sampo bali'.”