IMAMAT 25:24 - KITAB NU TUMPU ALLA LELE MA'IMAI'

²⁴ De santake na tano' opobalukmo, tionyo ahi' o akui na hak nu tumpunyo anu momona, anu po'ule' mololo'i tano' aijo'.

IMAMAT 25:24 ပူးပေါင်းရင်းမြစ်များ

YEREMIA 32:7

koo-Nyo i Hanameel, anak momo'ane nu babo'-Ku i Salum tokaje mae mompoto'i da ku oli na tano'nyo anu kiijo' i Anatot i daerah nu aha Benyamin. Kalana, akumo na julunyo mae anu daagi' talalo ohani, anu kohak mongoli tano' aijo'.

YEHEZKIEL 7:13

Madi' ko padagang anu daagi' po ule' mohumpak apaa na anu pinobaluknyomo, kalana tambuha' nu Tumpu mongkonamo iwi-iwi' na mian maumo pa' ihe. Mian anu ma'idek na palabuatannyo madi' mohumpak kasalamatan.

IMAMAT 25:23

Tano' nu belemiu madi' timbali opobaluk sidu-sidutu'mo kalana tano' aijo' misa' belemiu na tumpunyo panyo anu nu Tumpu Allah. Belemiu ola susumo mian anu lengkat mae i salipu'an anu pinoloasmo da mompake tano' aijo'.

IMAMAT 25:25

De samian na aha mian Israel kinasiasimo sahingga ia mompobalukmo tano'nyo, anu daagi' hondo ohani na moto utus na tionyo mololo'i tano' aijo'.

IMAMAT 25:27

sahingga ia tionyo ahi' mombayan hi mian anu mongolimo tano'nyo, angga'nyo sumo hasin nu ale'nyo aijo' i taun-taun aiya mae i ahop, sangkutnyo toka i Taun Ponsule'akonanmo. Atina'je ka' po'ule' nuhumpak na tano'nyo.

IMAMAT 25:31

De laigan i kampung ise' anu madi' ko pagannyo mesen, daagi' ko atulannyo pokakana susumo oli nu tano'; tumpunyo anu momona ko hak mololo'i ka' laigan aijo' tionyo ahi' osule'akon i Taun Ponsule'akonanmo.

ROMA 8:23

Ka' misa' ola songko-songko na dunia na motusa'; kita suele motusa' i uno nu kinyonyoanto. Kita nohumpakmo Roh nu Tumpu Allah, panyo kita daagi' po'ule' montanda'i Tumpu mompobebas butongto iwi-iwi' ka' mompotimbali kita to ana-anak-Nyo.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

EFESUS 1:14

Roh aijo'na mompohoson saba' kita manau' mae montalimamo apaa na anu jinanji'-Nyomo nu Tumpu hi mian palesayamo hi Ia. Aiya mompokododo kapalesaya'anto kalana Tumpu mompobebasmo mian anu palesayamo hi Ia. O puji' na Tumpu kalana Ia talasanggo.

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.