IMAMAT 25:9 - KITAB NU TUMPU ALLA LELE MA'IMAI'

⁹ Lantas tanggan sampulu' bitu'on ko popitu'nyomo, aijo'mo na sinaa pongampunian dosa', pokaumo na mian mompo'onyi' tolompet iyaya mae songko-songko na lipu'.

IMAMAT 25:9 ပူးပေါင်းရင်းမြစ်များ

MAZMUR 89:15

Ka'adilan ka' atulan aijo'mo na bau usoinyo nu kalaja'an nu Belento, kalibosan ka' kanonongan otoa i han iwi-iwi' apaa na anu, nubau nu Belento.

MAZMUR 89:16

Mohumpak ka'ima'an na kantumuu'an nu bansa anu lame' na kinyonyoanyo monsombah Tumpu, anu tumuu' i uno nu jingka de Belento tokamo mae o, Tumpu.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

IMAMAT 16:20

De lapasmo na mombau anu bau pomposusi' Salipi' anu Susi' hondo ka' bahagian sangga'at i Kemah nu Tumpu tiba mezbahnyo, i Harun tionyo ahi' monsombahkonmo hi Tumpu mee' anu daagi' tumuu' anu pinile'anmo bau bagi nu Azazel.

IMAMAT 16:29

Atulan haha aiya tionyo ahi' otuluti sampe toka sidu-sidutu'. Toka i tanggal sampulu' bitu'on ko popitu'nyo aha mian nu Israel ka' aha mian anu lengkat mae i salipu'an anu jinojoongmo aijo' hi aha tionyo ahi' bapuasa' ka' madi'mo timbali mokalaja, kalana sinaa aiya, sinaa anu susi' hondo. I sinaa aijo' tionyo ahi' mombau anu bau pomposusi' bansa Israel i dosa nu aha da aha belesi'mo.

IMAMAT 25:8

Obilang pimpitun lipat na taun konjoo'nyo patompulu' ka' osio' na taun.

IMAMAT 27:17

De tano' aijo' sinombahkonmo salatanmo pe'e Taun Monsule'akonmo, olinyo tionyo ahi' osaimbaya-bayanmo.

IMAMAT 27:24

I Taun Monsule'akonmo, ale' aijo' tionyo ahi' osule'akonmo hi tumpunyo momona kabai hi lee'nyo.

NOMBILANGMO 10:10

Ka' suele i sinaa belemiu balame-lame'mo, i Lamean Bitu'on Bu'ou ka' lamean miu sangga'at, tolompet aijo' tionyo ahi' o puuhi ka' opo'onyi' de belemiu monsombahkonmo anu opotunu ka' koloban bau pompodame hi beleng-Ku. Sahingga Aku na montulungi. Akumo na Tumpu Allah nu belemiu.”

NOMBILANGMO 36:4

Toka i Taun ponsule'akonanmo, salatan tokamo na tempo'nyo iwi-iwi' na halata' anu pinobalukmo, osule'akonmo hi tumpunyo anu momona, tano' nu anak i Zelafehad anu toto bou-boune aijo', timbalimo ahi' anu nu to langka-langkai' nu aha sahingga tulunan nu bansa mami madi'mo ko tano' aijo'.”

ROMA 10:18

Panyo kupokilawa: Pa' totu'u aha memang ma'isa nohongo lele aijo'? Tantu polo'mo! Kalana i uno nu Kitab nu Tumpu tinulis sumo uuka, “Potatae nu aha sinongkomo i dunia, sisi-sisik nu aha tinokamo i puus nu tano'.”

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

1 TESALONIKA 1:8

Kalana tinampu'unan lengkat mae hi komiu, na lele mongkona Tumpu tinogilelemo toka-toka i Makedonia ka' i Akhaya. Ka' misa' ola aitu; panyo lele mongkona mosia na komiu palesaya hi Tumpu Allah tinokamo iyaya mae, sahingga kami madi'mo palalu montaloakon apa-apaa.

YOSUA 6:4

Aha popitu' na mian, toto samian momboa tolompet, tionyo ahi' lumajang mamba momona lapas nutuntunije nu Peti' Palajanjian. I sinaa anu ko ipitunnyo beleyum ka' suludadu nu beleyum tionyo ahi' montikubimo kota aijo' pimpitun na sunsum ka' to ima-imam mompuhimo tolompetnyo.