IMAMAT 26:18 - KITAB NU TUMPU ALLA LELE MA'IMAI'

¹⁸ De lapasmo na mongoa'i hukuman aijo' iwi-iwi', belemiu ma'isa ahi' montuluti Aku, hukuman nu belemiu Ku paka tuangimo lipat pimpitun.

IMAMAT 26:18 ပူးပေါင်းရင်းမြစ်များ

MAZMUR 119:164

Aku saja' sabole-boleh montalima kaseh hi Belento, kalana atulan nu Belento anu adin.

NOSABATMO 9:14

Uuka aiya Aku mompotokamo balaa' misa' ola hi aha mian anu ko pangkatnyo ka' hi layat, panyo suele hi belento, da nusumbu' nu belento taalu' madi' ko anu moko ala mompokakanai Aku i songko-songko na dunia.

AMSAL 24:16

Kalana, maumo pe'e mian anu madi tageo' na kinyonyoanyo saja' manabu', panyo saja' ia po'ule' mobula. Panyo mule', mian anu ma'idek na kinyonyoanyo timbali hansun totu-totu'u nu balaa' anu montokai ia.

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YEREMIA 14:4

Ujan madi'mo tinudun ka' tano' notiismo ka' nobeka-beka'mo; mian anu mongale' nongkukumbungimo ohup nu aha kalana madi'mo daagi' koanu otaha'imani.

DANIEL 3:19

Sahingga talalomo hondo pinusa na i Tomundo' Nebukadnezar hi Sadrakh, hi Mesakh, tiba hi Abednego, kalana aijo' ohupnyo nomehamo hondo. Ia nompalentahmo da mombaumo apu, obau pimpitun lipat na ko panasnyo nu lingkudui na panasnyo biasa.

IMAMAT 26:21

De belemiu tataap panggaga hi beleng-Ku ka' madi'mo montuluti Aku, saba' hukuman nu belemiu Ku paka tuangimo mule' lipat pimpitun.

IMAMAT 26:24

saba' Ku dokemo na belemiu ka' mohukumo belemiu pimpitun lipat lebemo maboat molingkudui anu uuka mae momona.

IMAMAT 26:28

saba' pusamo na Aku, Ku dokemo na belemiu ka' Ku hukumo na belemiu pimpitun lipat lebemo maboat molingkudui hukuman anu uuka mae momona.

1 SAMUEL 2:5

Mian anu u'utu mae mobosu, kalana manjoo' na kaanon, tempo' uuka aiya nongala tambomo, ola kalana da mohumpak anu okaan. Mian anu u'utu mae mo'ohop tempo uuka aiya na osamo kalana nanjoo'mo na anu okaan. Bengkele' anu lengke' tempo uuka aiya sinanangmo na kinyonyoanyo, popitu'mo na anaknyo na i hampe! Panyo bengkele' anu manjoo' na anaknyo, pinala ianmo, pinojohokmo da susa'.