IMAMAT 26:10 - KITAB NU TUMPU ALLA LELE MA'IMAI'

¹⁰ Isi nu ale' nu belemiu molabi-labimo sahingga sukupmo na anu okaan sataun. Ka' mule' belemiu tantu monsabatakonmo labinyo nu anu pinadak pininmo da tampatnyo ponguna'anmo anu sala'je pinadak.

IMAMAT 26:10 ပူးပေါင်းရင်းမြစ်များ

2 TOMU-TOMUNDO' 19:29

I Yesaya nompoto'imo potunonnyo hi Hizkia, “Aiyamo na bau tanda hi beleyum. Taun uuka aiya ka' taun aiya mae i ahop, mian mongkaanmo gandum anu mosi tumuu'. Panyo lapas aijo' aha timbalimo motugan gandum tiba anggur atina'je ka' nu kaan nu aha na hasinnyo.

YOËL 2:24

Sahingga gandum mongisi mule' tampat pongututan; anggur ka' lanya' nu zaitun molabesmo i tampat pompao'an.

IMAMAT 25:22

Ka' de belemiu monsu'animo ale' nu belemiu i taun ko ialunnyomo, anu pinadak i taun ko anomnyo daagi' ko anu okaan miu. Aitu pe'e kaanon anu pinosadiamo nu belemiu timbali nu sukupi toka i tempo'nyo de belemiu mongalamo hasin nu taun aijo'.

LUKAS 12:17

Mian kaya aijo' nontampu'unimo binapikin i uno nu kinyonyoanyo, ‘Madi'mo daagi' ko tampat bau pompo'una'an hasin nu tano'ku. Mosia na pikilanku tempo' uuka?’

YOSUA 5:11

Dodododopnyo anu ai-aituje na aha nongkaanmo kaanon isinyo nu ale' nu lipu' Kana'an aijo'mo: roti anu madi' ko raginyo ka' gandum anu pinanggang.