IMAMAT 25:43 - KITAB NU TUMPU ALLA LELE MA'IMAI'

⁴³ Jadi mian nu Israel anu nompobalukmo butongnyo hi belemiu madi' timbali osigohi nu belemiu. Tionyo ahi' belemiu mabuhuk hi Tumpu Allah nu belemiu.

IMAMAT 25:43 ပူးပေါင်းရင်းမြစ်များ

KAJADIAN 42:18

I sinaa ko itolunnyomo i Yusuf notataemo hi aha, “Aku mian anu mabuhuk ka' tulu-tulutan hi Tumpu Allah. Belemiu madi' opoposia asan mombatuki atulanku.

2 TAWARIKH 28:10

Ka' uuka aiya to mia-mian nu Yerusalem ka' Yehuda kahanda'mo obau nu belemiu botuan! Madi' osumbu' nu belemiu saba' belemiu suele binaladosa'mo hi Tumpu Allah nu belemiu?

AYUB 31:13

Salatan posaihonku notusa'mo kalana haknyo gineguanankumo, kuhongo-hongomo ahi' na ia ka' ku baumo hodi-hodi' na kinyonyoangku.

AYUB 31:14

De madi', mosia na aku mongahopi Tumpu Allah-ngku? Apaa na bau pontaamingku de Ia tokamo mae momputusi pa lakalangku?

NOSABATMO 1:17

Panyo ua-ua'aha na boune aijo' anu montulungi mompohampe, mabuhuk hi Tumpu Allah. Aha madi' montuluti palentah nu Tomundo ka' pinobakasmo nu aha na bungamea' mo'ane da tumuu'.

NOSABATMO 2:23

Lapas aijo', pa' sinangkukamo na taun na kinopinnyo i tomundo nu Mesir sinilakamo. Panyo bansa Israel daagi' saja' mososon kalana aha daagi' saja' obotuani sahingga aha noloboo'mo nomoita tulung. Loboo' nu aha tinokamo hi Tumpu Allah.

NOSABATMO 3:7

Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

NOSABATMO 3:9

Haang nu aha bansa Israel i hongong-Kumo, ka' tinoang-Kumo mosia na aha osansala nu bansa Mesir.

NOSABATMO 5:14

To pongaponatun haha aijo' nondokemo to mando-mandon nu aha Israel anu binee'anmo kalaja monjagai pakalaja'an. Aha nompokilawa, “Kadaka' uuka aiya bansa nu belemiu nombau batu tela konjoo'nyo madi'mo susumo anu u'utu mae momona?”

YESAYA 47:6

Naipuan mae Aku nontambuha'imo mian anu palesayamo hi beleng-Ku, aha madi'mo daagi' Ku anggap Aku na tumpunyo, Lantas aha Ku bee'mo hi beleyum, ka' beleyum madi'mo nongkaliboso aha, ka' mule' to tu'a-tu'anyo pinosansalamo nu beleyum taha-tahahu.

YESAYA 58:3

Pinokilawa nu bansa aijo', “Apaa na gunanyo na kita bapuasa' de Tumpu madi' montoa mae? Apaa na gunanyo kita ta'aluk de Ia madi' mompalahatikan mae?” Tumpu notatae, “Totu-totu'unyo, hau-haunyo belemiu bapuasa', belemiu molio posi ka'untungan ka' mongakali to mia-mian anu mongala tambo hi belemiu.

YEHEZKIEL 34:4

Domba nu belemiu haha atina' anu madi'mo mahoson madi'mo okalesang nu belemiu, anu masakit madi'mo opakuli'i, anu binelaonmo madi'mo obobodi nu belemiu, anu tinalasmo ka' nolapusmo madi'mo olio nu belemiu ka' osule'akon mae. Pakalaus iwi-iwi' na domba haha aijo' talalo ahi' osigohi nu belemiu.

IMAMAT 25:17

Boli mongakali bubu' belemiu mian nu Israel, panyo tionyo ahi' belemiu mabuhuk hi Tumpu, Tumpu Allah nu belemiu.

IMAMAT 25:42

Mian nu Israel to posa-posaihon nu Tumpu; Iamo na anu nomboa mae aha nosabat lengkat mae i Mesir kalana aijo' aha madi' timbali opobaluk salaku botuan,

IMAMAT 25:44

De belemiu mompalalui botuan, belemiu timbali mongoli hi to bansa-bansa anu atina' hi belemiu.

IMAMAT 25:46

ka' timbali mule' obee' nu belemiu hi to ana-anak nu belemiu da bau botuan nu aha sampe toka sidu-sidutu'. Panyo bubu' belemiu mian nu Israel madi' timbali osigohi nu belemiu.

IMAMAT 25:53

susumo ia nokalaja mo salaku mian anu nongala tambo anu otamboije de sataunmo. Tuannyo madi' timbali masigo hi ia.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

EFESUS 6:9

To Utu-utus anu tinimbalimo tuan! Tionyo ahi' komiu montiho sumo aijo' suele kona hi to posa-posaihon. Boli talalo masigo. Jaga saba' komiu ka' to posa-posaihon miu haha aijo' hingga-hinggat daagi' ko sa'angu' na bagi tumpuan, aijo'mo Tumpu anu i suluga'. Ia madi' montoa ohup nu mian.

PO'ULE' INGULIT 25:18

Aha madi' nabuhuk hi Tumpu Allah ka' nontumbuhimo mae belemiu aitu mae i mihi, salatan belemiu nalawemo ka' madi'mo ko kahosonan, lantas nompateimo iwi-iwi' na mian sangalu miu anu madi'mo noko ala i lumajang aitu mae i mihi.

KOLOSE 4:1

To Utu-utus anu tinimbali tuan! O palentah ahi' adi-adin ka' obau hodi-hodi' na kinyonyoa hi to posa-posaihon miu. Soba tutugi kalana komiu suele daagi' ko samian na tuan i suluga'.