IMAMAT 25:13 - KITAB NU TUMPU ALLA LELE MA'IMAI'

¹³ I uno nu taun aijo' iwi-iwi' na tano' anu pinobalukmo tionyo ahi' osule'akonmo hi tumpunyo anu momona.

IMAMAT 25:13 ပူးပေါင်းရင်းမြစ်များ

YESAYA 61:2

Ia nonsaimo aku da mompolele saba' tokamo na tempo'nyo Tumpu momposalamatmo; da mohase'mo iwi-iwi' na mian anu sinusa'mo ka' mombalosakon mo sampobali' nu aha;

YEHEZKIEL 7:13

Madi' ko padagang anu daagi' po ule' mohumpak apaa na anu pinobaluknyomo, kalana tambuha' nu Tumpu mongkonamo iwi-iwi' na mian maumo pa' ihe. Mian anu ma'idek na palabuatannyo madi' mohumpak kasalamatan.

IMAMAT 25:10

Belemiu tionyo ahi' montantukanmo samata-mata taun ko limampulu'nyo, ka' mombebakonmo kabebasan hi iwi-iwi' na mian anu jojoong i lipu' nu belemiu. I uno nu taun aijo' iwi-iwi' na halata' anu pinobalukmo tionyo ahi' osule'akonmo hi tumpunyo anu momona kabai hi lee'nyo mae. Ihe na anu pinobalukmo salaku botuan tionyo ahi' osule'akonmo hi to utu-utusnyo.

IMAMAT 25:12

Taun aijo' salakumo taun anu susi' hi belemiu. Belemiu ola timbali mongkaan apaa na anu nosi tumuu' i ale'nu belemiu.

IMAMAT 25:28

Panyo de ia madi' moko ala mololo'i tano'nyo, mian anu nongolimo tataap mongkuasai tano' aijo' sampe toka i Taun Ponsule'akonanmo aiya mae i ahop. Toka i taun aijo' tano' aijo' tionyo ahi' usule'akonmo hi tumpunyo anu momona.

IMAMAT 25:54

De ia madi' opoko ala ololo'i susumo sala'sa'angu' na jalan aijo', ia ka' to ana-anaknyo tionyo ahi' opobebasmo i Taun Ponsule'akonan anu aiya mae i ahop.

NOMBILANGMO 36:4

Toka i Taun ponsule'akonanmo, salatan tokamo na tempo'nyo iwi-iwi' na halata' anu pinobalukmo, osule'akonmo hi tumpunyo anu momona, tano' nu anak i Zelafehad anu toto bou-boune aijo', timbalimo ahi' anu nu to langka-langkai' nu aha sahingga tulunan nu bansa mami madi'mo ko tano' aijo'.”