IMAMAT 26:13 - KITAB NU TUMPU ALLA LELE MA'IMAI'

¹³ Aku, Tumpu Allah nu belemiu anu nomboamo mae belemiu nosabat lengkat mae i Mesir da belemiu madi'mo daagi' timbali botuan. Kakuasa'an anu nongkabisa'imo belemiu i hopu'an-Kumo ka' belemiu Ku potimbalimo mian anu bebas.”

IMAMAT 26:13 ပူးပေါင်းရင်းမြစ်များ

MAZMUR 116:16

Aku aiya posaihon nu – Belento, o, Tumpu, susumo tinangku, aku suele monsombah ahi' Belento. Belento nonsabatakonmo aku i uno nu talungku'.

NOSABATMO 14:8

Memang Tumpu nompotimbalimo panggaga na i tomundo, sahingga i loloi'nyomo na aha mian nu Israel anu hau-haunyomo namba nompala'imo lipu' aijo', Tumpu na nonjagaimo aha.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

YESAYA 51:23

Kasansala'an aijo' Ku bee'mo hi miana nu nonsansalamo beleyum, anu toho'mo nompalentah belemiu nale' itano', ka' nompahampeja'akonmo belemiu, sumomo lapangnyo belemiu jalan anu saja' kajalanan.”

YESAYA 9:3

Belento nongalinimo tanggungannyo anu maboat ka' kau' anu simbu-simbu ibikoangnyo. Belento nompatundu'mo bansa anu saja' monsakisa anu lewa' mombee'i tanggungan toto boa-boat hi mian anu palesayamo hi Belento. Pokakana susumo naipuan mae tempo'nyo Belento nompatundu'mo suludadu nu aha Midian.

YEREMIA 2:20

Tumpu notatae, “Pininmo na beleyum madi'mo nongka'oho' nohongo-hongo Aku; madi'mo mongka'oho' mo tuluti kabai monsombah Aku. Aita' mae itoto sa'angu' na puge'nyo anu matunjo, ka' akaong i patuunyo nu toto sangkau na kau' anu tambok na honnyo beleyum monsombahmo to pilo-pilogot anu mombee'i kalumba'an.

YEREMIA 28:2

koonyo Tumpu Anu Mahakuasa, Tumpu Allah nu aha Israel nompoto'imo mae sumo uuka, “Kahosonan i tomundo Babel ilepo'an-Kumo.

YEREMIA 28:4

Aku mule' momboamo mae i Yoyakhin anak momo'ane i Yoyakim tomundo' nu Yehuda tiba iwi-iwi' na mian da'isan nu Yehuda anu binoamo i Babel. Memang totu'u Ku lepo'imo na kahosonan nu Babel, Aku, Tumpu notataemo.”

YEHEZKIEL 30:18

De Ku pomingkotmo na kapalentahan nu Mesir ka' mongalamo kakuasa'annyo anu nu kabubunakan aijo', Tahpanhes nu saputmo nu pikat ka' to bou-bounenyo ohakopmo ka' oboa.

YEHEZKIEL 34:27

Iwi-iwi' na kau' mimbua'mo, iwi-iwi' na ale' ko hasinnyomo ka' iwi-iwi' na mian jojoong madi'mo ko anu mompoposia itano'nyo. De lante' anu pinompungu mian anu palesayamo hi beleng-Ku, Ku botu'akonmo ka' aha Ku pobebasmo da madi'mo nu botuani nu tomia-mian anu nombotuanimo aha, nusumbu'je nu aha taalu' Akumo ahi' na Tumpu.

HOSEA 11:4

Kalana Ku kalibosi Ku po ohani na ia hi beleng-Ku. Iwi-iwi' na kasansala'annyo, Ku polaing. Ka' kalana kanonongan-Ku binee'an-Kumo mongkaan naia.

IMAMAT 25:38

Aijo'mo na palentah nu Tumpu Allah nu belemiu anu nomboamo belemiu nosabat mae lengkat i Mesir ka' nombee'mo lipu' nu Kana'an hi belemiu da ia timbalimo Tumpu Allah nu belemiu.

IMAMAT 25:42

Mian nu Israel to posa-posaihon nu Tumpu; Iamo na anu nomboa mae aha nosabat lengkat mae i Mesir kalana aijo' aha madi' timbali opobaluk salaku botuan,

IMAMAT 25:55

Samian na mian nu Israel madi' timbali bau botuan sampe toka sidu-sidutu'mo i kantumuu'annyo, kalana bansa nu Israel to posa-posaihon nu Tumpu. Tumpu na nomboa mae aha nosabat lengkat mae i Mesir. Iamo na Tumpu, Tumpu Allah nu aha.

NAHUM 1:13

Uuka aiya kuasa nu Asyur o ingkotimo madi'mo mompalentah belemiu ka' Ku botu'imo na lante anu nonsegoti belemiu.”