IMAMAT 24:2 - KITAB NU TUMPU ALLA LELE MA'IMAI'

² da mombee'i palentah haha aiya hi bansa Israel. Boamae na lanya' nu zaitun anu madi' ko galo'nyo ka' anu talalo hondo ma'ima' da opake i lampu nu Kemah nu Tumpu, da otutungi ka' saja' ia sabole-bole moak.

IMAMAT 24:2 ပူးပေါင်းရင်းမြစ်များ

2 TAWARIKH 13:11

Toka subu-subu ka' mama lomo, aha mompapuimo kamangian ka' monsombahkonmo koloban anu opotunu hi Tumpu ka' momposadiamo roti anu suele osombahkon. Salatan malomo nututungimo nu aha na sulu' haha aijo' i tengke nu sulu' anu mosoni' na binau. Kami tataap montuluti iwi-iwi' palentah nu Tumpu, panyo belemiu nohikumo Ia.

MAZMUR 119:105

Potatae nu Belento ponsulu'i aku malalangkas jingkanyo monjingkai aku lumajang.

MAZMUR 119:130

De otalangkan, pangajalan nu Belento mompojingka, mompopangalati' mian anu madi' talalo pande.

NOSABATMO 39:37

tengke nu sulu' mosoni' anu madi' ko galo'nyo na binau, to sulu-sulu'nyo tiba iwi-iwi' na posadiaonnyo, lanya' anu opake i sulu',

NOSABATMO 40:24

Tengke nu sulu' pinokokonyomo i uno nu Kemah, i sasu selatan, mompaha ahop tiba meja' aijo',

AMSAL 6:23

Sinin na pangajalan nu tu'anyo nu beleyum sumomo sulu' anu majingka; pokinde nu aha mompotingaan hi beleyum jalan nu kantumuu'an anu ma'ima'.

YESAYA 11:2

Kuasa nu Tumpu na mompotiju' ia, mompotimbali ia mingkinyonyoa ma'ima' ka' pande, pande na montantukan kaputusan ka' mompojalan kaputusan monsumbu' anu nukahanda'i nu Tumpu Allah ka' tulu-tulutan hondo hi Ia.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

IMAMAT 24:1

Tumpu nompokaumo i Musa

IMAMAT 24:3

I Harun tionyo ahi' mongkalesang lampu haha aijo' lengkat pe'e mamalom sangkutnyo toka subu i tampat katokaan nu Tumpu i sambiha' nu lalanse' anu mongkukubi Peti' Palajanjian i Salipi' anu Susi' hondo. Palentah aijo' tionyo ahi' obau sampe toka sidu-sidutu'.

MATIUS 4:16

Bansa anu tumuu' i uno nu pintung montoamo jingka anu jongkilaban! Anu jojoong i uno nu lipu' anu pintung kapatean binete'mo na sahaya nu jingka!”

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

LUKAS 12:35

“Bajaga-jaga na mongahopi iwi-iwi' na han. Komiu tionyo saja' mosadia mipake ka' sulu'um tataap opomoak,

YOHANES 1:4

Potatae nu Tumpu aijo' pu'un nu kantumuu'an, ka' kantumuu'an monjingkai mian.

YOHANES 1:9

Jingka totu-totu'u anu monjingkai iwi-iwi' na mian, tinokamo i dunia.

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.