IMAMAT 25:21 - KITAB NU TUMPU ALLA LELE MA'IMAI'

²¹ I taun ko anomnyo Tumpu mombalakatije tano' sahingga hasinnyo nu sukupi totolu' na taun.

IMAMAT 25:21 ပူးပေါင်းရင်းမြစ်များ

KAJADIAN 26:12

I Ishak nonsaumo bine' nombaumo ale' i lipu' aijo', ka' i taun aijo' nohumpak hasinnyo i lipat pininsa'atu na nolingkudui anu sinaunyo, kalana binalakatanmo nu Tumpu na ia.

KAJADIAN 41:47

I uno nu tempo' popitu'mo na taun na kasanangan aijo', tano' saja'mo nohasinakon sosu'anon molabi-labi.

MAZMUR 133:3

Kabai sumomo dondu'ok i Bungkutnyo nu Hermon, anu no'ilimo nokaiyong i puge'nyo nu Sion. Ikiijo'mo mae na Tumpu montudunakon balakat-Nyo, kantumuu'an sampe toka sidu-sidutu'.

NOSABATMO 16:29

O inau' Aku nombee'imo belemiu sansinaa na milawe. Mokonyo aijo' sinaa ko inomonnyo binee'an-Kumo anu okaan saimbanggan kapalaluan uansinaa. I sinaa ko ipitunnyo toto samian tionyo ahi' jojoongmo i laigan, ka' madi'mo timbali mosabat.”

NOSABATMO 16:5

I sinaa ko anomnyo aha tionyo ahi' molimu' anu okaan aijo' pinduan lipat na konjoo'nyo.”

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

YEHEZKIEL 34:26

Ku balakatimo na aha ka' mompobee'mo aha jojoong i bungkutnyo anu susi' anu Aku na tumpunyo. Aha Ku bee'imo ujan de nu palalui nu aha.

IMAMAT 25:4

Panyo de taun ko popitu'nyomo aijo' samata-mata anumo nu Tumpu. Jadi i uno nu sataun aijo' tano' aijo' tionyo ahi' opojohokmo ka' madi'mo timbali okalaja. Bolimo monsu'ani ale' ka' bolimo montumpo'i anggur nu belemiu.

IMAMAT 25:6

Maumo sumo aijo', tano' aijo' ko hasinnyo ahi' da timbali kaanon nu belemiu, to botu-botuan, to mia-mian anu mongala tambo hi belemiu ka' to mia-mian anu lengkat mae i salipu'an anu jojoong tiba belemiu.

2 KORINTUS 9:10

Tumpu na montoukai binee' hi mian topo sau binee' ka' anu okaanto. Ia mule' na montoukai ka' momponjoo' apaa na anu osau miu, da hasin nu kanonongan nu kinyonyoa miu mompaka pintuang mule'.

PO'ULE' INGULIT 28:3

Obalakatimo na kota-kota ka' iwi-iwi' na ale' nu belemiu.

PO'ULE' INGULIT 28:8

Tumpu Allah nu belemiu mombalakatije apaa na anu obau nu belemiu ka' mongisije alang miu iwi-iwi' nu gandum. Ia mombalakatije belemiu i lipu' anu binee'-Nyomo hi belemiu.