IMAMAT 26:11 - KITAB NU TUMPU ALLA LELE MA'IMAI'

¹¹ Aku jojoongmo hi belemiu i Kemah-Ku ka' Aku madi'mo mongka'ideki belemiu.

IMAMAT 26:11 ပူးပေါင်းရင်းမြစ်များ

2 SAMUEL 7:7

Sumo uukamo na kinopinnyo Aku lewa' namba noyaya tiba bansa Israel, ma'isa toho' Aku nompokilawa hi to pola-polaya' anu pinile'an-Kumo, apaa na sababnyo sahingga aha madi' mombaui Aku laigan, te kau' lontio' i Libanon na mamba o ala.’

1 TOMU-TOMUNDO' 6:13

Aku jojoongmo i laigan anu binaumo nu beleyum aiya hi aha mian nu Israel anu pinalesayamo hi belengku. Madi'mo Ku pala'i na aha.”

1 TOMU-TOMUNDO' 8:13

Uuka aiya binauankumo na Belento laigan daka', anu ma'ima' hondo da bau kajojoongan nu Belento sampe toka sidu-sidutu'.”

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

MAZMUR 106:40

Lantas i noakmo na tambuha' nu Tumpu hi aha, binuaganmo na Ia kalana miannyo haha aijo'.

MAZMUR 76:2

Tumpu tinalasanggomo i Yehuda, sanggonyo tinogilelemo i Israel.

MAZMUR 78:59

Nontoa han aijo', Tumpu notambuha'mo hondo ka' madi'mo hondo-hondo nongkali-kalinga aha.

NOSABATMO 25:8

Pokau na bansa aijo' mombau sa'angu' na kemah ponsomban Aku, da Aku jojoong hi aha.

NOSABATMO 29:45

Aku jojoongmo hi aha bansa Israel ka' timbalimo Tumpu Allah nu aha.

NOSABATMO 29:46

Nusumbu'je nu aha taalu' Aku aiya Tumpu Allah nu aha anu nomboamo mae aha nosabat lengkat mae i Mesir da Aku jojoongmo aijo' hi aha. Akumo na Tumpu Allah nu aha.”

YEREMIA 14:21

Inau' na palajanjian nu Belento, boli mae o ambangi nu Belento na kami; palajanjian nu Belento tiba kami boli ahi' madi' opotimbali nu Belento. Yerusalem tampat kasuhangan nu Belento anu talasanggo hondo boli ahi' o ambangi nu Belento.

MOHAANGI 2:7

Tumpu madi'mo nontalima mezbah-Nyo anu susi-susi' aijo' ka' nompala'imo Laigan-Nyo; pinojohok-Nyomo na sampobali' nohobo'akon pagannyo mesen iwi-iwi'. Itampat naipuan mae pogalejaan ka' mombau-bauon, sampobali' lewa'mo nolo ais kalana inguntungmo na nahampate.

YOËL 2:27

Sahingga osumbu'je nu belemiu, Israel, saba' Aku saja ahi' aiya hi belemiu, ka' Aku Tumpu, aijo'mo na Tumpu nu belemiu. Madi'mo ko Tumpu sangga'at, ola-olanyomo ahi' Aku aiya. Mian-Ku anu palesayamo madi'mo daagi lewa' opopo ambang!”

IMAMAT 20:23

Boli montiho adat nu bansa anu jojoong ikiijo' mae. Kinindotnyomo na Aku nu kalakuan nu aha anu toto ide-idek. Aijo' na sababnyo aha i laa'-Kumo da belemiu timbali minsoop i lipu' aijo'.

IMAMAT 26:15

de belemiu molanggaimo anu jinanji'-Kumo ka' anu binaung-Kumo hi belemiu ka' madi' mongka'oho' montuluti katantuan ka' to atu-atulan-Ku,

IMAMAT 26:43

Panyo tano' aijo' tionyo ahi' o alini pe'e na miannyo da totu-totu'u milawe pe'e. Ka' mian anu pinalesayamo hi beleng-Ku tionyo ahi' montalima iwi-iwi' na hukuman anu Ku nabu'akon hi aha kalana madi' mongka'oho' montuluti atulan ka' palentang-Ku haha aiya.

IMAMAT 26:44

Panyo mau mule' daagi' kiijo' mae i lipu' nu anu monsampobali', aha madi' Ku pojohok kabai Ku silakaimo iwi-iwi'! Kalana de aha Ku silakaimo Aku madi'mo montotu'ui palajanjian-Ku hi aha, padahan Aku aiya Tumpu, Tumpu Allah nu aha.

ZAKHARIA 11:8

Aha totolu na topolaya' potuu'on nongka'idekimo mae aku, sahingga madi'mo kinokasabalanku. Ola sina'angu' na bitu'on aha ilaa'kumo.

EFESUS 2:22

Kalana tumuu' nosa'angu'mo tiba i Kristus, komiu mule' hau-haunyo pinotinjomo hingga-hinggat tiba to mia-mian sangga'at da timbali sa'angu' na Laigan nu Tumpu; i kiijo' na Tumpu Allah jojoong tiba Roh-Nyo.

PO'ULE' INGULIT 32:19

Montoa anu sumo aijo', Tumpu notambuha'mo ka' madi'mo mongkalesang to ana-anaknyo.

YOSUA 22:19

De da'erah nu belemiu aijo' mahumimi'mo ka' madi'mo pantas pombauan tampat ponsomban Tumpu, lalinmo mae mo'uuka i da'erah nu Tumpu, anu ko Kemahnyo nu Tumpu. Poita mae na sambahagian da'erah mami, asan boli panggaga hi palentah nu Tumpu kabai madi'mo mohongo-hongo kami ka' montuangimo mule' sa'angu' na mezbah sangga'at, yo aitu ko mezbahmo na kita nu Tumpu Allah.

YOSUA 22:31

Lantas notataemo na i Pinehas, anak i Imam Eleazar, hi mian haha aijo' tulunan nu bansa Ruben, Gad tiba Manasye anu i sasu Kabete'an, “Uuka aiya sinumbu'mo mami na Tumpu, saja' mombalakati kita, kalana belemiu saja' mohongo-hongo Ia: Belemiu nomposalamatmo mian nu Israel da boli nuhukum nu Tumpu.”

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.

ANU PINOTO'I HI YOHANES 7:15

Aijo'mo na sababnyo aha tinuminjomo i ahop nu kasuhangan nu Tumpu, ka' monsombah hi Ia sinaa ka' pihi i uno nu Laigan nu Tumpu. Ka' Ia anu sinumuhang i kasuhangan aijo' tokaje mae tiba aha da monjagai aha.