IMAMAT 25:17 - KITAB NU TUMPU ALLA LELE MA'IMAI'

¹⁷ Boli mongakali bubu' belemiu mian nu Israel, panyo tionyo ahi' belemiu mabuhuk hi Tumpu, Tumpu Allah nu belemiu.

IMAMAT 25:17 ပူးပေါင်းရင်းမြစ်များ

KAJADIAN 20:11

I Abraham nontaami, “Ku tutugi saba' i aiya madi' ko mian anu mabuhuk hi Tumpu Allah, sahingga aku nupateimo nu mian anu mongka'ima'i bengkele'ku.

KAJADIAN 22:12

“Boli osakiti nu belento na anak aijo' kabai opoposia nu beleyum na ia”, sumo aijo' na potatae nu Tumpu anu pinoto'i nu malaekat. “Uuka aiya sinumbu'-Kumo taalu' beleyum mongadati ka' tulu-tulutan hi beleng-Ku, kalana beleyum madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku.”

KAJADIAN 39:9

I aiya kuasangku pokakanamo tiba kodaka'nyo nu kuasanyo. Madi' ko sa'angu' pe'e na madi' pinotoongnyo hi belengku, panyo belento bengkele' nu tomundo na madi' ahi'. Te toho' mule' aku mombau palabuatan anu ma'idek aijo', ka' moko baladosa' hi Tumpu Allah?”

KAJADIAN 42:18

I sinaa ko itolunnyomo i Yusuf notataemo hi aha, “Aku mian anu mabuhuk ka' tulu-tulutan hi Tumpu Allah. Belemiu madi' opoposia asan mombatuki atulanku.

2 TAWARIKH 19:7

Belemiu tionyo ahi' mabuhuk i Tumpu, ka' momputusi palakala tionyo ahi' opotutugakon ima-ima', kalana Tumpu Allah-nto mongka'ideki mian anu tageo' na kinyonyoanyo, anu momputusi palakala madi' adin kabai ko gau'mo da mohumpak tambonyo.”

NEHEMIA 5:15

Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

NEHEMIA 5:9

Lantas po'ule'mo aku notatae, “Apaa na anu binaumo nu belemiu aijo' madi' ma'ima'! Ola ahi' sabenannyo belemiu tumuu' mabuhuk hi Tumpu Allah. Tiba jalan anu sumo aijo' sampobali'to anu madi' palesaya hi Tumpu aijo' madi' obee'i nu belemiu kasampatan mompopo'ambang kita.

MAZMUR 19:9

Palentah nu Tumpu aijo' sinosokmo hondo, momposanang kinyonyoa. Apaa na anu tinantukanmo nu Tumpu aijo'mo na anu sahondo-hondonyo, mombau mian da mangalati'.

NOSABATMO 20:20

Tinaaman i Musa, “Boli mabuhuk. Tumpu Allah toka mae ola monsobai belemiu da belemiu tataap montuluti Ia, ka' madi' baladosa'.”

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 16:6

Mian anu tulu-tulutan hi Tumpu Allah mohumpak ka'ampunan; mia anu tulu-tulutan hi Tumpu madi' mombau palabuatan anu ma'idek.

AMSAL 22:22

Boli mompolugi' mian anu kasiasi, ola kalana ia madi' mahoson ka' i pomputusian palakala boli mongagoi anu nu mian anu madi' moko ala mombau apa-apaa.

YESAYA 3:14

Tumpu mongulusmo susumo mian kopian hi aha to pola-polaya' nu aha mian anu palesayamo hi Ia. Sumo uuka na Tumpu nontudu aha; “Belemiumo na nontomang iwi-iwi' na isi nu ale' nu anggur; laigan nu belemiu kahomo balang anu ingagoan nu belemiu hi aha mian anu kasiasi.

IMAMAT 19:13

Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

IMAMAT 19:14

Boli montotobi'akon mian anu mabongon ka' boli mompotimpas batu, da bau tosumpunan nu mian mapisok hau-haunyo lumajang. Tionyo ahi' belemiu mongadati ka' okabuhuk na Aku, kalana Akumo na Tumpu Allah nu belemiu.

IMAMAT 19:32

O angga'i ka' o adati na to mia-mian anu motu'amo. Tionyo ahi' belemiu mongadati ka' okabuhuk na Aku, kalana Akumo na Tumpu.

IMAMAT 25:14

Jadi de belemiu mompobaluk tano' hi bubu' belemiu mian Israel, kabai mongoli tano' hi ia, boli mompaha poba-pobaluki padahan kinyonyoanyo tageo'.

IMAMAT 25:36

Boli momoita sabonnyo i anu pinosabonmo hi ia panyo tionyo ahi okabuhuk nu belemiu na Tumpu Allah nu belemiu, ka' pobee' na mian aijo' jojoong atina' hi belemiu. Boli mongala ka'untungan i kaanon anu opobaluk nu belemiu hi ia.

IMAMAT 25:43

Jadi mian nu Israel anu nompobalukmo butongnyo hi belemiu madi' timbali osigohi nu belemiu. Tionyo ahi' belemiu mabuhuk hi Tumpu Allah nu belemiu.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

LUKAS 12:5

Sahanyo Ku potiju' hi belemiu ihe na tionyo okabuhuk miu. Pabuhuk hi Tumpu! Kalana nu poko patei, Ia ko kuasa mule' mongalin i uno nu nalaka! Palesayamo, Ia na anu tionyo okabuhuk miu.

SISIKON NU TO RASUL-RASUL 10:2

Ia mian anu mabuhuk hi Tumpu ka' iwi-iwi' na to utu-utusnyo monsombah Tumpu. Ia saja' montulungi mian nu Yahudi anu kasiasi, ka' ia saja' balado'a hi Tumpu.

SISIKON NU TO RASUL-RASUL 10:35

Mian anu mabuhuk hi Tumpu ka' mombau anu ma'ima', mian aijo' otalima nu Tumpu, madi' mompile'i ia bansa apaa.

SISIKON NU TO RASUL-RASUL 9:31

Sahingga jama'at i songko-songko na Yudea, Galilea ka' i Samaria madi'mo binata-bata. Roh nu Tumpu na nontulungi da nabuhuk hi Tumpu, sahingga to jama-jama'at aijo' nompaka majumo ka' nompaka da'isanmo.

ROMA 11:20

Aijo' memang totu'u. Panyo aha o'alin kalana aha madi' palesaya, panyo kita Utus otalimamo kalana kita Utus pinalesayamo. Jadi boli kita timbali kobubuun kalana tinalimamo; ola ahi' kita Utus tionyo mongoa'i mabuhuk.

ROMA 3:18

ka' madi' mongadati Tumpu.”

PO'ULE' INGULIT 25:18

Aha madi' nabuhuk hi Tumpu Allah ka' nontumbuhimo mae belemiu aitu mae i mihi, salatan belemiu nalawemo ka' madi'mo ko kahosonan, lantas nompateimo iwi-iwi' na mian sangalu miu anu madi'mo noko ala i lumajang aitu mae i mihi.

1 TESALONIKA 4:6

I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.

1 SAMUEL 12:24

O adati na Tumpu ka' otuluti na Ia, ka' ohongo-hongo ka' okinyonyoai ahi' nu belemiu totu-totu'u. Sabole-bole o inau' na hahan anu daka' anu binaumo nu Tumpu hi belemiu.