IMAMAT 26:16 - KITAB NU TUMPU ALLA LELE MA'IMAI'

¹⁶ belemiu Ku hukumo. Ku potokamo mae na balaa' hi belemiu, panyakit ka' nusihabimo anu madi'mo opoko ala opakuli'i sahingga mata nu belemiu mapisokmo ka' belemiu tumuu'mo susa'. Belemiu mosu'an sosu'anon panyo madi' mongkaan hasinnyo, kalana anu monsampobali' belemiu toka mae mompatundu' belemiu ka' mongingkotimo apaa na anu sinu'anmo nu belemiu.

IMAMAT 26:16 ပူးပေါင်းရင်းမြစ်များ

1 TOMU-TOMUNDO' 8:37

De lipu' aiya nu tokai nu kasusa'an i anu o kaan kabai panyakit anu molele ka' anu o su'an iwi-iwi' ola manggas nu posinaa, koe'on kabai nu kekedi nu kihi-kihi', kabai de mian anu pinalesayamo hi Belento nu tumbuhi nu sampo bali' kabai nu tokai mae nu panyakit,

AYUB 18:11

Mian anu ma'idek na kinyonyoanyo pinotolokengkengmo nu anu okabuhuk hondo anu nolengkat mae iyaya; anu okabuhuk me saja' mombatuki ia maumo moyamo na molangkasakon tengke.

AYUB 20:25

Ia kinonamo nu pana', sahingga binelaonmo; mata nu pana' anu joliotan nolampasmo butongnyo, sahingga nabuhukmo na kinyonyoanyo.

AYUB 31:8

bakasmo da mianje sangga'at na mongkaan anu ku su'an ka' iwi-iwi' na isi nu ale'ku ola timbali ma'idek.

MAZMUR 109:6

Hangkatmo na samian anu ma'idek na kinyonyoanyo da momputusi ia, bakas da ia nu kalaak nu anu monsampobali' ia.

MAZMUR 73:19

Ola sinangkinihap aha sinilakamo talalo ahi' okabuhuk na kina'ahenannyo nu aha,

MAZMUR 78:33

Sahingga Tumpu nongkodo'imo kantumuu'an nu aha sumo ola nonsawohakon sawo kantumuu'an nu aha sataun toka sataun ola i ningkot lewa' nongoa'i buhuk.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

AMSAL 3:33

Tumpu montuda'i balaa' laigan nu mian anu ma'idek na kinyonyoanyo, panyo mombalakati laigan nu mian anu tulu-tulutan hi Ia.

YESAYA 10:4

Uki' nu belemiu madi' kosangalasannyo olamo ahi' opatei i uno nu pahampatean kabai oboamo salaku mian anu ihakop. Panyo Tumpu daagi' sabole-boleh motambuha' ka' tataap monabu'akon hukuman.

YESAYA 62:8

Tumpu nonsumpa'mo palajanjian-Nyo ka' nu pojadimo nu kuasa-Nyo: “Aku madi'mo daagi' mombee' gandum nu beleyum hi sampobali' nu beleyum; anu kinalaja nalawe hondo nu beleyum sampe nohumpak hasinnyo.

YESAYA 7:2

Salatan tomundo' nu aha Yehuda nohongomo taalu' suludadu nu aha Siria ninsoopmo i daerah nu aha Israel anu monsangaja'i ia, ia ka' bansanyo nabuhukmo hondo, sahinga aha ilakatnyomo sumomo kau' anu ginayu'mo nu mombun.

YEREMIA 12:13

Mian anu palesayamo hi beleng-Ku montugan gandum panyo ola ahi' hii' na ihumpak na hasinnyo. Aha binala usahamo ahi' totu-totu'u, panyo usaha nu aha madi' ahi' ko anu ihumpak apa-apaa. Aku notambuha'mo hondo' sahingga madi'mo jinadi na aha nohumpak bua'nyo.”

YEREMIA 15:3

Aku, Tumpu, nontantukanmo taalu' tampat nu hukuman anu okabuhuk hondo saidi' mae nu ta upmo nu aha; aha silakamo i uno nu pahampatean, bangke' nu aha nu hela'mo nu dedeng, nu tolukmo nu tomonsi', ka' nu ingkotimo nu binatang anu mahangas.

YEREMIA 15:8

Lipu' nu belemiu saidi' mae kahomo balu, nu lingkuduimo na konjoo'nyo nu bone' ibiwi nu ambai. To mia-mian Ku pateimo ma'isa pe'e langkai' ka' bengkele' sahingga tina nu aha sansalamo. Salatan sinaamo Ku potokamo mae hi aha samian na anu mompatei, sahingga aha mabuhukmo ka' mangada'mo.

YEREMIA 20:4

Posi Tumpu nompoto'imo, ‘Beleyum Ku pojadimo teror kona iposi butong nu beleyum ka' mule' kona hi to sanga-sangalu nu beleyum. Nu toaje nu beleyum na aha nu patei nu sampobali' nu aha. Iwi-iwi' na aha mian nu Yehuda Ku pojohokmo da nu kuasai nu tomundo' Babel; sambagian na aha nu atomo salaku mian anu ihakop binoa i Babel, ka' tuha'nyo opateimo.

YEREMIA 5:17

Nu ingkotimo nu aha na isi nu ale' tiba anu okaan nu belemiu ka' mompateimo to ana-anak nu belemiu. Potuu'on sapi' tiba domba nu belemiu nu pahangkolotakonmo nu aha ka' mule' ale' nu anggur nu belemiu tiba kau' ara nu belemiu nu galisimo nu aha. Iwi-iwi' na kota' anu ko bentengnyo ota-otaha'imani nu belemiu nuhansunimo nu aha.

YEHEZKIEL 24:23

Belemiu madi' lumajang de madi' mingkukumbung kabai madi' minsolop kabai madi' tumando' kabai madi' humang. Belemiu ko susa-susa'nyomo kalana dosa-dosa' nu belemiu atina'; belemiu mompaha soso-sosolimo samian ka' samian.

YEHEZKIEL 33:10

Tumpu notataemo mae hi belengku, “O manusia anu madi' tumuu' batu, po ule' pe'e taloakon hi aha Israel na potatae nu aha sumo uuka, ‘Kami sinusa'mo kalana nontanggungmo dosa' tiba palabuatan mami anu ma'idek. Mosia na kami timbali tumuu'?’

AMOS 5:11

Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

MIKHA 6:15

Belemiu montugan gandum panyo madi' ahi' mohumpak hasinnyo. Bua' nu zaitun obau nu belemiu lanya' panyo madi'mo moko ala mompake lanya'nyo. Belemiu mompao' anggur da o'ala na ueenyo panyo madi' jadi na monginum.

HAGAI 1:6

Belemiu notuganmo manjoo' hondo na bine' panyo anu pinadak ola sangkiding. Belemiu daagi ko anu okaan panyo madi' mobosu. Belemiu daagi ko anggur panyo madi' sukup mongosai kinyonyoa nu belemiu. Belemiu ko pakean panyo madi' sukup na momamuti butong nu belemiu.' Ka' tambo anu ohumpak nu anu mongala tambo na mian madi' sukup na montanggungi kapalaluan nu aha.

ZAKHARIA 14:12

Tumpu mompotokamo mae panyakit anu okabuhuk hi aha iwi-iwi' na bansa anu nompahampateakonmo nongewa Yerusalem. Mata tiba jila' nu aha ka' mule' songko-songko na butong nu aha mabusikmo maumo ahi' daagi' tutuu'.

MALEAKHI 2:3

To ana-anak nu belemiu Ku hukumo ka' mule ohup nu belemiu Ku sapuimo nu sengkun nu binatang anu kinolobanakonmo nu belemiu, ka' mule' belemiu oboamo i tambulan nu sengkun.

PO'ULE' INGULIT 28:51

Nu ingkotimo nu aha na potuu'on ka' isi nu ale' miu, ka' madi'mo mompo'una'i da bau bagi nu belemiu na gandum, anggur, lanya' nu zaitun, kabai sapi' ka' mee' ka' domba nu belemiu sampe belemiu silakamo nu ohop.

PO'ULE' INGULIT 32:25

Pahampatean monsaduakonmo kapatean i iwi-iwi' na jalan; hahan anu okabuhuk mongkonamo to mia-mian anu i laigan. To oli-olitau ka' to lalangkoyang anu tumimpasje opateimo, ka' suele bungamea' ka' mian anu langkai'mo ka' bengkele'mo.

IBRANI 10:31

Palias na ko sansalanyo de manabu' i lima nu Tumpu Anu Tumuu'!

TO MIA-MIAN KOPIAN 6:11

Daagi' kino sansinaan malaekat nu Tumpu tinokamo i kota Ofra, lantas sinumuhangmo i patu nu kau' terpentin, anu i Yoas, mian lee' mae i Abiezer. Anaknyo anu sanggonyo i Gideon, hau-haunyo mongutut gandum i tampat pompao'an anggur. Ia nokalaja aijo' natisuluk da aha mian nu Midian madi' montoa ia.

1 SAMUEL 2:33

Panyo samian anu atina' hi lee' nu belemiu na Ku pobee' tumuu' ka' mombau anu Ku palentahkon salaku imam. Panyo ia saidi mae timbali mapisok ka' tumuu' saja' susa'. Iwi-iwi' na lee' nu beleyum sangga'at opateimo.