IMAMAT 26:17 - KITAB NU TUMPU ALLA LELE MA'IMAI'

¹⁷ Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

IMAMAT 26:17 ပူးပေါင်းရင်းမြစ်များ

KAJADIAN 4:12

De beleyum mosu'an sosu'anon, tano' madi' mombee'i hasinnyo apa-apaa; beleyum timbalimo anu mahalajangan madi'mo ko tampat kajojoongan i dunia.”

1 TOMU-TOMUNDO' 8:33

De mian nu Israel anu pinalesayamo hi Belento nu patundu'mo nu sampo' bali'nyo iwi-iwi' kalana binaladosa'mo lantas aha po'ule'mo balatobat hi Belento ka' mongadatimo Belento salaku Tumpu, lapas aijo' mambamo mae i laigan ponsomban aiya ka' balado'amo momoita da o ampuni nu Belento,

2 TOMU-TOMUNDO' 13:3

Kalana aijo' notambuha'mo na Tumpu hi Israel sahingga la nompojohokmo i Hazael tomundo' nu Siria ka' i Benhadad anaknyo pa' pinimpian na nompatundu' Israel.

2 TOMU-TOMUNDO' 13:7

To sulu-suludadu nu Israel i hopu'anmo nu tomundo' Siria sahingga me 50 na suludadu i Tomundo' Yoahas anu monsake'i ajahan 10 na kereta anu bau pahampate ka' 10.000 na suludadu.

MAZMUR 44:10

Panyo uuka aiya Belento nompala'imo kami ka' nompojohokmo mae kami da opokalamo. Belento madi'mo daagi' mamba montumbuhi hingga-hinggat tiba suludadu mami.

MAZMUR 53:5

Tumpu notatae, “Madi'mo daagi' sininsumbu' na to mia-mian anu ma'idek haha aijo'? Aha tumuu' ola sola' mongagoi balang nu mian anu palesayamo hi Beleng-Ku, ka' madi' toho' balado'a mae hi Beleng-Ku.”

MAZMUR 53:6

Mian anu ma'idek na kinyonyoanyo talalo ahi' mabuhuk, padahan madi' ko anu mompopobuhuk, kalana Tumpu mompotanatamo buku nu mian anu montumbuhimo belemiu; aha madi'mo tinalima nu Tumpu, jadi' opatundu'mo nu belemiu na aha.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

YESAYA 30:17

Samadala na mian saidi' mae ola mopalai de montoamo samian na sampobali' montumbuhimo mae belemiu, ka' de ahamo olima' na montumbuhi mae belemiu iwi-iwi' mopalaimo. Anu sanggombu na suludadu nu belemiu me totahan sangkau na tiang nu bandela' aita' ipuge'nyo.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YEREMIA 19:7

Itampat aiya madi'mo Ku pojadi' na tanga'an iwi-iwi' nu aha mian Yehuda tiba mian anu jojoong i Yerusalem. Aha Ku popilayamo da nu patundu'mo nu to sampo-sampobali' nu aha ka' opateimo i uno nu pahampatean. Bangke' nu aha Ku pojohokmo da nu tolukmo nu to tomo-tomonsi' tiba binatang anu mahangas.

YEREMIA 44:11

Mokonyo aijo' Aku, Tumpu Anu Balakuasa hondo, Tumpu Allah Israel, mongewamo belemiu ka' mohansunimo songko-songko na Yehuda.

MOHAANGI 1:5

Sampobali' nu aha binilahimo kalana nongkuasaimo. Tumpu nombaumo aha da sinansala, kalana talalomo hondo na dosa'nyo. Mian anu jojoong i kiijo' i hakopmo, ka' binoamo i tampat pinompojoongan.

MOHAANGI 2:4

Susumo sampobali' Ia nompotajumo pompeletnyo ka' nompopatumo mae hihisnyo hi kita Iwi-iwi' na mian anu nomposanangmo kinyonyoanto ningkotmo na pinatean-Nyo Sinumbuhakon-Nyomo na kapusan-Nyo susumo apu nokiijo' i uno nu kota' Yerusalem aiya.

YEHEZKIEL 15:7

Aku mohukumo aha. Maumo ahi' aha madi' kinaan nu apu, panyo apumo ahi' na monsilakai aha. Sahingga nu sumbu'je nu belemiu taalu' Akumo ahi' na Tumpu.

IMAMAT 17:10

De ko samian na aha Israel kabai samian anu lengkat mae i salipu'an, anu tataapmo jojoong hi aha mian Israel mongkaanmo baso', ia nu hukumo nu Tumpu ka' madi'mo daagi' oposoop mian anu pinalesayamo hi la.

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

YOSUA 7:4

Jadi anu mamba montumbuhi kota aijo' ola totolu' na madala na mian, panyo madi' pinoko ala nu aha, aha ola nalai mae.

TO MIA-MIAN KOPIAN 3:14

Sampulu' ka' ualu' na taun na kinopinnyo aha mian nu Israel pinalentah i Eglon.

TO MIA-MIAN KOPIAN 3:8

Sahingga Tumpu nontambuha'imo aha mian nu Israel, ka' nompojohokmo aha pinatundu' i Tomundo Kusyan-Risyataim anu nolengkat mae i Mesopotamia. Ualu' na taun na kinopinnyo na tomundo aijo' nompalentah aha.

TO MIA-MIAN KOPIAN 6:2

Mian nu Israel nabuhukmo hondo hi aha mian nu Midian, sahingga aha lewa'mo natisuluk i liang ka' i tampat sangga'at anu madi' ko anu mompoposia i bungkutnyo.

1 SAMUEL 12:15

Panyo sumo aitu mule' de belemiu madi' mohongo-hongo Tumpu ka' mule' monggagakon palentahNyo, memang belemiu tiba tomundo' nu belemiu nu ewamo nu Tumpu.

1 SAMUEL 31:1

Tempo'nyo aitu hau-haunyomo aha mian nu Filistin nahampatemo nongewa mian nu Israel i bungkutnyo nu Gilboa. Manjoo' hondo na aha mian nu Israel sinilaka ikiijo', lantas i Saul ka' mule' anaknyo anu to momo'ane, nopalaimo.

1 SAMUEL 4:10

Lapas aijo' nahampatemo na aha mian Filistin, nahampate totu-totu'u ka nohungku'imo suludadu nu Israel. Mian nu Israel nompalentahmo suludadu nu aha da minsusule'mo i kemah nu aha toto samian. Talalomo hondo na aha nahungku aijo'; 30.000 na suludadu nu Israel sinilaka.