IMAMAT 25:23 - KITAB NU TUMPU ALLA LELE MA'IMAI'

²³ Tano' nu belemiu madi' timbali opobaluk sidu-sidutu'mo kalana tano' aijo' misa' belemiu na tumpunyo panyo anu nu Tumpu Allah. Belemiu ola susumo mian anu lengkat mae i salipu'an anu pinoloasmo da mompake tano' aijo'.

IMAMAT 25:23 ပူးပေါင်းရင်းမြစ်များ

KAJADIAN 23:4

“Aku aiya mian anu i salipu'an mae jojoong i totonga' nu belemiu to Utu-utus, pobee' mae na aku mongoli santake na tano' bau polamunanku bengkele'ku.”

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

1 TOMU-TOMUNDO' 21:3

Tinaaman i Nabot “Ale' nu anggur aiya pusaka' nu nompolee'ku. Iuno nu sanggo nu Tumpu, madi' timbali ku bee' hi belento Tuan?”

1 TAWARIKH 29:15

Osumbu' nu Belento o Tumpu, saba' susumo to aha-aha mompolee' mami, kami suele monjalani kantumuu'an aiya salaku mian anu tinokaje mae kabai mian anu lengkat mae i salipu'an. Kantumuu'an mami ola sumo loolung motulu, ka' kami madi' moko ala monggoliliakon da madi' silaka.

2 TAWARIKH 7:20

saba' ku sabatakonmo na belemiu da bolimo jojoong i lipu' anu binee'-Kumo hi belemiu. Ka' mule' Ku pala'imo na laigan aiya anu tinantukankumo bau tampat ponsomban Aku. Toka-toka pa' iyaya mae saja' o'alu ka' okokojoi na laigan aiya.

MAZMUR 119:19

Ola sasaingoni' na aku jojoong i dunia aiya boli mae oposuluk hi belengku na atulan nu Belento.

MAZMUR 24:1

Mazmur i Daud. Tano' aiya ka' isinyo iwi-iwi' anu nu Tumpu, dunia aiya ka' iwi-iwi' na anu jojoong i unonyo.

MAZMUR 39:12

Manusia kalana nu saduakon nu kasala'annyo; nu hukumo nu Belento ka' nu dokemo nu Belento susumo atak nu hansunimo nu Belento apaa na anu mingguna hi ia. Memang, manusia ola susumo opuhakon nu sawo nu manusia.

MAZMUR 39:13

Potombihingakon mae na do'angku o Tumpu, palahatikan mae de timbali na anu ku kakase aiya; boli ola momohokot de maluanyo aku humangmo. Susumo iwi-iwi' na mompolee'ku ola sasaingoni' na aku manumpang hi Belento.

MAZMUR 85:1

Anu mongkapalai panyanyi. Mazmur nu aha sa'anakan i Korah.

NOSABATMO 19:5

Uuka aiya de belemiu tulu-tulutan hi beleng-Ku ka' mohongo-hongomo palajanjian-Ku, belemiu Ku potimbalimo mian anu palesayamo hi beleng-Ku. Songko-songko na dunia aiya Aku na tumpunyo, panyo belemiu akumo na tumpunyo anu talalo Ku kalibosi,

NOSABATMO 2:22

I Zipora nohampeakonmo samian na anak mo'ane. Anak aijo' sinanggohannyo i Gerson, kalana i Musa nompotutugakonmo, “Aku mian anu i salipu'an mae i aiya.”

YESAYA 8:8

Nu letabimo nu aha na Yehuda susumo lapangnyo iaba' toka-tokamo igogohong na kotangkasnyo ka' mule' mongomokimo iwi-iwi na apaa.” Tumpu na monsangalui kita! Polipik-Nyo anu bibinokamo nonsalumbungimo lipu'to aiya.

YEHEZKIEL 48:14

Maumo ola sanjangan na tano' aijo' madi' timbali nu pobaluk nu aha kabai nu potolos nu aha; bahagian anu ma'ima' hondo na tano' nu aha Israel madi' timbali molalin hi lima nu mian sangga'at, kalana tano' aijo' pinosadiamo bau bagi nu Tumpu ka' iamo na tumpu-Nyo.

HOSEA 9:3

Belemiu o bansa Israel madi'mo daagi tataap jojoong i tano' anu binee'mo nu Tumpu hi belemiu. Belemiu tionyo ahi' minsusule'mo i Mesir, ka' tionyo ahi' mongkaanmo kaanon anu madi' toho' okaan kiijo' mae i Asyur.

YOËL 2:18

Lantas Tumpu nompalahatikanmo tano'-Nyo ka' nongkalibosimo mian-Nyo anu palesayamo.

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

IMAMAT 25:10

Belemiu tionyo ahi' montantukanmo samata-mata taun ko limampulu'nyo, ka' mombebakonmo kabebasan hi iwi-iwi' na mian anu jojoong i lipu' nu belemiu. I uno nu taun aijo' iwi-iwi' na halata' anu pinobalukmo tionyo ahi' osule'akonmo hi tumpunyo anu momona kabai hi lee'nyo mae. Ihe na anu pinobalukmo salaku botuan tionyo ahi' osule'akonmo hi to utu-utusnyo.

IMAMAT 25:24

De santake na tano' opobalukmo, tionyo ahi' o akui na hak nu tumpunyo anu momona, anu po'ule' mololo'i tano' aijo'.

PO'ULE' INGULIT 32:43

O bansa iwi-iwi', puji' na mian anu pinalesayamo hi Tumpu, kalana Tumpu mohukum iwi-iwi' na anu mompatei aha. Ia na mombalosakon hi sampobali' nu aha panyo mongampuni dosa' nu mian anu pinalesayamo hi Ia.”

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.