IMAMAT 25:18 - KITAB NU TUMPU ALLA LELE MA'IMAI'

¹⁸ Otuluti iwi-iwi' na atulan ka' palentah nu Tumpu da belemiu tumuu' madi' ko anu mompoposia i lipu' aijo'.

IMAMAT 25:18 ပူးပေါင်းရင်းမြစ်များ

1 TOMU-TOMUNDO' 5:5

Tumpu nojanji'mo hi tuumangku, i Daud sumo uuka, 'Anak nu beleyum momo'ane na Ku hangkatje bau tomundo' mombolosakon beleyum, iaje na mompotinjo laigan bau ponsombaan mae Aku.' Kalana aijo' kita Tuan Hiram Anu talasanggo aku i Salomo nombaumo kaputusan da mompotinjomo laigan aijo'.

MAZMUR 103:18

kona hi mian anu montoongi apaa na anu jinanji'-Nyomo, ka' anu tulu-tulutan mombau anu nu palentahkon.

MAZMUR 4:8

Belento lebemo nompolame' mae kinyonyoangku nolingkuduimo mian anu nohumpakmo isi nu ale' nu aha.

AMSAL 1:33

Panyo mian anu mompotombihing mae aku tumuu' ma'ima'. Ia tumuu' madi' ko anu mompoposia ka' madi' palalu mabuhuk.”

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

YEREMIA 25:5

Aha nompalentahmo belemiu da mompala'imo palabuatan nu belemiu anu ma'idek atina' ka' saja-saja'mo mombau dosa', da belemiu tataapmo jojoong ilipu' aiya anu binee'mo nu Tumpu hi belemiu ka' hi mompolee' nu belemiu salaku bau pusaka' nu belemiu.

YEREMIA 33:16

Aha mian nu Yehuda tiba anu jojoong i Yerusalem oposalamatmo ka' tumuu' madi'mo ko anu mompoposia. Kota' Yerusalem osanggohimo ‘Tumpu na Momposalamat Kita’.

YEHEZKIEL 33:29

De Ku hukumo na bansa aijo' kalana iwi-iwi na dosa' nu aha ka' mompojadimo lipu' aijo' liingmo hondo, nu sumbu'je nu aha taalu' Akumo ahi' na Tumpu.”

IMAMAT 19:19

Otuluti na palentah-ngKu haha aiya. Boli mompo'osoakon potuu'on anu misa' gampanyo. Boli mosu'an ohua' na ngahan nu anu osu'an i sa'angu' na ale'. Boli mompusok baju' anu tinonun ohua' na ngahan nu banang.

IMAMAT 19:37

Otuluti iwi-iwi' na atulan ka' palentah-ngKu. Akumo na Tumpu.”

IMAMAT 25:19

Tano' nu lipu' aijo' ko hasinnyoje sahingga belemiu ko kaanonmo anu sukup ka' jojoongmo kiijo' mae sanangmo.

PO'ULE' INGULIT 12:10

De opoko taapmo miu na Kaunyo nu Yordan Tumpu Allah nu belemiu montulungimo belemiu monjojoongi ka' tataapmo i tano' anu i santoanyo nu kaunyo aijo'. Ia na monjagai belemiu da boli nupoposia nu aha anu monsampobali' belemiu, ka' belemiu sanangmo na tumuu' madi' ko anu mompoposia.

PO'ULE' INGULIT 33:12

Mongkona tulunan i Benyamin, ia notatae: “Aiyamo na tulunan nu bansa anu nukalibosi nu Tumpu. Ia monjagai aha pihi ka' malom ka' jinojoongmo hi aha.”

PO'ULE' INGULIT 33:28

Aha lee' mae i Yakub tumuu' madi' ko anu mompoposia i lipu' anu manjoo' hondo na gandum ka' anggurnyo, ka' nuhumpisi nu dondu'ok lengkat mae i langit.