IMAMAT 25:14 - KITAB NU TUMPU ALLA LELE MA'IMAI'

¹⁴ Jadi de belemiu mompobaluk tano' hi bubu' belemiu mian Israel, kabai mongoli tano' hi ia, boli mompaha poba-pobaluki padahan kinyonyoanyo tageo'.

IMAMAT 25:14 ပူးပေါင်းရင်းမြစ်များ

2 TAWARIKH 16:10

Potatae i Nabi Hanani aijo' nonsaduakonmo da i Asa pinusamo hondo, sahingga pinosoopnyomo na nabi aijo' i uno nu talungku'. Tempo'nyo aitu suele nonsakisamo na i Asa pa' aha sangkuka na miannyo anu nu palentah.

MAZMUR 10:18

Anak anu madi'mo ko tuumanyo ka' tinanyo ka' mian anu binee'anmo kasansala'an, ti ninjohanmo nu Belento na palakalanyo, da madi'mo ko mian anu sola' monggala-gala aha.

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 21:13

Ihe na madi' mongka'oho' mohongo tusa' nu mian anu kinaku langanmo madi' opolahatikan de ia na momoita tulung.

AMSAL 22:16

Ihe na mongka'oho' timbali kaya, tiba jalan monsansala mian anu kasiasi ka' mombee'i palasen hi mian anu kaya, imihinyo mae timbalimo kasiasi hondo.

AMSAL 28:16

Anu balakuasa monsansalai mian sangga'at madi' ko pikilan anu ma'ima'; anu balakuasa mongkaddeki anu madi'adin mompalentah motau-taun.

AMSAL 28:3

Anu balakuasa momposansala mian anu kasiasi, sumomo ujan daka' anu mongidei mo anu opadakmo.

AMSAL 28:8

Ihe na kinayamo kalana mongala bunganyo ka' talalo ahi' mongkekedi da ka'untungan, manjoo' kakaya'annyo aijo' saidi mae manabu' hi mian anu kokalibosan ka' hi mian anu kasiasi.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

YESAYA 1:17

o'ajan na mombau ka'ima'an. O toongi dodo-dodo na ka'adinan ka' boli obau na mongkabisa'i; bee'akon na hak nu aha anak anu madi'mo kotuumanyo ka'tinanyo ka'otinjohi na palakala nu anu balumo.”

YESAYA 33:15

Belemiu timbali moko ala tumuu' de belemiu motatae, ka' mombau anu sahondo-hondonyo. Boli molio ka untungan ka' sola' mompolugi' mian anu kasiasi, ka' boli ahi' mongala doi anu bau ponsogo' nu mian. Boli maninggalum hi aha mian anu saja' montanga'i da mompatei mian kabai palabuatan ma'idek sangga'at.

YESAYA 5:7

Kalana ale' nu anggur nu Tumpu Anu Daka na Kuasanyo aijo'mo aha mian nu Israel, ka' aha mian nu Yehuda aijo'mo na anggur anu sisinu'an-Nyomo. Aijo'mo hi aha na pontaha'imanian-Nyo ka'adilan panyo ola mule' ahi' kabuhingison. Aha na Nu taha'imani montoongi totu-totu'u anu hondo padahan ola mule' ahi ko anu aijo' hi aha na momoita ka'adilan.

YESAYA 58:6

Uuka na puasa' anu Ku kahanda'i; Alinakonmo na pompungu nu kasansala'an ka' hukuman anu madi' adin, ka' opobebas na mian haha aijo' anu sinansalamo.

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

YEHEZKIEL 22:7

Madi'mo daagi' ko samiannyo na anu jojoong atina' hi beleyum na moholomati tu'anyo nu aha. Beleyum nongakalimo mian anu lengkat mae isalipu'an ka' nongalamo ka'untungan hi mian anu binalumo ka' mule' anu madi'mo ko tuumanyo tiba tinanyo sisingkapmo sinusa' aijo'.

IMAMAT 19:13

Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

IMAMAT 25:15

Oli nu tano' aijo' tionyo ahi' opotataap susumo konjoo'nyo nu taun tano' aijo' daagi' mohasinakon sampe toka i Taun Ponsule'akonanmo anu aiya mae i ahop.

IMAMAT 25:17

Boli mongakali bubu' belemiu mian nu Israel, panyo tionyo ahi' belemiu mabuhuk hi Tumpu, Tumpu Allah nu belemiu.

MIKHA 7:3

Iwi-iwi' aijo' pande hondo na mombau palabuatan anu ma'idek. Mian anu ko pangkatnyo tiba mian kopian momoita doi bau ponsogo' ka' to tu'a-tu'anyo mompakisakon pongka'oho' nu aha, sumo aijo' na aha nombau kasangaja'an hingga-hinggat.

LUKAS 3:14

Daagi' mule' ko' suludadu anu nompokilawa, “Mosia na kami? Apaa na tionyo obau mami?” I Yohanes nontaami, “Boli mompagala mongala mau mule' pa' hi he, ka' boli mongagoi doi, pula-pula mompisala'i anu madi' totu'u. Sukupmo na gajium!”

1 KORINTUS 6:8

Panyo ola mule' ahi' komiu na mombau hi mian sangga'at madi' adin. Posi komiu suele mompolugi' mian sangga'at. Ka' aijo' obau miu kona hi to Utu-utus anu pokakana na kapalesaya'an!

TO MIA-MIAN KOPIAN 4:3

I Yabin daagi' ko kareta 900 anu opake mahampate besak na binau. Inguampulu' na taun na kinopinnyo ia nompalentah aha mian nu Israel ka' talalo hondo masigo. Lapas aijo' aha nomoitamo tulung hi Tumpu.