IMAMAT 24:9 - KITAB NU TUMPU ALLA LELE MA'IMAI'

⁹ Roti aijo' bau bagi i Harun ka' lee'nyo. Tionyo ahi' nukaan nu aha i tampat anu susi', kalana roti aijo' sumo-sumomo bahagian anu talalo hondo susi', anu o ala i koloban kaanon anu osombahkon hi Tumpu bau bagi nu to ima-imam.

IMAMAT 24:9 ပူးပေါင်းရင်းမြစ်များ

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

IMAMAT 10:12

I Musa notataemo hi Harun ka' hi anaknyo ohu-ohua', i Eleazar ka' i Itamar, “Ala na gandum labinyo nu anu kinakaanmo anu sinombahkonmo hi Tumpu. Labu aijo' obau roti anu madi' ogalo'i ragi, lantas okaan na aijo' i sohipi' nu mezbah, kalana koloban aijo' talalo hondo susi'.

IMAMAT 10:17

“Kadaka' koloban bau pongampuni dosa' aijo' madi' kinaan nu belemiu i tampat anu susi'? Koloban aijo' talalo hondo susi', Tumpu nombee'mo hi belemiu, da dosa' nu aha mian Israel o ampunimo.

IMAMAT 21:22

Panyo ia timbali mongkaan kaanon anu sinombahkonmo maumo koloban kaanon anu sinombahkonmo maumo koloban kaanon anu susi' mau pe'e koloban kaanon anu susi' hondo.

IMAMAT 24:10

I Kemah nu aha mian Israel daagi' ko samian na mo'ane. Tuumanyo mian nu Mesir ka' tinanyo mian nu Israel sanggonyo i Selomit, anak i Dibri nolengkat mae hi tulunan nu aha bansa Dan. Daagi' kino sansinaan mian aijo' pinainggagamo tiba samian aha mian nu Israel i kemah. Tempo'nyo pinainggaga, ia nontotobi'akonmo Tumpu Allah. Kalana aijo' aha mian nu Israel nomboamo ia nangadap hi Musa,

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

IMAMAT 6:11

Lapas aijo' ia tionyo ahi' mombolosimo baju' ka' momboamo abu' aijo' i sambiha'nyo nu pinombauan Kemah i tampat anu pinosadiamo samata-mata pompo'una'an aijo'.

IMAMAT 6:16

Labinyo nu labu tionyo ahi' obaumo roti anu madi' ko raginyo ka' okaan nu to ima-imam i tampat anu samata-mata bau pongkaanan, aijo'mo i natan nu Kemah nu Tumpu. Aijo'mo na bagi nu to ima-imam anu binee'mo nu Tumpu hi aha anu ingala i koloban kaanon. Kaanon aijo' susi' hondo, sumomo koloban anu bau pongampuni dosa' ka' koloban bau polugi'i.

IMAMAT 6:9

mombee' hi Harun ka' hi to ana-anaknyo atulan haha aiya, mongkona koloban anu opotunu iwi-iwi'. Imam tionyo ahi' mompaha potimpas koloban anu opotunu i mezbah ka' mompobakas ikiijo' sampahu, ka' apunyo tionyo ahi' saja' moak.

IMAMAT 8:3

Lantas pokau iwi-iwi' na mian nu Israel sihuk mae i ahop nu sabatan nu Kemah-Ku.”

IMAMAT 8:31

Lapas aijo' i Musa notataemo hi Harun ka' hi to ana-anaknyo, “Unjangmo na antoknyo nu koloban aijo' i ahop nu sabatan nu Kemah nu Tumpu. Koonyo nu palentah nu Tumpu, belemiu tionyo ahi' mongkaan itina' tiba roti anu kinolobanakonmo nombalakati anu itina' i loyang.

MALEAKHI 1:12

Panyo belemiu na ola ahi' mongalu Aku kalana monsangka mezbah-Ku anu madi' ko angga'nyo ka' monsombahkon ikiijo' kaanon anu madi'mo mingguna hi belemiu.

MATIUS 12:4

Ia ninsoop i uno nu Laigan nu Tumpu; lantas nongkaan roti anu sinombahkonmo hi Tumpu. Padahan de mombatuki atulan nu agamanto, ia kabai mule' to mia-miannyo, madi' timbali mongkaan roti aijo' – ola to ima-imam na opobee'.

LUKAS 6:4

Ia ninsoop i uno nu Laigan nu Tumpu, ka' nongala roti anu sinombahkonmo hi Tumpu ka' kinaannyo. Lantas binee'nyo mule' na roti aijo' hi to mia-miannyo. Padahan koonyo nu hukum nu agamanto, ola to ima-imam na anu timbali mongkaan roti aijo'.”

1 SAMUEL 21:6

Lantas imam aijo' nombee'imo i Daud roti anu sinombahkonmo aijo', kalana anu daagi hi ia olamo roti aijo' anu sinombahkonmo hi Tumpu Allah, ka' madi'mo pino una' i mezbah kalana obolosimo nu roti anu daagi bu'ou. (