IMAMAT 25:38 - KITAB NU TUMPU ALLA LELE MA'IMAI'

³⁸ Aijo'mo na palentah nu Tumpu Allah nu belemiu anu nomboamo belemiu nosabat mae lengkat i Mesir ka' nombee'mo lipu' nu Kana'an hi belemiu da ia timbalimo Tumpu Allah nu belemiu.

IMAMAT 25:38 ပူးပေါင်းရင်းမြစ်များ

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

IMAMAT 11:45

Akumo na Tumpu Allah anu nomboamo mae belemiu nosabat lengkat mae i Mesir, da Aku timbalimo Tumpu Allah nu belemiu. Tionyo ahi' belemiu susi', kalana Aku Susi'.

NOMBILANGMO 15:41

Akumo na Tumpu Allah nu belemiu; Aku nomboamo mae belemiu nosabat lengkat mae i Mesir, da Akumo na Tumpu Allah nu belemiu, Akumo na Tumpu.”

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.